أَجْمَلٍ بـَيْتُ .. مَ ــرْ \ عٍ ــليْكـٍ / لننتقي أجمل الأبيات

ادري انّه مثلي واكثر ..مافضح خافي دفينـه

يستر اوجاعـه ولا يشكـي لمخلـوقٍ ابـد
ادري انّه خايف ..وسيف الفزع يقطع يقينـه

بس ..روحي طمّنيه انّي على بنـود العهـد
علّميـه انّـي وفيّـه وافيـه دوم وامينـه

احفظه وآصونه ولا عمري اخلفـت الوعـد
ذكّريه بعشـق كنّـا بالتّسـاوي قاسمينـه

نص هذا العشق يكفي الكون ويفوقـه عـدد
ذكّريه انّي احبه .. حب يخسى مـن يهينـه

حـب طاهـر جمّعـه مابيننـا الله الصمـد
حب صادق في وفا واخلاص حنا مأسسينـه

صلب بنيانه وراسخ .. مـا تعـرض للهدد
حتى لو وجه الجفا بوجيهنـا قطّـب جبينـه

ماعلينا من صـدودٍ يعكـس حجـاج انعقـد
حتى لو بعد المسافه جـا يفتّـل شاربينـه
بعد ما هاضت مشاعر حبنـا ..منـا شـرد