سجل حضورك بـ بـيــت مـن الـشـعـر ~¸¸~

ليتني يا يمه في عمر الطفوله00
اترك الدنيا واخليــها وراااي


أقضي الأوقات في صوله وجوله00
بين لـ ع ـب وضحك والعابي جداي


اطرب اصحابي وياني ملوله00
ونومي بـ حضنك ترى غاية هناي


اوصل الروضه واعود لك عجوله00
ما احتمل طول المغيبه يا مناي


طفله صغيره وفي طبعي خجوله00
بالبراءه دوم يغلبني حياااااي

**

مادريت !!

ليلة البارح غشاني صوتك العذب وبكيت ..

ورحت أدور أي حاجه لأجل أنسى ,,

مالقيت !!

إلا ( وجهك ) يرتسم لي ،،

يبتسم لي ..

ودون ما أشعر بكيت !!

**

{ .... تـدري وش اللـي شـدنـي بـ / احـسـاسـك
انـّه ’ خـذانـي , .... ومـا سـألـتـك لـيـ ؟ ـش
قـلـبـي تـراهـ الـيـا تعـلـّق [ حـاسـك ]
< يـعـ ش ـق ~ وتـنـ ب ـض ~ غـ ي ـرتـه ~ و يـ ش ـيـش ..!!
لا يـغـرّك إنّـي عـاقـل ومـتـمـاسـك
يـدبـي × جـنـونـي × فـي الجـسـد بـشـويـش ...!

إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدور وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن ) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هي العزم هي الصبر فالظلايم

فيها الكرم عزه دله وفنجال
فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم


ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في درب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

ولا صرت ما تدري لو يش أنت رجال
والله خسارة فيك ذبح التمايم

أهلاً هلا ياجرح دقّيت بابي


تفضّل ~ ومامن غريبين يمّي .!


هذي تناهيدي ~ وهذا عذابي

والشايب اللي مرتكي ذاك .. همّي .!