صرصور بمطعم فخم بالخبر

على فكره هذي ثاني حاله تحصل لنفس المطعم و ماحولك أحد
أنتبهوا
الحذر ثم الحذر من مطعم "مغل" تراه معفن و وسخ و الصراصير تلاقيها مع الرز شوفو السالفه والصورو أعتذر على الصور المقرفه بس حبيت أحطها كدليل أثبات لاغير

أمس الجمعه تاريخ 11/6/2010 رحت ل "مطعم "مغل" ألي في الخبر قريب من شارع السويكت مع المدام و الأولاد نتعشى ,,,, طبعا المطعم هذا دايم زحمه و طق نعل لأنه مطعم مشهور بالأكلات اللذيذه الهنديه والصينيه والمنغوليه و غيره....
بس للأسف هذي أخر مره اروح فيها المطعم التعيس هذا ,,, بعد ماطلبنا الأكل و لهطنا نص برياني الروبيان الي على كيفك الا وصرصور في نص الصحن مندعس تحت الرز لا و مطبوخ صح يعني مافي أمل يقول صاحب المطعم يمكن جا من برا ,,, أنا شفت الصرصور ماصدقت عيني و حاولت ما أبين للمدام والأولاد عشان مايرتبكون ويقوم التطريش ,,, بس صادوني من ملامح وجهي ودهشتي وكشفو السالفه أن الدعوه فيها صرصور ,,,,

على طول تحولت وقتها أسد و طلبت المدير العام و بعد عشر دقايق وصل و اشرشح والديه و أوريه الصرصور كان يسوي نفسه منصرع وكيف جا هذا ,,, قلت له من بيتكم ياحبيبي ,, مطعكم معفن و حنا مصدقين أنكم نظاف ,,, الا الناس بدت تسمع وكل الطاولات تمر تناظر في الصرصور ويطلعون يسبون فيهم من غير مايحاسبون ,, لقوها علثه العوايل ,, والباكستاني المدير قام يتباكى ويقول أنا مسكين يجي من باكستان عشان أكل و الجراسين قامو يتباكون عرفو أن المطعم بيتقفل وبيموتون جوع ,,, على فكره دخل المطعم هذا خرافي وشكله كله للباكستاني

المهم وأدق على السنترال و أطلب رقم المسئولين عن مثل هذي المشاكل في البلديه ,,,, كان يقولي مأمور السنترال ماعليلك الا الأتصال ب940 ويجونك ركض مايصدقون على الله مثل هالحوادث ,,,,
عموما ,, وأدق لمده عشرين دقيقه طبعا محد يرد و الهنود و الباكستانيين الي في المطعم يحاولون يبون الصحن والأكل عشان يرمون الصرصور ولا يصير فيه دليل ,,


بعد نص ساعه أتصالات تكرم أحد الموضفين و رد علي و أخذ المعلومات وقال بنبلغ المندوب المفوض في مثل هذي الحالات يجيك على طول ,, قلت له تكفى مابي يطول تراهم قاعدين ينظفون المطبخ و المطعم لما سمعوني أكلم يعني حطو رجولكم و بسرعه ,, قالي والله حنا جهه نستلم الشكوى و نتصل على الأخ المسئول عن مثل هذه الشكاوي ويجيك - اذا تأخر كثيييير كلمنا و حنا نحط ملاحظه في الكمبيوتر أنه غير متعاون !!!!!! قلت يالييييل ماطولك وأقعد مع المدام و أولادي على أعصابنا و تجمهر علينا المدير و المحاسب و الطباخ و الجراسين الكل يحاول أني أتنازل ولي أبيه بيعطوني أياه ,,, حتى أن المدير العام قال مستعد روح أتعشى أنت وعيالك في أفخم مطعم و أنا بحاسب عنك – قلت له مايرضيني الا البلديه تجي وتقفل مطعمكم هالخايس الي الناس مغتره فيه ,,,, والله وأجلس حروة الساعه وماعندك أحد كل شوي أتصل مره يردون ويقولون حنا بلغناه وهو بيجيك و عشر مرات مايردون ؟؟؟؟ وقتها عرفت ليه المطاعم وسخانه من جد و محد حولها .... لأن المسئولين حسبي الله عليهم في سبات عميق ولا همهم الشكاوي ,,, طال صبري والأولاد حامت كبودهم من مقابل الصحن والصرصور نبي أحد يجي من البلديه ولا أي مكان مختص في مثل هذي الشكاوي والله ماشفت رقعه وجه أحد منهم و تخيلو بعد معاناة الأنتظار أكثر من ساعتين أتصل على 940 مره عاشره الا يقولي ترانا بلغناه تقدر تروح وهو بيجي يعاين الشهادات الصحيه و النظافه العامه للمطعم !!!!
قلت له صباح الخير يا عزيزي يمديهم نظفو المكان و أخفو حتى الفيران - وكيف أروح و وين الشهود و الدليل اذا رحت ..... عموما ماقصرتو على الخدمه الرهيبه هذي.....وقلت مابدهاش و الشكوى لله
بعدها قمت و شخطت مدير المطعم بكم سبه وشتمه من حر مافي قلبي وعطيته الصحن الي فيه الصرصور و قامو يناقزون من الفرحه و يشكروني و يبوني أتعشى عندهم بكره عشى خاص على حسابهم ,,, قلت لهم معصي أمر من الشارع الي فيه مطعمكم ,,,
بس شرهتي والله على الي مضيع وقته وقاعد يشتكي و ينتظر أحد يجي ,,,,

أحذركم من هالمطعم و أنتبهو من الأكل فيه أو حتى أحد يروح له
و أحذركم أكثر من تظيع وقتكم و الأتصال في 940 لأن ماحولك أحد و الكل نايم

....
على الايميُل
الله يكافينا شرُ المطاعمُ
صدقوني ياخوانُ .. مافتحوا هالمطاعم وزكرشوها عشان يوكلونكمُ اكل طيُب وزينُ ..
يعني مسؤولين عن اكلنا همُ؟ الله يخليلنا حريمنا السنعاتُ لبى قلوبهمُ *__*
ماهمهم الا جيوبنُا وفلوسنُا .. حسبي الله على بليسهمُ
< علم نفسكُ
الله يزوجنا ان شاء الله ونفتكُ ..
تحياتيُ

المشاركة الأصلية كتبت بواسطة ]ǁ[يـآإْسُـرٍ]ǁ[ < علم نفسكُ

هههههههههههههههههههه

أهم شي .,

,

الله يكفينــا شر المطاعم ومحبين الأموال .. الله يجعل كيدهم في نحورهم .

< ..


.


الله يسعدك ويحفظك

يعطيك العافيه


لك مني أرقى تحيه

مسائكم ورد ..~

يا كثر هالمشاكل تصير ..
ومرت علي كثير في مطعم مشهووور في مدينة جده ..
والله كذا مره نحصل شعر .. ونشتكي ولكن مافي فائده ..
وبعد كم يوم .. نقول يلآ شباب وش رايكم نتعشى فيه ؟ ههههه

وبالنسبة للبلدية والناس المختصين .. ما يتعاونون بكل أمانه وإخلاص

يمكن يهزئ صاحب المطعم قدامنا .. ولكن بعد ما نخرج .. يأخذ مبلغ مالي عشان يسكت وما يفضح المطعم وما يسوي شكوى باسم المحل

وهذي حالة الناس اللي ما تخاف الله

,,,

الله يخليلنا حريمنا السنعاتُ لبى قلوبهمُ *__*

وإذا ما عندنا وش السواة *_* هههههه

,,,

الله يزوجنا ان شاء الله ونفتكُ ..

أي والله عسى الله يكتب لنا الخير ياخوي ..
وعسى الله يرزقك بالزوجه الصالحه

ياسر إسم على مسمى وروحٌ لايماثلها روح تأسرنا بروحك الطيبه ومواضيعك الشيقه أجدك مبدعاً بكل ماتعنيه الكلمه تنسج خيوط الابدع بكل انواعه وتنشر بخور الحب بين جنبات أركان هيبة ملك أسم لمع وصدع في سماء المنتديات حفظك الله من كل سوء لك الشكر بلفيف الامتنان أختك مرام

ووووووواااااااااووووووو

لا ومسوووين مطعم فخمه

الله لايوفقهم الناس المساكين جالسهـ تأكل ولاعلا بالهاا

يسلمووووو