baaaaaaaaccccck to exaaaaaam ×.× !!!!

-

مساء الخير ع الناس الدافورّه
مساء معتم بنكـهة الفيزياء والريـاضيات
مساء مشبع بِ المذاكرة لما تتفقع العيّون وتشوف الحرف حرفيّن
إحم..
نظراً لقرب الإختبارات
من المعـروف ياأحبه أن كـل واحد ووحده تجيه/ا حـالات نفسيـة بوقت الإختبارات
منها ماهو حميد ومنها ما هو (ااا أترك لكـم إطلاق الأوصاف )
أبي كـل واحد ووحده تقـول .. وش الطقوس الي تسويه/ا إذا جته/ا هالفترة الزيّنه
ووش العادات الي فرض عين تسوونها
يعني فيه نـاس تنصك عند ها الشهية .. ماتاكل أبد لما تصير عود
والبعض ماتطلع الإمتحانات ألا وهو زايد أربعة كيلو
كذا يكون مو مشتهي شيء أصلاً
يروح يفتح الثلاجة يدور أي شي يوكل وده بس ياكل
يعني ( يتهرب عن الكتـاب )
والبعض الله يجزاه خيـر تصير رقاصة بيتهم
أربع وعشرين ساعة رقص
لو تسمع أنشودة حزينه .. قامـت ترقـص عليه
مثل وحده تقول قاعدة أرقص على أنشودة بالإنجليزي ..
وآخر شيء اكتشفت أنها تتكلـم عن الموت ياساتر استر
واللي تمسـك كتابها ومعها قلم يقالها بتذاكلر ثم تبدأ المواهب والابداعات والرسمات والهوجسّه تطلع >> مو أنا ترا
ولا فيه ناس لازم فصفص
ولا لازم يدخلون النت على أساس يذاكرون
ولا اللي تقول لها أمها يلا وين المذاكرة يابنيّتي مب نافعك الا كتابك
وتصرّف البنت إيه أطلعوا عني خلوني أذاكر
أذاكر من ها الإزعاج !
وبعدين ياعمري الأم تقش البزران وتصك الباب .. واسكتوا عن بنيّتي خلوها تذاكر..ولا أحد يزعجها
ولا شافت الام طالعة طيررررراااان على الابتوب
وطبعاً لازم يكون الكتاب على جنب احتياطاً يعني
عاد ثم تدخل الأم وتشيّك ع الاوضاع
وتقوم البنت تحاول تسكر الاب توب بس خلاص مكشوفه مكشوفه ياحبيبتي ! ليه تسكرينه
وتبررّ أمااااه .. يجب أن تراعي الظروف النفسية
فعند الإختبـار ، سبحان الخالق .. أحاول أن آخذ دورات في الحاسب
وأريد أن أكتشف كل جديد في الجهاز
وأعشق قراءة المواضيع والرد عليها
وأحب أن أستمع لكل جديـد ومفيد
بِ العربي الفصيح نريد أن نهج من ه الجو الغثيث اا اقصصد الجميل
..

يالله ياحلوين يادوافيّر
المكـان مكـانكم ..وكل الي عندكم قولوه هنا
أشرح ظروفك .. واحكـي معاناتك سواء بجو المذاكرة ولا جو الإمتحان
فنحن نسمعـك وندعمّكك
هامش صعنون :
ممنوع منعاً باتاً رد الناس العــواطلية الذين يستخفون دمهّم فقط يسمح لهم بِ المشاركة لتحفيز وتشجيع الطلبة
ورجاءّ يعني ودي تكون هالفضفضه إيجابيه أكثر من سلبيّه عشان نحمّس بعض ع الجد والاجتهاد
وياليييييييييييييييييت تزوّدونا بِ الصور
وبليز لا تدخل وتطلع .. أدخل ورد وبعدين أطلع
وأخيراً أتمنى لجميع طلاب وطالبات آل هيبهّ التوفيق بالدنيا والآخرة

.
.