.. { .. فِـَـيےً ضِيُـًـآفـَـہَِ هَمْــَسُ آلَقَوْآفًـَــًيےًُ .. ..

[

font="comic sans ms"]مدخل/
أقبل لـ ( همس القافيه ) بـ (هيبه ) اليوم
راجع و حرفي حرّته في وريده

من بعد غيبه عشتها كلها هموم
جايب معي جني و مية قصيده

جاكم ( الين اليوم ) يبي يقوم
يلعب بحرفة وسط ناس ٍ فريده
ترحيبكم موصول يا أهل( الوفا ) دوم
ويالله نبي همة معاكم جديده

ماهي علاقتك بالشعر ؟!!
الشعر,,ذووق,,واحساس,,وذكاء,,وفطنه...وانا استمتع فيه الى درجة الثماله


من هو شاعرك المفضل ؟!!
سعــد علوش في القمه..لانه يعبر اللي بداخلي..وشخصيته تقريباً زي شخصيتي.
ويعجبني بالمفردات الشاعر مساعد الرشيدي..وكمان ابن فطيس بالسهل الممتنع..


آعضــآء في " هيبـة ملك "تثق في ذائقتهم الشعرية ؟!!
والله الصراحه كلهم ذائقتهم راقيه..
وخاصه الوفاء طبعي..
والاحساس الخجول..
ويعجبني ياسر لانه دايم يكتب بنفسه..



بيت شعر يحضرك دائما ؟!!
شريت عقلـي فـي سـؤال وإجابـه
انا أعبدالله .. ولا أعبد الوساويس ؟

لـذة خفوقـي وانجلابـه ضبـابـه
سجـدات ليـلِ ظالمينـه مناعيـس

فاجـواء مكـه والحـرم والرحابـه
لا يابعـد رومـا ولنـدن وباريـس
هذي ديـار المصطفـى والصحابـه
وهذيك دار ابليس وعويـل ابليـس


قصيده تعدها من اروع القصائـد ؟!!
هذي قصيده جداً اعجبتني...لانها تحكي عن واقعنا..



الفكرضد الموت في كل الأوقات"
واللي بليافكرعايش بتابوت"

الصح منه يموت ويخلد أموات"
والا الغلط مجرد إسنين ويموت"

والشعر إنماكان ساعي قناعات"
يصبح حكي لاكن علي هيأت إبيوت"

والصدق مفتاح الكرامه ومنجات"
يكفيك من لبس الثرى مشلح وقوت"

والكذب نقص إعقول وفعول وثبات"
لأن أغلب الياقوت ماهو بياقوت"


والحب أحلى شي إلا مع الذات"
والدار أغلي شي إلابلاقوت"

والدين عز وهيمنه وإنتصارات"
لاصار قول وفعل وجهاد وقنوت"

يوم المشايخ قبل عصر الدويلات"
تنقل كفن وسلاح ماتنقل إبشوت"

في وقتها يحلا الخطب والشعارات"
سالت إدموع العز من عين جالوت"


في وقتنا ياصانعين القرارات"
نضحي بغزه على شان بيروت"


والفرق شاسع ياصراع الحضرات"
والقول أكيد وبل أدله ومثبوت"

الماضي أمجاد وشموخ وفتوحات"
والحاضر إمهايط ومقها وبالوت"


وأمر وأدها ماهو أقادم أوأت"
لاصار واقعنا إمبهذل ومنكوت"

يمثل الأمه بل الأمه عصابات"
وعلى خراب إبيوت تتعمر إبيوت"

جلسات سريه على شان جلسات"
إتفوت الي مستحيل إنه إيفوت"

العب واضح في جميع المجالات"
بشوت صلحلي اصلحلك إتشوت"

والخير بين في وجيه البشاوات"
والشعب مستهلك ومتعب ومكبوت"


حريه الراي إختصاص القيادات"
وحنا تخصص ذل وإنصات وسكوت"


ياصاحبي خل القصص والحكايات"
وش ميزة التوت فقد لذه التوت"

إن مت من قول الحقايق سهالات"
علي الأقل تدري علي إيش بتموت"


والمشكله ماهي في كثر الأصوات"
المشكله لاصار مال للعقل صوت..!


لــ محمد جار الله السهلي..



هل لك محاولات في كتابه الشعر ؟!!
والله لي كثير..بس مشكلتي مافكر بالكسر بالابيات..يعني اهم شي تاصل الفكره..
يعني مش حالك..*_*





لك مساحه بلآ حدود وحرية بلا قيود امتعنا بقصيدة على ذوقك ؟!!
والله انا اعجبتني قصيده لواحد من اخوياي..كتبها ببنته الصغيره..الله يحفظها له..كتبها بعد ماشافها تحاول تقلده وتحاول تكتب له ابيات..
وقال..


البنت اللي معاها الورد يتفاخر..
العمر عدى وانا مازلت ناطرها..

طفله..تشخمط على قلبي وبالآخر..
شافتني شاعر وملت من خواطرها..

تكتب وتكســر..واقول البيت شي فاخر..
كسر(ن) ببيتن..ولا كســر(ن) بخاطرها..



اتمنى اني كنت ضيف خفيف على قلوبكم..واحب اشكر اختي الغاليه الاحساس الخجول لاختيارها لي..واللي اختارها ضيفه من بعدي....

اتمنى ان تمتعينا بذائقتك العذبه..

تقديري

مخرج/
لو تدرون وش انا منه خايف..
انو باقي لكم من الذكرى حســايف..!

[/font]