اللوبي،!!

صبآح /مساء الخير..

،

وش علومكم عساكم طيبين
أولا قبل ما تقرأ القصيده يفضل انك تكون في مكان هادي مافيه ازعاج
عشان تخش جو مع القصيده وتفهمها صح وينصح بكوب كابتشينو او شاي..

عشان تعرفو وش يقصد باللوبي..

اللوبي معناه الدور الأول بالفندق

اللي فيه صالة الإستقبال والمرقص

وهو يقصد المرقص بالقصيدة هذي

ويتكلم عن الراقصات والناس الموجودين بالمرقص او الديسكو ... إلخ

اتركم معآه..^ ^



،





،


الراس بيت شيوخ والحلم جاسوس
للنفس يقطع من تركها ثواني

خذني وطلعني ولو الهوى كوس
ابتنفس شي صافي وهاني

داخل تصادم فكر ومزاحم نفوس
على فتافيت الغوى والغواني

في هاللوبي كل شي ضايع ومعكوس
ما كن في هالكون رب واماني

اثاثه الغامق وتصفيفة الكوس
تدل على ذوق راقي وداني،!

شفهم وشف كيف الفشل يجعل
الروس اشيا كماليه مابين الاذاني

وشف كيف هذا ثمل ويعثر ويدوس
على مسمى جده الاولاني،!!

وشف كيف هالشايب برغبته محبوس
تحت شعار ان آخر العمر فاني،!

احس عنده عيله وبنت عروس
تخجل من ابوها كثير وتعاني

وشف هالجمال اللي مدثر ومحيوس
مثل الكلام اللي بليا معاني

فتاه تعرض جسمها الغض بفلوس
ويبيعها في اليوم عشرين زاني

وشفت الثنين هناك تراهم جنوس
رجال بس رجال من نوع ثاني،!!

ضحايا نفط وقل طاعه وناموس
والام كانت طيش والاب اناني

كل الزوايا طافحه قبح ونجوس
تسبح وفي الركن الاخير المواني

واحد يغني وعنده حثاله جلوس
كأن ما في هالحياة الا اغاني

ياوخز قلبي وخزة الجرح بالموس
ياعالم ما فيه حلم وتفاني

في هاللوبي ما فيه ريس ومريوس
الكل بايع نفس والكل جاني

والكل عنده عذر واهي ومدروس
لوقلت ليه انت كذا قال اعاني،!

انا اللي اعاني من القوس للقوس

هذا ماهوبـ جوي ولا هو مكاني

بركض وابي يركض معي الف فانوس
الى صباحات الغلا والتفاني

روح معي والواقع احيان كابوس
وانا ما احط اللوم على زماني

احمد ربي كل ما دق ناقوس
واعرف حدودي واستحي من كياني

واصمت ليا جا للحكي روس وعسوس
واضحك ولو وجهي من البكي حاني

لو كل شي محسوس يآآخووك ملموس
طلعت آخر جرح بين المحاني