مين اللي كلامه صح انا او صديقي ( نقاش )

واحد رجال تشوفونه بكل وقت للصلاه يروح لها في موعدهاا بالمسجد وش تقولون عليه ..؟؟

نقول طال عمرك رجال متدين ماشاءالله عليه محافظ على أوقات الصلاة

شخص 24 ساعه جالس بزاوية الحاره وايده ما تطفي من الدخان . وش تقولون عليه .؟؟

من خريج تربيه غير صالحه.. أو من مصاحبته لأصدقاء السوؤ...أو وأو والخ

بنت 24 ساعه بالمنتديات مالها شغل ولا مشغله بكل الاقسام ترد ما تخلي قسم الا وترد فيه ضحك غزل مدح جد بكل شي تدس راسها فيه .. وش تقولوون عليهاا ..؟؟ وهل اهي بنت صالحه لك كــ زوجه او اخت ..؟؟

أولا مافيه بنت 24 ساعه تناقز بالمنتديات مستحيل هذا الكلام,,

اوكي خليها تضحك تغازل تلعب بعقول هالشباب المساكين اللي إذا شافو بنت لحقو خلفهآ .!!

مافي بيت مايخلو من اجهزة كمبيوتر وأغلب بناتنا بالسعوديه عندهم كمبيوترات [ لابتوب ],,

أنت ياكايدهم لو عندك بنت وتحبها حب ماهو طبيعي وطلبت منك جهاز لابتوب ورفضت وحنت عليك وعلى راسك وبدأت تبكي ,,شي طبيعي بتشتري لها لابتوب ومن اشغالك وطلعاتك هي بتخش نت وحتى لو حرمتها في اكثر من طريقه راح تخش معها

بس هي على التربيه كثير البنات يخشون النت ويناقزون بس عندهم مبادئ متربين عليها ..

بالنهايه احنا اخوان مسلمين إذا ضريت أي بنت بيجيو يوم من الايام أحد بيضر بنتك

لاتقول ماعندي خوات بكره تتزوج ويصيرلك بنات ..

ولد نشوفه كل شوي مغير له صوره التوقيع حقة من بنت حلوه الى احلى .. وش تقولون عليه ..؟؟

كيف ولد يحطله صورة بنت .!! ماتجي هذي الا إذا كان صاحب العضويه طفل مراهق مبتدئ

شباب داخلين بنكاات كلها حنيه ورمنسيه عشان يجذبون البناات واذا قلنا لهم ليش كذا قالو كل يرى الناس بعين طبعه ..؟؟

النكات طبعا تعبر عن صاحبها نعم فيه رومنسيين ليش تبيهم كلهم عرابجه .!! وفيه ناس على نياتهم يختارله أي نك

وهو بالاخير اسم مستعار في عآلم النت

لكم الظاهر او البااطن حوول هذولا الاشخااص اعلاه .؟؟

تقبل مروري اخووك فارس الشووق ...

والسلام خير ختام