قم ياولد زهب لنا جيب Gxr.......بصوت أبونواف...

هلا وغلاا بالجميع



هذه القصيدة من كلمات الشاعر / كاتم الـــونه


كتبت معا دخول الوسم لهذا العام


وهي في شريط مبدعنا الغالي./ أبونواف ..الجديد الذي


يحمل عنوان (الخيمة تناديني) ..حياكم الله.,


















قم ياولد زهب لنا جيب جقـس آر
دام الوسـم أقبـل علينـا بـنـوّه



وزهب معاميلي على شبـت النـار
ومن السمر زوّد لجل طيب ضـوّه




يامحلا مجّلاسنـا جنـب مجمـار
وريح النفل غطى على كـل جـوّه



وحليـب خلفـة طيبـة بيننـا دار
بكريةٍ تـوّه علـى العشـب تـوّه



وفنجال صيني ناقـعٍ بـن وبهـار
بنٍ علـى المحمـاس لا ماتشـوّه



واليا طرى الشاهي له القرم بيطار
قم ياسعد سوّه على الكيـف سـوّه



وسط النفود اللي بها خوش تذكار
طعسٍ حمر توّه مـن الوبـل تـوّه



فيه الثرى يلحق ثراهـا بلاشبـار
مسقيه ربـي مـن تباشيـر نـوّه


ودارت سوالف كلها طيب وأخبـار
فيهـا الميانـة سايـده والاخـوة


وهلت قرايحنا على ذكـر الاشعـار
[OVERLINE]حتى العليمي بالشعـر قـد تفـوّه [/OVERLINE]


واللغز جاء دوره على عصر الافكار
نرمي على عينه ولـو قـد تمـوّه


واليا رقدنـا مانسينـا بالاسحـار
نوتر وهاذي سنـة أهـل المـروّة
















[rplayer]http://www.5ymah.net/rm/gxr.ra[/rplayer]