يمه مريولي توسخ..}

يـــمـــه ..
تكفين اسمعيني ...
يمـهـ ..
بسألك شي ..
جاوبيني ..
هو صحيح اللي مــآآت..
داخل القبر يصير حي ...؟؟؟
يــمـــه...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمــهـ ..
تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمــــهـ ..
تكفين ارجعي ..
اليوم حطت لي المديره ..
نجمه من فوق جبهتي ..
يمــهـ
سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمهـ ..
مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمــهـ ...تعالي اشتري ...
يمـهـ ..
عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــهـ...

يالله خلاص لاتمزحي
يالله قومي
تعالي معي للبيت ارجعي
يمهـ يمـهـ...
نسيت شي ..
بقولك ترى بيتنا صار فاضي ..
ماحد يجينا..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمــهـ ..
قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفيـــــــن
يمــهـ بكــــرآآ آصحـــي ..
يمـــهـ بكـــرآآ أرجعـــــــي..

رآقـــــت لي .. "