_________________
ـالبارت ـالرابعـ
_________________
( في سياره عبد العزيز )
عبد العزيز وهو يزيد بسرعه السياره : هذي بتذبحني ببرودها بس وش أسوي أحبها ياناس أحبها
( في أمريكيا وبالتحديد غرفه فيصل )
زياد وهو يقوم فيصل : فيصل فيصل
فيصل من دون نفس : ها
زياد ك يله قم بسرعه نبي نروح نشوف النتيجه
فيصل وهو يقوم : يله قمت رح قوم وليد
زياد وهو يطلع : بسرعه أخلص لأني متحمس على النتيجه
( في غرفه وليد )
زياد : وليد وليد يله قم
وليد : طيب طيب أطلع بره
زياد وهو يطلع : يله بسرعه أخلصوا علي
زياد جالس يحتريهم بالصاله لما يخلصون ومرت خمس دقايق ثم طلعوا وراحو الجامعه
( في الجامعه )
زياد : أنا خايف
فيصل : وأنا أكثر
وليد : أقول شباب وش رايكم لو نتفرق و كل واحد منا يروح يشوف نتيجته مو أحسن
زياد : أيه والله أحسن
فيصل : لا أنا خايف أروح لحالي
وليد : ليش يابابا
فيصل : خير مو أنا أصغر عيالك تناديني يبابا
وليد : طيب ليش خايف
فيصل : أمزح عاد لا تصدقون
زياد : أجل يالله رح قبلنا وورنا شطارتك
فيصل وهو يمشي : أروح ليش ما أروح
( كل واحد منهم راح عشان يشوف نتيجته )
( في شقة البنات )
رنيم بصوت عالي : بيااااااااااااااااااااااان ليااااااااااااان يالله قومو عشان نروح ناخذ النتيجه
بيان بعصبيه : وجع أنشاء الله أسكتي تراك أزعجتيني
ليان من دون نفس : ترى أذني أبيها ما بعتها
رنيم : لا والله توني أدري يالله بسرعه قوموا النتايج خل نلحق عليها
بيان بأستهزاء : ليش لها رجول عشان تنحاش
رنيم وهي تقلد صوتها : لا مالها رجول
بيان وهي ترمي الجزمه على رنيم : يالحيوانه لا تقلدين صوتي
أريم وهي تدخل الغرفه : وش فيكم تصارخون
ليان : تعرفين بيان ورنيم لازم يتهاوشون وإلا ما يقدرون يعيشون
أريم : طيب يالله يا صبايا أستعجلو عشان نروح الجامعه
ليان : يالله أنا قمت بس أبي ألبس
أريم : يالله يا بيان
بيان بعصبيه : طيب
رنيم : غصب عنك تقومين
بيان : لا والله ما في شى غصب عني ( وجلست )
أريم : يا بيان يا حبيبتي لا تعطين الأطفال وجه كبري عقلك
رنيم : وش قصدك
بيان وهي تقوم : يعني يا طفله ما أعطيك وجه ولا أعطي كلامك أي أهميه لأنك بزر نونو
رنيم : والله النونوأنت وأشكالك
أريم وهي تكلم بيان ورنيم : ترى والله بنروح أنا وليان ونترككم
ليان وهي تدخل : كني سمعت أسمي
أريم : كنت أقول أننا نبي نمشي ونخليهم
ليان :ههههه ليش بزارين ما يعرفون يدلون الطريق
بيان بعصبيه : أيه والله صادقه بزارين ماندل الطريق
ليان : على العموم أنا ما شيه اللي بتجى معي حياها الله
رنيم : أنا بأجى معك
أريم : وأنا راح أجي معاكم
بيان وهي تقوم : وأنا بعد بس بليزأنتظروني أبي ألبس
ليان : يالله بسرعه
( في الجامعه )
فيصل كان يطامر من الفرحه : نجحت أبشركم نجحت
وليد : فيصل أعقل اللي يشوفك يقول أول مره تنجح
فيصل وهو فرحان : خلهم يقولون اللي يبون أهم شي أني نجحت
وليد : مبروووووووك وش تقديرك ؟؟
فيصل بغرور مصطنع : ممتاز
زياد وهو يركض : ألحقو ألحقو أخذت تقدير ممتاز
وليد : حتى أنت
زياد : ليش أنتو مثلي
فيصل : يس
زياد : يا ناس أحس أنى فرحان
فيصل : حتى أنا
وليد بفرحه : خلاص أنا اليوم عازمكم على أي مكان تبونه
وفجأه جوا البنات
البنات : هاي
فيصل : هلا وغلا ببنات أبو متعب
البنات : هلا فيك
ليان : ها أشوفكم فرحانين
زياد : كلنا ناجحين وبتقدير ممتاز
ليان : ما شاء الله حلو أجل أنا بعزمكم على
الغدا
فيصل : لا والله أنا اللي بعزمكم
بيان تقاطهم : أقول يا صبايا خلونا نروح نشوف النتايج وبعدين عزموا على كيفكم
زياد : طيب يالله أحنا بنحتريكم روحوا وشوفوا نتايجكم
رنيم وهي تمشي : يالله
( فى بيت عبدالعزيز وبالتحديد في غرفة لين )
لين يرن جوالها ناظرت المتصل ولفت على ديم
ديم : ردي الجوال من اليوم وهو يرن
لين : هذا ريان
ديم : وإذا كان ريان وش اللي تغير
لين : اللي تغير أني وعدت عبد العزيز إنى ما أكلمه
ديم : ليش عبد العزيز درى بالسالفه
لين : أيه درى
ديم : طيب وش سوابك ؟؟
لين : ماسوالي شي أبدا ( وقالت لها السالفه )
ديم بستغراب : يعني مامد يده عليك
لين : ولاشي بصراحه توقعت أنه بيقبرني
ديم : تدرين ليه ماسوالك شي
لين بأهتمام : ليه
ديم : أتوقع أنه فكر بعقلانيه لأنه لو مد يده عليك أكيد راح تعاندينه لكن بينما لو جاك بأسلوب التفاهم أكيد راح يظمن أنك راح تفكرين بكلامه
عشان كذا ياحلوه أتوقع أنه ماهاوشك
لين : تتوقعين عشان كذا
ديم : لا بجد يالين أفرضي أن عبد العزيز مثل ما تقولين مد يده عليك أكيد راح تكرهينه وراح تسوين أي شي يقهره
ومن الأشياء اللي بتقهره أنك راح تكلمين ريان وبكذا يعني أنك ما عطيتي كلامه أي أهميه
لين : أها
ديم تكمل : وأنا وريم أكيد راح نوقف معاك
لين بثقه مصطنعه : أكيـد
ديم : نوقف معاك بحكم أنك أختنا
لين : طيب وأهو أخونا
ديم : أيه هو أخونا بس دايما تكون الأخت أقرب من الأخو
لين : صادقه أيوه كملي
ديم : وأنتي راح تكرهينا فيه فأكيد مع مرور الأيام راح تصبح علاقتنا معاه موعلاقه الأخو اللي قايم بدور الأم والأب وتحمل مسؤوليه البيت
بالعكس راح تكون علاقته معانا علاقه سطحيه وأنا وريم وأنتني أكيد أننا راح تفقد حنانه بحكم العلاقه السطحيه
وراح ندورعلى الحنان برى البيت خاصه أننا بأعمار محتاجه حنان ومراقبه
لين : اللي يسمعك يقول أنك بالخمسين
ديم : لايا ليون صحيح أن عمرى قريب منك بس أنا يوم ماتت أمى تحملت مسؤليتكم أنا وعبد العزيز
عشان كذا الدنيا علمتني أشياء كثيره مع أني ما أنكرأن عبد العزيز أهو اللي كان متحمل أكثر مني بالمسؤوليه
بس أني تحملت شي منها
لين : طيب وشلون تكونين متأكده من كلامك عن عبد العزيز
ديم : لأنى أنا وياه تقريبا نفس التفكير
لين : لا موهذا سبب مقنع
ديم : يا ليون أنا متأكده أن عبد العزيز ماسوى
كذا إلا وهو حاسب ألف حساب للي يسويه
لإن موأنا بس مسؤليته أنتي وريم ونواف الله يقومه بالسلامه
وفيصل هذا لحاله مسؤليه خاصه ومو كل من درى أن أخته مع علاقه مع واحد
يسوى مثل عبدالعزيز فيه منهم من يحرم أخته من الطلعه ومنهم من يحرمها من الجوال
وفيه منهم من يضربها لين ما يشفي غليله وهاذولي تصرفاتهم غلط بالعكس أنتي يالين لو أجي وأقولك بحنان وجديه وتفاهم يا لين يا حبيبتي
سوي كذا وإلا لو أجي وأقول بعصبيه ومن دون تفاهم يا لين يا حيوانه يالزفت أنتي سوي كذا لمين راح تستجيبين أكثر
لين : أكيد للمتفاهم
لين : شفتي بس الحين أكثر الناس ما تفهم كل واحد عنده لوأخته تسوي أي شي غلط لازم
يضربها عشان تتعلم وهو ما يدري أن هالشي يزيدها عناد مو يبعدها عن الغلط ومعروف أن كل أبن ادم خطاء وما فيه
أحد معصوم عن الخطأ
لين : لا بصراحه بعد الكلام اللي سمعته منك أكتشفت أن أختي تصلح
دكتوره نفسيه أو مشرفه إجتماعيه للبنات والأولاد
ديم : لا والله أحلفي
لين : والله
إلا وفجأه يسمعون صوت من برى
ديم : أكيد هذا عبد العزيز
لين : ديم روحي شوفي إذا كان يبي شي
ديم : ليش أنت ما تروحين
لين : مالي وجه
ديم وهي تقوم : طيب يالحلوه أبروح عنده وأنتي أرسلي رساله لريان عشان طمنينه عليك عشانه المسكين
من اليوم وهو يدق
لين : أوكيه
ديم وهي تطلع : يله بسرعه
لين : أوكيه
ديم وهي تنزل تحت لأن الصوت جاي من المطبخ
ديم وهي تدخل المطبخ و شهقت : الله وش كل هذا
عبد العزيز وهو يحط حرته من رشا في المطبخ : جوعان ولا عرفت أسويلي شي أكله
ديم : طيب ليش ما قلتالي أو قلت للين أو ريم
عبد العزيز بحنان : ما حبيت أزعجكم
ديم : يا قلبي والله ما فيه أي إزعاج كان قلتالي وأنا أسويلك مو كذا قلبت المطبخ علينا
عبد العزيز : ماعليه تنظفه الخدامه بكرى الصباح
ديم : طيب وش تبي أسوي لك ألحين
عبد العزيز : خلاص اللي أبيه سويته
ديم : طيب ما أشوف معك أكل
عبد العزيز وهو يبتسم : أكلت وخلصت
ديم وهي مو مصدقه : أها
عبد العزيز و هو يطلع من المطبخ و
يقرب من أخته ويحبها على جبينها : تصبحين على خير يالغلا
ديم بأبتسامه : وأنت من أهل الخير
عبد العزيز بدلع : ما فيه بوسة قبل النوم
ديم وهي تبوسه مع خده : إلا أكيد
عبد العزيز بعطف الأب : الله لا يحرمني منكم
ديم : ولا يحرمنا منك
عبد العزيز وهو يطلع فوق: يالله أنا أبروح أنام تامرين على شي
ديم : سلامتك
ديم وهي مستغربه تكلم نفسها : غريبه أول مره عبد العزيز يدخل المطبخ عشان يسويله أكل أوه
وأنا وش حارق رزي خلوني أرقى
ديم وهي تدخل غرفة لين
ديم تتمتم مع نفسها : غريبه منجد غريبه أحس عزوزي فيه شي
لين وهي مستغربه وتكلم نفسها وش فيها ذي أنجنت : أنت يا هوووووووه ياديم
ديم : تكلميني
لين : لا أكلم الجني اللي وراك
ديم وهي تلتفت : أي جني أنا ما أشوف أي أحد
لين وهى تبتسم : ههههه ياخف دمك
ديم : طالعه عليك
لين : بسم الله علي
ديم : أقول أنت أرسلتي لريان رساله
لين : أيه أرسلت
ديم وهي تسحب الجوال عشان تقراها :
هاي حبيبي ريان
ديم : يا عيني على الحب
لين وهي تحاول تسحب جوالها : هاتيه
ديم : خلاص والله ما أطنز
لين وهي تتركه : والله أن سمعت تعليقاتك اللي ما لها داعي والله أبسحب الجوال
ديم وهي تكمل قرايتها : خلاص والله ،
كيفك وش أخبارك أنا تمام
ريان مع ليش أنا ما أقدر أكلمك بعد اليوم لأن أخوي عبد العزيز درى بالسالفه
وهو قالي أوعديني أنك ما تكلمينه ولو أنه يحبك صدق مثل ما تقولين بيجي ويخطبك
وأنا وعدته أني ما أكلمك إلا إذا تقدمت لي
تحياتي
مجنونة ريان
ديم : ياهووووووه على الرساله ياهوه على الحب
لين : أقول بس لايكثر يازينك ساكته
( فى أمريكا )
ليان بفرحه : با ركولي
زياد : مبروك طيب وش تقديرك
ليان : ممتاز
فيصل : حلو حلو
رنيم بفرحه شديده : نجحت
فيصل : وش تقديرك
رنيم : وش تتوقعون
ليان : أخلصي علينا وقولي
رنيم : جيد جدا
ليان بعصبيه : الحين اللي يشوفك يقول ما خذه ممتاز
رنيم ببرود : مخليه الممتاز لأهله أنا ما صدقت يوم شفت تقديري جيد جدا
بيان : هااااااااااااااااااااااااااااااي
ليان : أخلصي وقولي وش تقديرك
بيان : جيد
رنيم بفرحه : أنا هالسنه أحسن منك
بيان : أحلفي
رنيم : أنا جيد جدا اللي أهو أخو الممتاز مو أنت أخذت ولد عمه
بيان : طيب ولد عمه يحبني هالسنه
ليان : أقول أنتي وياها وين أريم
أريم وهي تمشي لمهم : كني سمعت أسمي
فيصل : لا بس كانت تسأل عنك
أريم : أها على بالي شي ثاني
بيان تكلم أريم : وش تقديرك
أريم : طبيعي ممتاز
بيان : هب عليك دايم ممتاز ولا مره جيد جدا
أريم : قولي مشاء الله
زياد : أنتي وياها أخلصو علينا نبي نروح المطعم أبي أكل أنا ميت من الجوع
ليان : كنت أبي أعزمكم بس ما دام أنت جوعان ما أبي
زياد هوشايل على ليان بخاطره : ما مت عليك أكل بكرامتي أحسن لي
ليان : أحسن عشان تفكني من حساب أكلك يا أبو بطنين
فيصل اللي حس بصديقه : لا أنا اللي عازمكم
ليان : لا أنا قلت قبلك
فيصل : مره ثانيه أنا هالمره
ليان : لا
فيصل : عشان خاطري
ليان : أوكيه بس عشان خاطرك ومره الثانيه أنا بأعزمكم لكن ( وتأشر على زياد ) من دون الأخ
فيصل : لا يالحلوه أنا من دون زياد أنا ما أتحرك ولا أروح لأي مكان
زياد بحزن : أوكيه فيصل خلنا نمشي
فيصل : يالله
بيان تهمس فى أذن ليان : خير وش الكلام اللي تو قلتيه لزياد
ليان بنفس الطريقه : يستاهل
فيصل وهو يدق بالجوال يا أخي ما أدري ليش
عزيز ما يرد
رنيم وهي تدخل نفسها بالوسط بين زياد وفيصل
رنيم : مين عزيز ؟؟
زياد : عن اللقافه
رنيم : فاصوليا أدب صديقك أنا أسئل بس موقصدي شي ثاني
فيصل وهو يبتسم : يا زياد أهي ما تتلقف أهي تسئل بس
زياد وهو يبتسم : أسف ( وتطيح قبعته من الهواء )
زياد وهو يلتفت عشان يا خذ قبعته لقاها بالأرض فنزل نص جسمه عشان يا خذها
فرفع راسه وشعره كان على عيونه وأخذ القبعه ولبسها وشاف ليان وعطاها إبتسامه تذوب ولف على فيصل ووليد ورنيم
أريم : ياويل قلبي شفتو شكله تو
بيان : أيه شفته بغيت أذوب خاصه من إبتسامته
ليان تكابر : لاوالله شكله عادي
بيان : لا أنتي شكلك تلعبين على نفسك
ليان : لاحبيبتي مالعبت على نفسي هاذي الحقيقه
بيان : يمكن أنتي ما تشوفين الزين أو أنك تكابرين
ليان : أكابر على أيش
بيان : على أنه أحلى منك
ليان : هههههاي ضحكتيني إذا كان هذا أحلى مني
بيان : هاذي الحقيقه
ليان : اللي يمكن يكون أحلى مني فيصل
بيان : عاد هذا مو بشر هذا ملاك حتى زياد ووليد ما أدري من وين جايبين كل هالزين
ليان : ــــــــــــــــــــــــ
رنيم : أقول فيصل وين نروح
فيصل : للمطعم
رنيم : طيب ليش ما نروح بالسياره
زياد : لأن المطعم يالحلوه قريب من هنا
رنيم : أها
فيصل : أقول وليد وش عندك ساكت
وليد :ماعندي شي عشان اتكلم
فيصل : أفا ليش
وليد : بس كذا
فيصل : أها
زياد وهو يأشر على المطهم : هذا هو
رنيم بفرحه : وأخيرا وصلنا لأني ما أحب أمشي كثير
زياد وهو يناظر جسم رنيم : وأنا أقول ليش أنتي دبا عشانك بس قاعده أربع وعشرين ساعه ما تمشين
رنيم وهي تناظر جسمها : حرام والله أنا مو دبا
زياد بأبتسامه : أنا أمزح ما في أحد أحلى منك
بيان : لا أنا أحلى
رنيم : بسم الله تو كنتي ورانا وش جابك
بيان : بسم الله منك ترى أنا مو جني
زياد : طيب أوكيه أنتو أحلى البنات ( وفي نفسه وأحلاكم ليان )
فيصل : يالله يا شباب أستعجلو
( فى بيت غيدا )
أبوعبدالله : هاه ياأم عبدالله غيدا ماقالت لك شى على الموضوع
أم عبدالله : لا توها خلها تفكر زين
أبو عبدالله : الله يالدنيا والله وكبرتي ياغيود وصرتي مخطوبه
عبدالله وهو يدخل : هاي مامي هاي بابي
أبو عبد الله : أهلين
أم عبدالله : تبي ياماما شى تاكله
أبو عبدالله : ترى الولد موصغير كبر الحين لازم أخذك معي الشغل
عبدالله : لا خلني على الدراسه أحسن
أبوعبدالله : أيه زين أن أفلحت فيها
ام عبدالله : وشفيك على الولد من أول مادخل وأنت مستقصده
أبو عبدالله : والله أن الولد إذا ضاع فأنه منك ودلالك له
عبدالله بدلع : إذا مادلعتي مين تدلع
غيدا وهي تدخل : تدلعني
عبدالله : ههههههههههههههاااااااااي تدلع وحده عجوز
غيدا : عجوز فى عينك
أبوعبدالله : عبود أحترم أختك اللي أكبر منك
عبدالله : إنشاء الله يبه
غيداء وهي تحب راس أبوها : شخبار الغالي اليوم
أبوعبدالله وهو يناظر عبدالله : تعلم شلون السلام مو أنت ( يقلد صوته )هاي مامي هاي بابي
غيدا : ههههههههههههههه
عبدالله بعصبيه : أنطمي مافيه أي شى يضحك
غيدا : ألا فيه
أبو عبدالله بعصبيه : أنا وش قلت ما قلتلك أحترم أختك
عبدالله : طيب شفها تضحك
أبو عبدالله : من حقها أجل فى أحد يسلم على أبوه هاي بابي
أم عبدالله: قولو لا إله إلا الله
أبو عبدالله وغيداوعبدالله : لا أله إلا الله
( فى بيت رشا )
كانت قايمه من إزعاج جوالها
رشا بصوت كله نوم : ألو
ــــــــــ : أهلين
رشا نقزت من سريرها وتناظر شاشة الجوال عشان تتأكد من الرقم
: يالزفت رد ــــــــــ
رشا بتردد : معاك ب
وهو يقاطعها : وينك فيه ــــــــــ
رشا : بالرياض
ــــــــــ : طيب ليش رحت وما قلتلي وتارك الشركه من يوم ما سافرت
رشا : لأني يابا مليت من الشغل
أبو رشا : لا والله أحلف
رشا : والله يبه مليت من الشغل من يومي صغيره وأنا ما أعرف ألا الشغل عاد الحين أبي أرتاح
أبو رشا : وينك فيه الحين بالظبط
رشا : بالبيت اللي بالرياض
أبو رشا : طيب أبيك تجيني ألحين
رشا : ليه
أبو رشا : كذا بس
رشا : وشلون كذا
أبو رشا : أبيك
رشا : أبوي الله يخليك قلي بالجوال وش تبي فيني
أبو رشا : تعال وأنا أقولك
رشا : طيب
رشا سكرت الجوال وراحت تغسل وجهها وطلعت ولبست ودقت على غيدا
غيدا : أهلا وسهلا ومرحبا
رشا : غيود أبوي كلمني قبل شوي
غيدا مستغربه : وش يبي منك
رشا : ما أدري بس قالي تعالي الشرقيه
غيدا : بتروحين
رشا : اكيد بروح وش أسوي غصب عني
غيدا : لا ما راح أخليك تروحين لحالك بأقول لأمى أجى معاك
رشا : تسوين لي خير
غيدا : أوكيه أنا أبقول لأمي وأنتي تعالي لي ألحين
رشا : أوكيه
رشا نزلت وركبت سيارتها
( في بيت عبد العزيز )
عبدالعزيز قام وأخذله شور بارد ولبس ونزل
عبدالعزيز وهو يدخل الصاله : هاي حبايبي وش أخباركم
ريم وديم ولين : تمام
عبدالعزيز : أكلتوا
الصبايا : لا نحتريك
عبدالعزيز : حلو طيب أجل وش رايكم لو نطلع ناكل من برى
ريم : تسأل وش راينا أكيد أيه
عبد العزيز : طيب يله روحو ألبسو
ريم : طيب
قامت ريم وديم ولين
عبد العزيز وهو يسحب يد لين وبنظرة جديه : ها نفذتي الوعد ولا لا ؟
لين بأرتباك : أيه نفذته
عبد العزيز بتهديد : لين أن كنتي تكذبين ترى الكذب ماراح يفيدك لأن حبل الكذب قصير
لين بنظرة تحدي : لا ما يحتاج أكذب
عبد العزيز بنظره كلها حنان : هاذي أختي اللي أعرفها
لين : ــــــــــ
عبد العزيز بنفس النظره : يالله روحي ألبسي عشان نروح
لين : أنشاء الله
ريم وهي تدخل : أنا خلصت
عبد العزيز بنظرة تفحص : بس مو كأن اللي لا بسته قصيرمره
ريم بأبتسامه : هاذي الموضه
عبد العزيز بعصبيه : لا أحلفي
ريم بخوف : والله
عبدالعزيز : أقول روحي غيري اللي لا بسته
ريم بحزن : ليه
عبد العزيز بصوت عالي : يالله قدامي أرقي وغيريه
ريم وهي ترقى : أنشاء الله
عبد العزيز يكلم نفسه والله أن البنات يبيلهم العين الحمرى عشان يتعدلون
وفجأه ويرن جواله
عبد العزيز : هلا
فيصل : وغلا
عبد العزيز : أهلين
فيصل : لا والله أحلف
عبد العزيز : والله على أيش
فيصل : ( وهو يقلد صوت عبدالعزيز ) إذا أخذت النتيجه بشرني
عبد العزيز : أوه نسيت ها بشر
فيصل بغرور : ممتاز
عبد العزيز بفرحه شديده : والله
فيصل : والله حتى زياد ووليد
عبد العزيز : مبورووووووك
فيصل : الله يبارك فيك
عبد العزيز : فصولي عطني زياد أباركله
فيصل وهو يعطي زياد الجوال : خذ زيزو يبي يكلمك
زياد : هلا بأبو العز
عبد العزيز : هلا بأبو الزيد
زياد : أخبارك وأخبار أبو داحم
عبد العزيز : تمام يسلم عليك
زياد : عليك وعليه السلام
عبد العزيز : مبروك على النتيجه
زياد : الله يبارك فيك
عبد العزيز : وينكم الحين فيه
زياد : والله تونا طالبين عشان ناكل
عبد العزيز : أها طيب وليد عندك
زياد : أيه
عبد العزيز : عطني اكلمه
زياد وهو يعطي وليد الجوال : خذ الأستاذ عزيز
وليد : هلا وغلا بشارون
عبد العزيز : هلا فيك شارون فى عينك يا بوش
وليد : هههه أنا بوش أنا عصفوره ما أذي أحد
عبد العزيز : بسم الله على قلبك مسالم طالع علي
وليد : اكيد طالع عليك
عبد العزيز : على العموم مبروك على النتيجه
وليد : الله يبارك فيك
عبد العزيز : طيب وليد ماطول عليك عطني فيصل
فيصل : هلا
عبد العزيز : إذا وصلتو أنا عازمكم على النتايج اللي ترفع الراس
فيصل : تسلم والله
ديم وهي تدخل : هذا فيصل
عبد العزيز : أيه
ديم وهى تترجى عبد العزيز : تكفى عطنياه
عبدالعزيز : أقول فيصل ديم تبي تكلمك
فيصل : عطنياها والله مشتاق لها موت
ديم وهى تاخذ الجوال : أكرهك يا كريه
فيصل بحزن : أفا أفا وأنا اللي قلت بتباركين وبتقولين أنك أشتقتيلي وأن الرياض بدوني ولا شى
ديم : الحين أحنا خواتك من أم وأبو ماتدق علينا
فيصل : وش أسوي أذاكر
ديم : مره مسكين ما تقدر تفارق الكتاب
فيصل : شفتي عاد أحب الكتب
ريم تكلم ديم : أنا أبي أكلمه
ديم : أقول تقلعي بس لايكثر
فيصل أبتسم يوم تذكر أخته ريم وشطانتها : أقول ديوم عطيني ريم
ديم بحزن : طيب خذها
ريم بصوت ملئ بالفرح وبطريقه غنائيه : هلا باللي سما قلبي وأخذني حسنه بقوه سلب روحي وأخذ عقلي وأنفاسي من أيدينه
فيصل : والله لو المكان اللي أنا فيه مو عام كان رقصت على هالصوت
ريم : ههههه أتخيل شكلك
فيصل : إنشاء الله إذا جيت
ريم : إنشاء الله
فيصل : فاتك ياريوم السينما اللي هنا جنان
ريم بحزن : فيصل لا تقهرني
فيصل بنذاله : جنان
ريم : خساره
فيصل : بس أنا جايبلك هديه يحبها قلبك
ريم بفرحه : والله
فيصل : والله
ريم : طيب وش الهديه
فيصل : هديه
ريم : طيب قلي
فيصل : مفاجأه إذا جيت قلت لك إيها
ريم : أوكية براحتك
فيصل : يعيني على االأدب أموت أنا
لين وهي تسحب الجوال من ريم : دوري
ريم : وجع يوجعك قولي آمين
لين : هلا وغلا
فيصل : هلا فيك
لين : وش أخبارك
فيصل : الحمد الله بخير أنتي شو أخبارك ؟؟
لين : الحمد الله تمام وش أخبارالنتيجة
فيصل : النتيجة تمام
لين : وش تقديرك ؟؟
فيصل : ممتازأكيد
لين : مبروووووووك
فيصل : الله يبارك فيك وعقبالك
لين : عقبالي إنشاء الله
فيصل : يلة ياحلوة ألحين أنا بسكر
لين : أوكيه يله باي
فيصل : بايات
( في بيت غيدا )
رشا وهي تدخل الصالة : السلام عليكم
عبدالله وغيدا : وعليكم السلام
غيدا : هلارشا
رشا : هلا فيك
عبدالله : أقول رشا بسألك سؤال
رشا : وشو هالسؤال
عبد الله : أنتي من وين تشترين ملابسك ؟؟
رشا : ليش تسأل ؟؟
عبدالله : عشان أروح أشتري لي مثلها
غيدا تقاطعه : أقول عبودي ورى ماتطلع مو أنت تقول لأمي راح أطلع بعد شوي
عبدالله وهو يطلع من الصاله : أوه نسيت يله باي
غيدا و رشا : بايات
رشا وهي تجلس جنب غيدا : بتروحين معي ولا لا ؟؟
غيدا بحزن : لا
رشا بحزن : ليش ؟؟
غيدا : بابا قال لا مافي روحه
رشا بخوف : غيود بليز مأبي أروح لحالي
غيدا : ليش طيب ماتبين تروحين لحالك ؟؟
رشا : خايفه
غيدا : رشا لاتخافين هذا أبوك ماراح يسويلك شي
رشا بسخريه : ههه أضنك تعرفين أبوي زين مايحتاج أعلمك عنه
غيدا بحزن : والله سوري أبوي مره رافض
رشا وهي تقوم : أوكيه يله أنا بروح قبل أبوي مايعصب علي لأني تأخرت
غيدا وهي تقوم : أوكيه باي
رشا وهي تطلع : بايات
( في أمريكا وبالتحديد في المطعم )
رنيم : يعطيك العافيه يافصولي على الفطور
فيصل : الله يعافيك هذا واجبنا
الكل : أكرمك الله
فيصل : حياكم الله
وطلعوا من المطعم وهم يمشون عشان يروحون سيارتهم
ليان وهي تمشي جنب فبصل وكانوا متقدمين عنهم
ليان : فصول أنت فطرتنا وانا لازم أغديكم أو أعشيكم
عاد أنتم اختاروا
فيصل : لا ما يحتاج خلبه بالرياض أحسن
ليان : أنتو ا رحلتكم الفجر
فيصل : يس
ليان : أها
فيصل : ليش السؤال ؟؟
ليان : لأن رحلتنا معكم الفجر
فيصل : والله
ليان : والله
وفصل وهو يلتفت : أقول وين الباقين
ليان : مأدري تو كانوا ورانا
فيصل وهو يدق على زياد
زياد : هلا
فيصل : أهلين وينكم ؟؟
زياد : أحنا ألحين في الملاهي
فيصل مستغرب : في الملاهي
زياد : يس لقيناها في الطريق ثم دخلنها عشان نشوفها
فيصل : وشلون وأحنا مأنتبهنى لكم ولا قلتوا لنا
زياد : رحت لها عشان أشوفها ومادريت ألا هم لاحقيني
فيصل : طيب وينكم أنا جاي لكم
زياد يوصف له المكان : فهمت علي
فيصل : يله باي
زياد : بايات
ليان : وين هم فيه
فيصل : لقوا الملاهي وهم يمشون ودخلوها
ليان : طيب ليش ماقالوا لنا
فيصل : كانوا داخلينها يبون يشوفونها إذا كانت حلوه ولا لا
ليان : أها طيب لقوها حلوه
فيصل : يس عشان كذا يالحلوه نروح لهم ألحين
ليان : يله
( في سياره رشا )
رشا وهي واقفه عند الأشاره تسند راسها على المرتبه تتنهد من خاطرها : أه ياربيه وش يبي مني بابي
رشا تحس نفسها مكتومه مره ومن دون شعور أخذت الجوال ودقت على زيزو
( في بيت عبد العزيز وبالتحديد في الصاله )
عبد العزيز : ريامي وين لين ؟؟
ريم : مأدري أتوقع فوق
عبد العزيز : قومي ناديها
لين وهي تنزل : هذاني جيت
عبد العزيز وهو يقوم : يله مشينا
لين : يله
كان عبد العزيز يفتح السياره وفجأه رن جواله : لحضه معليش أركبوا شوي وأجي
ديم : بليز لاتتأخر
ريم : من تتوقعون داق عليه ؟
لين : مأدري
ريم : طيب ليه يوم شاف الرقم أبتسم
لين : أكيد أبتسم
ريم : أكيد
لين : أجل أكيد رشا
ريم وهي تنزل من السياره : بروح أسمع وش يقولون
ديم وهي تمسكها : لاتروحين بلا لقافه
لين : والله لويشوفك عبدالعزيز راح يذ بحك
ريم : شوفوا شلون ملامح وجهه تكفون خلوني أنزل
لين :كيفك أنزلي خلي عبدالعزيز يهاوشك
ديم : لاريم ماله داعي والله لويدري عبدالعزيزراح يعصب
ريم : طيب خلاص ماراح أنزل
عبدالعزيز بصوت كله حنان وحب
: هلاوالله بروح قلبي
رشا بحزن : هلافيك
عبدالعزيزبستغراب : رشا ياقلبي وش فيك
رشا بصوت ناعم : زيزو محتاجتلك
عبدالعزيزبخوف وحنان : ياعيون زيزوامري محتاجتلي في إيش
رشا بتنهد : آه
عبدالعزيز :سلامتك الآه ياقلبي
رشا : زيزوألحين أنت وينك فيه
عبدالعزيز :بالبيت
رشا : أوكيه شوي وبجيك
عبدالعزيزوهويفتح باب السياره بصوت مخنوق : بنات تكنسلت الطلعه
ريم : ليش
عبدالعزيز : خلاص قلت تكنسلت يعني تكنسلت من دون ليش وكيف
ديم وهي تنزل : أوكيه براحتك
ريم وهي تكلم نفسها : خيرإنشا الله ليش مايودينا أصلامن يوم سمعت الجوال يرن ونا قايله الطلعه تكنسلت
( عندالباب )
رشا تتصل على عبدالعزيز
عبدالعزيز : هلا
رشابصوت مخنوق : يله أنا عندالباب
عبدالعزيز : أوكيه أناطالع
عبدالعزيزوهويفتح باب السياره : هلا
رشا : أهلين
عبدالعزيزوهويعدل جلسته وبنشاط :أيوه ياحلوه قولي وش فيك
رشا : بعدين
عبدالعزيزمصدوم من الدموع اللي بعيون رشا : لابجد أنا أتكلم وش فيك يارشا
رشا ولاعطت سؤاله أهميه : أنابروح الشرقيه تجي معي
عبدالعزيزبستغراب : دامك معي أكيد بجي
رشا : أوكيه
رشا وهي تشغل المسجل على أغنيه راشدالماجد ساعات
ــــــــــــــــــــــــــــــــــــــــ ــــــــــ ـــــــــــــــــــــــــــــــــــ
ساعات
ساعات احس ان الزمن قاسي ولايمكن يلين
وساعات احس ان الفرح محال ولا يمكن يحين
هذا اللي شفته بدنيتي وكل مامضى لي من سنين
يامن يعلمني الفرح ويفرح القلب الحزين
اشكي مرارهـ حيرتي بدنيا ماظني بتزين
وإذا بدى بعيني الامل تجد احزاني وتبين
روح زماني وانتهى وترك لي الجرح الدفين
دنيا كفى الله شرها تخلي كل قاسي يلين
ــــــــــــــــــــــــــــــــــــــــ ــــــــــ ـــــــــــــــــــــــــــــــــــــ
( في بيت عزيز )
ريم وهي معصبه : خير أهو قال أبمشيكم ليش يكنسل الروحه
ديم بهدوء : خلاص يا بنت الناس كنسل الروحه وانتهى الأمر
ريم : ليش يكنسلها أكيد عشان رشا
لين : مأدري إذا كانت رشا أو واحد من أخويائه
ديم : صادقه ليش حكمتي على أنها رشا
ريم : ما أدري من القهر
ديم : ولا يهمك خلينا نروح نتمشى لحالنا مو لازم يكون عبد العزيز معنا
ريم بفرحه : والله
ديم : والله بس لازم نكلم عبد العزيز عشان نستأذن منه
ريم : يالله أنا أباروح أكلمه
( في أمريكا )
دخلوا فيصل وليان بالملاهي فلعبوا مع زياد وباقي الشله
وكانت الملاهي حلوه عند الكل لكن زياد كان يضايقه كلام ليان مره يجي بخاطره منها ومره يطنش ومره يرد عليها
( في السياره )
عبد العزيز : رشا قوليلي وريحي قلبي وش فيك يا قلبي
رشا : ــــــــــ
عبد العزيز : رشا
رشا بحزن : عزيز الله يخليك كل شى بوقته حلو
عبد العزيز بأستسلام لأنه يأس أن رشا تقوله الحين : براحتك
مرت خمس دقائق وكل واحد سرحان بعالمه
عالم عبد العزيز أكيد رشا وش فيها وليش ضايق صدرها
أما رشا فكانت تفكر وش يبي أبوها وكانت تتمنى وتتحسر على أبوها ليش غير عن أبو غيدا وطبعا ما أنكر أن عبد العزيز كان فى بالها وتحس بالراحه وهو جنبها
رشا : زيزو
عبد العزيز : ـــــــــــــــ
رشا : عبد العزيز
عبد العزيز : ها قلبي بغيتي شي
رشا : لا بس جوالك يرن
عبد العزيز وهويبي يرد : ما أنتبهت له
عبد العزيز : هلا
ريم : أهلين
عبد العزيز : شخبارك حبيبي ريوم
ريم : تمام
عبد العزيز عرف من نبرة صوت ريم أنها زعلانه
عبد العزيز : ريوم زعلانه
ريم : لا ليش أزعل
عبد العزيز : متأكده حبيبي
ريم : متأكده
عبد العزيز : حلو هذا أهم شى
ريم : زيزو أبي منك طلب
عبد العزيز : أمري
ريم : نبي نطلع نتمشى ممكن
عبد العزيز : ممكن بس لا تتأخرون
ريم بفرحه : لا ما راح نتأخر تامرعلى شي
عبد العزيز : أنتبهوا لأنفسكم
ريم : إنشاء الله
عبد العزيز : يالله حبيبتي باى
ريم : بايات
رشا : هاذي ريم
عبد العزيزبنظرة خبث : لا
رشا بأستغراب : أجل مين
عبد العزيز : وحده تحبني وتموت على الأرض اللي أمشي عليها
رشا حست بغيره منها : طيب وأنت
عبدالعزيز بأبتسامه وبنظرة خبث وببرود : ليش يهمك تعرفين
رشا بعصبيه : أكيد
عبد العزيز بنفس الطريقه : طيب ليش يهمك
رشا بأرتباك : لا بس كذا
عبدالعزيز : هاذي أختي اللي تحبني وتموت علي
رشا ودها تعطيه كف : أحلف
عبدالعزيز : والله
رشا ببرود : الله يخليك لها ويخليها لك
عبد العزيز : آآآآآآآآمين
ومن بعدها كل الطرفين ساكتين وما ينسمع إلا صوت المسجل وفجأه
يرن جوال رشا
رشا : هلا
غيدا : أهلين ها وصلتي
رشا : لا باقي كم كيلو
غيدا : أوكيه بس حبيت أطمن
رشا : غيود والله أنا خايفه
( عبد العزيز يوم سمع هالكلمه لف لرشا وقعد يناظرها وفى باله يتردد صوت رشا خايفه وش منه ياربيه منك يارشا لو أنك قايلتلي ومريحتني )
غيدا : يارشا يا حبيبتي أتوقع أنه ما يبي إلا شي سخيف
رشا : شي سخيف ويدق ويقول ما يصلح بالجوال
غيدا : أوكيه يا رشا لا تشغلين بالك فيه وإذا وصلتي بلغيني أوكيه
رشا : أوكيه
غيدا : باي
رشا : بايات
رشا لفت على عبد العزيز : وش فيك
عبد العزيز ببلاهه : وش فيني
رشا : طيب وراك تناظرني كذا
عبدالعزيز : وضحي ما فهمت
رشا : أظن أني أتكلم عربي
عبد العزيز وهو يبتسم :
أولا / أ نتبهي للطريق
ثانيا / أنا تعبان منك
ثالثا / أتأمل الملاك اللي جنبي
رشا بأبتسامه :
أولا / ولفيت
ثانيا / تعبان مني
ثالثا / ملاك ؟؟
عبد العزيز : أيه ملاك ليش ماتدرين
رشا لفت على عبد العزيز وكان بعيونها كلام كثير
عبدالعزيز وهو يناظرها وكانت عيونه توحي بالحنان
رشا لفت على الطريق
عبد العزيز بصوت ناعم وحنون ومليء بالحب : رشـا
رشا من دون ما تحس بنفسها : عيونها أمر
عبد العزيز بأبتسامه وبنظرة حب : بس عيونها
رشا : وش تبي أكثر
عبدالعزيز : قلبها وبس
رشا من دون ما تلتفت عليه وبأستهزاء : بس
عبدالعزيز : بس
رشا وهي توقف السياره : أنزل
عبد العزيز مستغرب : أنزل
رشا : إيه وصلنا
عبد العزيز وهو يلتفت ومستغرب : وصلنا وين
رشا بأستهزاء : وين بالشرقيه
عبد العزيز : أدري أننا بالشرقيه بس وين أحنا بالتحديد
رشا : قدام بيتنا
عبدالعزيز ؟؟ : من بيته
رشا : بيت مامي وبابي أند رشا
عبد العزيز : يعني أنزل وأدخل
رشا بثقه : يس
عبد العزيز : وأبوك
رشا : أمش وبتعرف السالفه
هيك وبس
|