ماسبب تدهور الدوري السعودي ومغادرة اغلب المشجعين للانديه الاوربيه بكل ميولها <<<

[align=center]السلام عليكم ورحمة الله وبركاته


اخواني اعضاء هيبة ملك ( الرياضيين خاصه ) كل عام وانتم بخير قبل كل شي ؛؛

ارجو من الجميع المشاركه وابداء رايه حول موضوعنا وهو هبووط مستوى الدوري السعوودي ونزوح الشباب السعودي الى تشجيع الفرق الاوربيه بكل دمه وكل مايملك وهذا ملاحظ على اغلب الشباب حيث ان فريقه المحلي لايعني له شي سواء خسر ام فاز وشغله الشاغال هو فريقه الاوربي هل سيحقق الشامبينز ام الدوري ؟؟؟؟

اكيد ماصار هالشي الا وفيه اسباب واتمنى من كل واحد فيكم يبدي برايه حول الموضوع بكل اريحيه وبعيد عن التحيز

الدوري السعودي ويامحلى دورينا هو كل مانملك وكل ماتهيض له الصدور النصر يهزم فنخرج لنرى ماتعليقات الرئيس الراحل عبد الرحمن بن سعوود رحمة الله عليه والاتحاد والاهلي وقصة القط والفار والشباب وماادراك ماالشباب والوحده فارس مكه والهلال زعيم الكره السعوديه ويوسف الثنيان والجابر والغشيان كل هذا كان موجود اول في دورينا مد وجزر من هنا وهناك مايجذبك لمشاهدة المباراه سواء بارض الملعب ام عبر الاقمار الصناعيه ؛؛؛؛

اما الان تعال شوف بس هبوط حاد في مستوى الحكام وضعف واضح جدا في الاتحاد السعودي في اتخاذ القرارات
اصبح الدوري معروف من بياخذه او بمعنى اصح واقوى صرنا نعرف من بيفووز قبل ماتبدا المباراه

معلقين افضل مايقال عنهم بانهم فاشليـــــن الواحد بدال مايعرفك بالاعبين يروح يسسووولف بفلان وش سوى ووش ماسوى بالمباراه الفلانيه طيب احنا قاعدين نتابع الان مباراه والمعلق يتكلم بمنحنى آخر ؟؟؟؟؟
وليتها على الفكر بس او المهاره لدى المعلق لا حتى الصوت ماحولك احد ياخي يجيبون النوم

اما اللي اشوووفه اقوى الاسباب في هبوط مستوى الدوري السعودي مو من ناحيه القوه على مستوى آسيا لا
ولكن من ناحية الغزارة التهديفيه وكثرة المواهب فقليلا مانرى في كل نادي يظهر نجم فاعتقد بان الاعلام والاعلام والاعلام هو السبب الرئيسي في نزول مستوى دورينا .

واكبر دليل ان كل مابزغ نجم من لاعبينا بدات الاقلام والمصورين اللي يقول هذا خليفة الهريفي والللي قوول هذا خليفة سامي
ويالله خذ من الشحط لين ضاع الولد وتبون الصراحه انا ماعاد اطيق شي اسمه الدوري السعووووودي .

لانه الصراحه دوري فاشل بكل ماتعنيه الكلمه (( لاحكام مثل العالم ولامعلقين والدعوه كلها حرب صحفيه باسلحة الاقلام مابين الهلال والاتحاد دوري تجكمه الواسطات فمتى ماعسل صاحب القرار وزان جووه قال اجلو مبارة الفريق الفلاني وحطوها باليوم الفلاني وهذا اللي خلاني اترك الدوري المحلي وانتقل للدوري العالمي ( الايطالي ) .

وارجو اني ماطولت عليكم وارجو كل الرجاء من جميع الاعضاء بابداء رايهم بكل شفافيه ودمتم بصحه وسلامه [/align]