احاسيس مبعثره..

،

صبــآحكم/مســآئكم..بيت عيا يكتمل..!

قصيده رائعه للرآئع المتواضع "بركآت الشمري"..


قبل مده استقبل برركات الشمري بمنتدى..رأيت في الشاعر هذا مالم اره بغيره من تواضع..


عندما يسألوه الاعضاء يجاوب بكل تواضع ومعطيهم جل اهتمامه..



يكفي انه ملقب نفسه بـــ "الـعــآدي جـــداً"


انتقيت لكم واحده من درره..






،








علميني ؟

لاسألني الشوق ويني ؟

تسأليني ‍‍ ؟

أنت وين ؟

واسمعيني ‍ ؟

لاصرخ هالجرح فيني ؟

وأسأليني ؟

يعني وين ؟

يعني وين ؟

يعني وين ؟

في دهاليز التعب

في ممرات الهموم

عند ركنك يالضياع

عند بيتك يالحنين

وتسأليني

يعني وين ؟

للسما للصبح للغيمه وليّه ...... للهوى للحب لايامي وهمي

للتعب للحزن للأشواق فيّه...... للأمل ل النور للدمعه ياعمي

وش تبي أكثر من جروحي هديّه؟...... وش تبي أصدق من الصرخة أبـ فمي

علّم الطفلة رغد معنى الأسيّه ......لانبت هالعشب من دمعات أمي

ماشتهيت الصدق واحلامي غبيّه...... لو تسوسن غدر من أغصان دمي

ليلة البارح وكانت سرمديّه ......أطلبتني شوق قلت بذوق : سمي

صبت بعيني سهر بنت الخطيّه...... آآه ياطول السهر لاجات يمي

ليلة البارح وانا والآآآدميّه ......كلنا يشكي واقول الهم همي


ياعزيزي قوم نم ْ

كافي فوق الهم ْ

هم ْ

كافي نقطف من حنين

كافي نسرف

بالأنين

وكل مافينا سأم ْ

كافي تحرث في خيالي

وكافي نبحث

ف الليالي

عن دوى يشفي ألم ْ

خذ تعال الشوق يندهلك

تعال

ولاسألك :

الصبح وافي ؟

قول : لا

ولاسألك :

الليل جافي ؟

قل : نعم

وعلّم الدنيا مراسيم التعب

وعلّم العالم شنو

أصعب صعب ؟

إنتكاس الحب كله للعدم

لملم أشواقك وهات

وإلا تدري

للجهات

أنتثر كلك شتات

ولملم إجراحك

ونم ْ

لحظه وحده

قبل ترحل ؟

ودي أسأل هالسؤال ؟

ركز إحساسك معاي

وحاول إنك

تسمعه

السؤال يقول

تدري ؟

ودي أقلبها خيال

خلني بتبع خيالي

يوم اشوفك

تتبعه


ماأحب اسكن (سهولي) والسما تنده تعال ...لن أنا أصلا ( نزولي ) (ماأبالغ) يرفعه

( طلع الشعر علينا) من ثنيّات (الجدال)......وآمن الراعي بنايه يوم أيقظ مضجعه

لبّى قلبك ياقصيدي شاعرك ميّل عقال......وعاد لاميّل اعقاله وين منهو يردعه

الأسم واضح ومسقط راس جدّاني لشمال......فاضح ٍ كل الجرووح وماأحب المعمعه

اليقين اللي يشكك فيك تحريمه حلال......اركله من قرية أفكارك لإنه إمّعه

من يقول الشمس أصلا ً مالها أيّة ظلال؟......ظالم ٍ حظ الكواكب في سفاهه مقنعه



إيه

وش كنّا نسولف ؟

قول

ياإبن الحلال ؟

هو سؤال الله واعلم

هاك مني

واسمعه

والسؤال بكل بساطه

دام طرّيت

السؤال

أنت ضد القلب

والا

يابعد روحي

معه ؟

واتركيني للغياب

واتركيني

بلا أمل

واتركي بي طفل شاب

شاب صبره

واندمل

تاه يبحث في فيافي الشوق

عن صبحه وهمسه

تاه يبحث عن حنان

عن أمان

عن هوى مسكون أمسه

كان بالإمكان

لمسه ا

أففف هَم ْ

ياخي

أف هم



والله إني جيت أطهر من ينابيع النقاء......والله إني جيت أصدق من دموعك ياليتيم

آه ياربي يارب الأرض هذي والسماء......تغفر أخطائي وزلاتي وترحم يارحيم

كنت مثل الطفل أحلم في زمن كله صفااء.....وكنت ابني الحلم هذا من (جزيئات) النسيم

لين ماطاح الصباح ودمعتي وآخر لقاء......لين مايّبست اعروق وسال ملح وجف غيم
الهوى ماعاد ابيه ولايشرفني إنتماء......دام ( إذلال ) الرجولة من ورى (ضحك) الحريم
أنت تسأل كيف حالي؟مزري وكلي استياء......من سخافات الزمان ومن سماجات النديم

لا ياقلبي عاد صحصح طير لعيون السماء......عيش باحضان السحابة وارسم الاحساس غيم


جبتها لك من الأخير

يا تسلمني ( حياتك )

والا باخذها

واطيرر



عقبك غدت كل الليالي حزينه......ومافيه عقبك من يسد بمكانك
روحي غدت للياس منّك رهينه......وخان الزمن فيني وخانك زمانك
مثل الغريق اللي يتحرا سفينه......ظليت انا اتحرى يجيني حنانك
شاعرك ياخلي تفجّر حنينه......لاجلك وكل الليل يسهر عشانك
ماغير اقلّب ذكريات ٍ دفينه......يوم الهوى عايش بدنيا جنانك


انا باقي

أسولف للمطر عنّك

ولكنّك

ولااعبرت أشواقي !!



،





اتمنى تروق لكم..

دمتم بخير..

صيآغة لحروف لؤلؤية
باتقان حرف .. وسرد أخآذ

ونسج عذب لِخيال الشآعر فنساب حرفي

رغم عني لِأُجآريه الخيآل

.

‘’

أسولف للمطر وأرفعه نآظري لهامات الغيوم

واخبي دمع انسكب بستآر دمعآت الهموم

وأقول

هدني الهجر وفرآق الخليل

ومابقي بأقلامي حبر مانسكب كيف جريآن السيول

وأرجع وأقوم وأمسك ورق

وأقلبه ،..فوق وتحت يآخي وين السطور.؟!

كلها شكل الغيوم ..سودا محمله بدمعآت الهموم

وأرجع وأقول باقي أمل وألقى سطر ما نحنى

يندهـ يقول: إسرقي حبرك من شوق العيون

وخطي بأول سطر

والله ما ينضب ابد شوقي لك دآخل هالعيون

‘’

.

اعذرني للمرور من هنا بضعيف مفرداتي

فخطوطي ربمآ بعيده كل البعد عن الشعر...!!؟

لكن لروعة انتقآئك حركت شيء بدآخل من شوق مدفون

أُستآذ أنت يا شي للذكرى

تعرف دوماً ما تقرأه وما تنتقيه

تخطفُ الجوآهر من شبكة العنكبوت وتلصقآ لنا هنآ

طِبت برونقك دوماً يآ أخي

...عبير

المشاركة الأصلية كتبت بواسطة عبير الورد صيآغة لحروف لؤلؤية باتقان حرف .. وسرد أخآذ ونسج عذب لِخيال الشآعر فنساب حرفي رغم عني لِأُجآريه الخيآل . ‘’ أسولف للمطر وأرفعه نآظري لهامات الغيوم واخبي دمع انسكب بستآر دمعآت الهموم وأقول هدني الهجر وفرآق الخليل ومابقي بأقلامي حبر مانسكب كيف جريآن السيول وأرجع وأقوم وأمسك ورق وأقلبه ،..فوق وتحت يآخي وين السطور.؟! كلها شكل الغيوم ..سودا محمله بدمعآت الهموم وأرجع وأقول باقي أمل وألقى سطر ما نحنى يندهـ يقول: إسرقي حبرك من شوق العيون وخطي بأول سطر والله ما ينضب ابد شوقي لك دآخل هالعيون ‘’ . اعذرني للمرور من هنا بضعيف مفرداتي فخطوطي ربمآ بعيده كل البعد عن الشعر...!!؟ لكن لروعة انتقآئك حركت شيء بدآخل من شوق مدفون أُستآذ أنت يا شي للذكرى تعرف دوماً ما تقرأه وما تنتقيه تخطفُ الجوآهر من شبكة العنكبوت وتلصقآ لنا هنآ طِبت برونقك دوماً يآ أخي ...عبير

،


الرآئعه / عبير الورد..

رغم ان القصيده اعجبتني ولاكن ثملت بمجآراتك..

لاتحرمينا من حروفك النقيه..

جميله حروفك التي اعدت قرآئتها مرات لأصيغ الرد عليك..

ابدعتي..ولاكن لازلنا عطشى!

وانتٍ كريمه فأروينا..

لآعدمنا امطآرك..

{}

ليلة البارح وانا والآآآدميّه ......كلنا يشكي واقول الهم همي
ـــــــــــــــــــــــــــ
لبّى قلبك ياقصيدي شاعرك ميّل عقال......وعاد لاميّل اعقاله وين منهو يردعه

الأسم واضح ومسقط راس جدّاني لشمال......فاضح ٍ كل الجرووح وماأحب المعمعه
ـــــــــــــــــــــــــــ
الهوى ماعاد ابيه ولايشرفني إنتماء......دام ( إذلال ) الرجولة من ورى (ضحك) الحريم
ـــــــــــــــــــــــــــ


رآق لي جدآ قمة في الشاعرية وآحساس مرهف عالي
راقت لي كل حروفه

شي للذكرى , يعطيك العافيه على ذوقك وأكيد أنك تملك ذائقة شعرية راقية والا ما اخترت هالأبيات
دمت في حفظ الله

صـــــــح السان شاعرها


كل الشكر لك اخوي شئ للذكرى