عرض مشاركة واحدة
قديم 10-31-2011, 10:03 AM   #6
شيخة السعوديه
:+:هيبة ذهبي:+:


الصورة الرمزية شيخة السعوديه
شيخة السعوديه غير متواجد حالياً

بيانات اضافيه [ + ]
 رقم العضوية : 5776
 تاريخ التسجيل :  Oct 2011
 أخر زيارة : 02-28-2014 (03:18 AM)
 المشاركات : 1,042 [ + ]
 التقييم :  482
 الجنس ~
Female
 MMS ~
MMS ~
لوني المفضل : Dimgray

اوسمتي

افتراضي



صحت السـاعه 6 الليل شافت نفسها بغرفتها استغربت كيف رقت بس ماهتمت واجد تذذكرت شكلها امس كيف انه يرثى بحالها وكل هالسبب يرجع لـ سليمان وحبه اللي معذبها غمضت عيونها وقالت: بابا بيحجز لي اليوم وبسافر وهو بيجلس هنا وبنسااااها حبيته هنا ولازم اكره هنا

............
طلت براسها عليها: صحييييييييتي
لفت وشافت ربى ابتسمت بهدوء: يب ويينهم ماشوف احد
ربى: ابوك توه نايم يبي يرتاح ولا كان عندك طول الوقت والباقي تحت
جود: بسألك ربى بابا لقى حجز
ربى: ايه بس جد ما تبين تجلسين
جود بحزن واضح: اشتقت لماما وبالاصل ندمت اني جيت
ربى جلست جنبها: جود شفيك
ابتسمت جود وهي تقول: مافي شي
حركت رجولها وهي تقول: شوفي طابت بس تعورني شوي
ربى: تقدرين تمشي
هزت راسها وهي توقف وتمشي
ربى: تنزلين
جود: يب يلا ننزل
...........
نزلت والكل متجمع ويتجهز عشان الحديقه وهي جلست بعد ما شافت سليمان اللي جالس بدون أي اهتمام
الجده: ها يا جود وش تحسين اللحين اشوى
جود ببتسامه ناعمه: الحمدلله بس وين بابا
دخل ابوها وهو يقول: عيون ابوها امري
ابتسمت وهي تقول: متى الرحله
جلس جنبها وهو يقول: مصممه
جود بخوف: لا تقول ما حجزت
ابو جود رفع التذكرتين: وانا اسمع بنتي الغاليه تبي شي وما انفذه
ابتسمت جود وضمت ابوها وهي تقول: مرسي بابا
.............
جهزت الشنطه وهم ودعوها الحريم وطلعوا الحديقه وهي بتروح الساعه 11 الليل ترتبت واتصلت ع ا مها وقالت لها عن موعد الرجوع وامها انصدمت واستغربت وبررت لها انها مشتاقه لها ولا تحملت تبعد عن امها اما امها قالت لها بكيفك وبالاصل ما عجبتني روحتك
...........
جالسه تتطالع التلفزيون وهي تنتظر الساعه تجي 9 عشان يمشون للمطار شوي ودخل صقر وهتان ومعاهم جواد
جلسوا جنبها وهي ابتسمت لهم
هتان: اللحين من جدك بترجعين
جود: ايه عندك مانع
صقر: والله ان بنت عمي شي تجي وترجع ع كيفها
رفع جواد حاجب وقال: كنك ما قد سويتها ياا صقر
صقر يبرر: لا ابد
هتان: هههههه وانا اشهد
وقف جواد وهو يقول: يلا عن ذانكم
صقر: افا يا ابو صقر وين
جواد: ههههه بعد ابو صقر ابد يا ابو جواد بنام لي شوي
صقر ابتسم: اجل تيسر الله ييسر امرك
طلع جواد وجود تضحك : من وين جايب هالحكي
هتان يطنز: من جدي
صقر بفخر:و افتخر اني صقر بن صقر وبدوي
جود: ههههههههههه اكششخ بدوي بعد
سكتت وهي تسمع صوته ما تبي تشوفه عششان لا تبكي وتتراجع وقفت بسرعه: بروح اشوف اغراضي
طلعت بدون لا تترك لهم مجال للرد
ع دخول سليمان استغربها انها مشت بسرعه بدون حتى لا تطالع فيه
صقر: شسالفتها ذي
هتان اخذ الرموت ويقلب: مادري عنها
سليمان: السسلام عليكم
هتان وصقر: وعليكم
سليمان: استغفر الله تراه رد السلام واجب
صقر بستهبال: وعليكم السلام ورحمة الله وبركاته
سليمان جلس: اقول وين عمانك وابوك وجدك
صقر رفع حاجب: اقول سليمان من لاعب عليك وقال انهم موب ابوك ولا عمانك ولا جدك
سليمان ماقدر وضحك ع صقر: ههههههه ابد محد بس وينهم
هتان اشر ع باب المكتبه :هنا عندهم اجتماع مغلق
سليمان وقف: كوووويس
............
كــان فيه ابوه وجده وعمه ابو جواد فقط
جلس وهو واثق من الكلام اللي بيقوله
سليمان: انا نويت اتزوج
ابو سليمان: زين يا ولدي ما بغيت
ابو جواد: مشاء الله زين والله
الجد: بنت أي عم فيهم
سليمان: والله يا جدي انا ابي برا العايله وعيني ع بنت وابيها من خمس سنين تقريبا
عقد الجد حواجبه وقال: بعد برا العايله وعينك عليها
ابو سليمان: ما تعودنا يا سليمان ناخذ الا من عايلتنا
سليمان: طيب ما قلت شي بس هذي حريه شخصيه
الجد بصوت شبه عالي: سليمان يكفي انك متغرب وتبي وحده من ذا الخراجات
سليمان وقف بعصبيه وهو مارضى انهم يتكلمون عن اسيل بالطريقه هذي: لا يا جدي هي بنت عن الف بنت وبنت نااااس ومعروفين بعد
ابو سليمان وقف بعصبيه: لا احسن مد يدك ع ابوي
تنهد سليمان وهو يقول: بس يا يبا
الجد وقف ووقاطع سليمان: وعناااد لك يا سليمان مالك الا بنت عمك
سليمان فتح عيونه بستغراب وش هالسلطه
ابو سليمان: وبعد بنخطب لك جود بنت عمك
سليمان خلاض قفلت معه: تراه زواج موب قرعه تختارونها

الجد: انت ولد عمها والبنت لولد عمها وانت غلطت ومالك حق تناقش بالموضوع واسمعني يا سليمان جود لك وان شفتك تطري لي غير جود يا ويلك
سليمان : بس يا جدي انا ما غلطت
الجد يقاطعه بعصبيه: الا غلطت ولا ترفع صوتك ع جدك وكلمه توصلك وتعداك انت لبنت عمك عاد مته لين خلصت دراسه فيها حلال ولا اقول ترجع معنا والدرااسه انساااها
سليمان صدمه ورا صدمه( مو متحمل ابد): جدي اترك دراستي بعد كل هالمده
ابو سليمان : ايه وش فيها عاد من زينها ماجستير لو تبي خذه بالرياض انت تغربت بما فيه الكفايه
سليمان حاول يطلع من المصيبه :بس بنت عمي صغيره علي
الجد: البنت بتكبر وتفهم وانتيهنا والدراسه موب لازم عندك مليون شغله بشهادتك
سليمان صرخ بنفاذ صبر: جود ما ابيها
طرآأإأآخ<<<<هذا كف مو طيحه ^_^
مسك خده بصدمه وهو يقول بهمس: ابوي كف عشان بنت


ابو سليمان بعصبيه وهو يشير بسبابته: كف و كفين بعد وعشان بنت عمك اللي تسواك والله ماعرف تاربي اثري يا خساره تربيتي فيك بس
اشر ع الباب وهو يقول: اطلع لا بارك الله فيك من ولد وجود بتاخذها واحمد ربك ان رضت فيك
طلع وخده احمر من الكف اللي اخذه ومعصب من جود ومن جده ابوه عمه كل شي جااايه من جه
...............
جلس ابو سليمان وهو ساكت
ابو جواد: بس يا خوي ما ينفع تضربه وهذا كبره
ابو سليمان ومازال معصب: الا اكسر له راسه يرفض بنت عمه ومين جود ما اقول الا ياخساره هالتربيه والسنين اللي ربيته فيه
..............
عند هتان وصقر اللي شهدو الحدث بس بالنهايه وعرفوا السالفه
هتان: من جدهم ذول عطوه كف
صقر: اول مره اشوف جدي بالعصبيه هذي
هتان: الله يستر بس
صقر وقف : قو نقول لـ جود
هتان طالعه وقال: اجلس لا اعطيك كف
صقر يطنز: لا ياشيخ امداك تتأثر
هتان : صقر من جدي اتكلم بتروح تقولها وإذا عرف جدي ولا ابوك والله يصير لك مثل سليمان
صقر خاف من جد تنقلب السالفه عليه:اقول يلا نطلع لهم في الحديقه نشوف كان وصلهم خبر
هتان وقف وهو يضحك ويضرب صقر من كتفه: ياافيك لقاافه
صقر وهو يضحك: طالع عليك
ضكوا كلهم وهواشهم ماايخلص وطلعوا للحديقه اللي تبعد عنهم مسافه كيلوا يمكن يعني بيرحون مع السواق
................
فارس: من جدك
سليمان بعصبيه: شايفني امزح يعني
سكت فارس ولا علق
سليمان مسك راسه: آآه ياااربي ما ابيها
فارس: سليمان انت أهدا ويصير خير
...............
جود اللي فوق و ما تعرف السالفة جهزت شنطتها ونزلتها لبست عبايتها وركبت السياره بجنب ابوها والسائق قدامهم يسوق استغربت سكوت ابوها بس ما علقت لانها بتودع حبيبها وهم ماشين لمحته وهو جالس بالكوفي مع فارس ابتسمت بحب وشوق واااضح بعيونها و فجاء كذا تلاقت مع عيون سليمان عقد حواجبها وهو يحس ان عيونها فيها كلام كثير شافها وهي تغمض عينها وتنزل دمعه لمحها مع انها بعيده شوي همس بصوت مسموع: دلووووعه
فارس اللي ضحك وبالاصل ماكان منتبه لهم : وش فيك
سليمان تنهد: سلامتك
..............
وصلت قدام فله جدتها الغالية وماعندها غير بنت وحده اللي هي ام جود
جود تبتسم لابوها: بكرة الغداء عندنا
ابو جود ابتسم لبنته: ابشري بس ما ابي كلافه
جود تضرب صدرها: ولد صقر يتغداء عندنا ومافي كلافه
ضحك ع اسلوب بنته وودعها بعد مادخلت
اول مادخلت ضمت امها: وحشششششتيني
ام جود تضحك: وانا اكثير يلا امي تنتظرك
دخلت جود وسلمت ع جدها وجلست بتعب
الجده: قومي ارتاح لك شوي فراشك جاهز
جود تثاوب: يلا اجل تصبحون ع خير
الكل: وانتم من اهل الخير
جود رجعت: ايه ترا بابا بكره بيتغداء عندنا
الجده : الله يحيه
رقت جود وبقى ام جود والجده
ام جود : ياربي تخليها لي
الجده: البنت مصيرها بيت زوجها
ام جود تجلس وتحط رجل ع رجل: هذاني تزوجت وتطلقت وش بيت زوجها يا يمه
الجده: بس لين جاها رجال كفو مثل ولد الـ.... اللي جاها زوجوها
ام جود : مادري خايفه عليها وهو بس كلام حريم ولا الرسمي بيصير عند ابوها بس يبون الموافقه منا قبل
الجده تتنهد: والله ما دري عنك انتي وتعرفين مصلحه بنتك وشاوري عمتها وخليها تقول لابوها احسن الرجال يسأل عنه وزي كذا
ام جود تقوم: يصير خير
الجده: وين
ام جود: بروح للخدمات اقولهم عند الغداء بكره
الجده ببتسامه: روحي الله يهديك روحي
............
الغداء كلهم مجتمعين والجو وااضح التوتر فيه الجد معصب وهذا واضح فيه و ابو سليمان بعد نفس الحاله
ام سليمان تهمس لـ الجده: خالتي وش السالفه
الجده : والله مادري علمي علمك يمكن مانجحوا في الصفقه
ام سليمان: لالا الصفقه ناجحين فيها وزياده بعد من يوم جينا امس وابو سليمان معصب
الجده تضحك<<فاضيه:هههه حتى ابو محمد ( الجد)
ام سليمان : ايه
..................
بعد الغداء البنات اجتمعوا بغرفه والشباب تفرقوا والرجال كل واحد اتجه مع زوجته ياخذ غطه ع قولتهم المهم عند جناح ام سليمان
ام سليمان: وششوو
ابو سليمان: اللي سمعتي سليمان بنخطب له بنت عمه جود
ام سليمان: وش معنى جود ماهب جنان ولا ربى
ابو سليمان: يا ام سليمان وش اللي وش معنى وما معنى
ام سليمان: ايه الله يعافيك ابي لولدي وحده شييخه البنات ماهب أي وحده
ابو سليمان : وش ينقص جود إنشاءالله رجل ولا يد
ام سليمان: لا والله ازوج لولدي امها مطلقه
ابو سليمان: يا بنت الحلال امها اللي مطلقه وش دخلها اللحين موب البنت اللي بتتزوج
ام سليمان: لا دور غيرها خذ جنان طيب وش حلوها وبنت اختك
ابو سليمان: جود عشانها بعيده عن العايله نبيها تقرب شوي والموضوع خلصنا منه ويلا ابي انوم لي شوي
عطاها ظهره وهو مطنشها وهي اللي مو راضيه بجود برغم انها تحبها بس حتى لو ما تبي ع قولتها وحده امها مطلقه
...............
سارة: ليه جود راحت
ربى: تبي ماما
سارة: ليه امها ماتجي معنا
دينا: يا لليل سويره وش عندها فاتح تحقيق
ربى تضم سارة: وش عليك خليها تسأل
سارة وقفت: اصلن انا ما احبكم لو مت بتصيح جود علي بس انتم لا
عقدو حواجبهم
جنان : بسم الله عليك بعد عمر طويل
لينا: سوسو حبيبي مايصلح تقولين كذا
سارة: الا جود قالت كلنا بنموت
دينا: ايه بس(ماقدرت لينا توضح لها) بس سكروا الموضوع
سارة بتطلع: بروح عند ريوني
ربى: ههههه روحي عند ريونك
دينا: يعشقها الولد
ربى بغرور : اكييد اخت ربى كل الناس بتعشقها
جنان تنط: بناااااااات لابتوب العيال لما الحين معنا
دينا: ايه صح وين الابتوب حق سليمان
جنان تأشر: هنا
ربى تلعب بحواجبها: اكششخ عارفه وين مكانه
جنان قامت وجابته وهي تقول: بنات انا اللي بشغله
لينا تضربها من كتفها: اخلصي بس
فتحته جنان ماهوا الا دقايق ويقول اكتبي كلمه المرور
ربى: هذي شغله دينا ولينا حزرو وش يمكن اخوكم يحط
دينا توقف: هاتوا الجهاز انا اعرف
لينا تطالعها: اكشخ وش عرفك
دينا: مالك دخل
اخذت دينا الجهاز وماهي الا دقايق ومرحبا طالعه <<يعني فتح ^_^
ربى: وش الرمز
دينا: مالكم دخل
جنان: بلييييز ديوونه
دينا بتوتر: بقول بس ماتزعلين يا جنان
جنان بستغراب: ليه اتضايق
دينا: لا مادري يعني يمكن
ربى: لالا قولي
دينا: بصراحه اخوي سليمان يحب وحده
كلهم فتحوا عيونهم : هااااا
ربى: لا ما اصدق ذا ابو قلب جامد يحب
لينا: اخوي يحب لالا ولا في الاحلام
ربى: لحظه من هي وايش دخل الباسورد
دينا: مره سمعته وهو يكلمها و شكيت ومره غلط باسمي وبعدها قلت له وهو قالي السالفه وقال بعد انه بيفتح موضوع الزواج مع عماني وجدي و عاد الباسورد اسمها
لفوا كلهم ع جنان اللي كانت ساكته وبس تسمع
دينا: والله ما كنت اقصد بس انتوا اصريتوا اني اقول
جنان تبتسم بهدوء: تدرون اني احبه بس حب وهمي يعني يمكن ابي احب ومالقيت الا هو لاني اسمع كثير عنه من فارس
لينا تبتسم: يعني
جنان: ايه ما تحسست لا تخافون
ربى: كووويس اجل يالله نفتش اكيد فيه صورها ايميلها
دينا: لا مافي صورها هي مارضت ترسله صورها بس شافها لانها تدرس معها هنا
لينا: اكششخ دينا تعرفين كلش ولا تقولين لي
دينا: ماقدرت انا وعدته اني ماقوله وياااويلك ان قلتي
ربى تربعت بحماس: المهم كملي السالفه
دينا: ههههه وايش بعد ايه و عاد هي اللحين رجعت الرياض وهو هنا وقال لها عند الزواج وهي موافقه وبيكلم ابوي وجدي وانتهت القصه
لينا: اكشششخ اخوي موب سهل
ربى بفلفسه: لا المسأله مو سهل ولا لا المسأل ان سليمان يحب لا ما اصدق
ضربتها دينا: خييير اخوي طاايح من عينك
ربى تضحك: بعد هالسالفه طااااح ومات بعد
الكل: ههههههههههه
...................
ريان: ياا بعد روح ريان انتي
سارة: ابي اروح عند جود
ريان عقد حواجبه: عاد ذي صعبه يا بنت العم
احمد: اووف يالليل وانت معطيها وجه اكبر من الازم
ريان يبوسها: والله تستاهل تزوجني ايها يا احمد
احمد: ابد لك من اللحين ربها وتزوجها لين كبرت
ريان: هههههه وش سالفتك بايع اختك
احمد: لا بس غثيثه
ساره بعصبيه: انت يع ما احبك
احمد بستهبال: لا تكفين حبيني
ريان: هييه حدك عاد الا سوسو
سارة: انا احب ريان بس احمد لا
دخل جواد وهو يقول: وانا يا سوسو تحبيني
تعلقت بريان وهي تقول: لا انت تخز ابره
الكل: هههههههه
ريان: انصحك بتغير المهنه او ع الاقل القسم
جواد ببتسامه هاديه : لا الأطفال حلو
ريان : اتخيل احمد دكتور اطفال
احمد: لا يرحم امك سارة تكفيني عنهم كلهم
جواد ابتسم ولا علق : وين فارس وسليمان
احمد: ما دري والله من بعد الغداء ما شفتهم
ريان :الطيب عند ذكره
جلسوا فارس وسليمان وفارس ساكت وسليمان شكله بقمه العصبية
احمد: وش سالفتكم موصلين
فارس تنهد وطالع سليمان اللي مو طايق احد : سلامتك
ريان رفع حاجب: لا عاد وش السالفه
سليمان وقف : عن اذنكم بروح انام لي شوي
طلع سليمان وقابل بوجه ابوه اللي اعطاه نظره وقال: جهز عمرك بعد شهر بنمشي الرياض خذ اوراقك وخلصها
طنش ابوه وكمل طريقه والشباب مصدووومين انه بيرجع وهو لسى ماخلص الماجستير
ريان: يبا موب توه ع الرجعه باقي ع دراسته
ابو سليمان: لا بيرجع وبيترك الدراسه ماهب لازم يكمل واول مانرجع بنتقدم لبنت عمك
ريان بستغراب : من جدك يبا
ابو سليمان: شاااايفني واحدن من ربعك امززح معك
ريان : لا حاااشاك بس من بياخذ
ابو سليمان : بنت عمك محمد
سكتوا كلهم ياحولون يستوعبون الكلمات ويجمعونها ويربطون بين العصبيه والسفر والدراسه والخطبه
............
في غرفه جالس بهدوء وهو يكلم نفسه : أي بنت عم عمي محمد ماعده غيرها مستحيل تكون هي راحت علي
مسك راسه وهو يقول خساااره يا جود ياا حظ سليمان فيك
<<مايعرف ان سليمان لو الود وده ما ياخذها
................

عند البنات جالسين بالصاله اللي بالدور الثاني مع الحريم
العمه: سمعتوا يا بنات ان سليمان بيخطب
دينا: ايه درينا وعرفنا مين بعد
ام سليمان: مشااء الله مايفوتكم شي
لينا تضحك: شكله يحبها
ام جواد: الله يوفقهم وهي بنت ناس وتستاهل يكفي انا يعرفها
العمه: ايه اليوم بكلم امها وبقولها ازين قبل لا يقولون الرجاجيل شي وبعد شهر يصير خير
ربى: ليه يعني الرسمي بعد شهر
العمه: يقولونه يعني يبون لما نرجع وزي هالاشياء
وقفت دينا والبنات واستأذنوا واتجهوا للغرفه
.................
دينا: مششاءالله امدااه يخطبها
لينا: ياااي مو مصدقه اخوي بتزوج اخير فرد جديد بالعايله
ربى: ايه والله فله عرس قريب اخيرا
جنان: اكييد لازم نكون مميزين مو انا اهل العريس
ضحكوا البنات ودخلوا بسوالف الزواج وما الزواجات
وما كانوا يعرفون انهم راح يكونون اهل العريس والمعرس يعني ع بالهم البنت هي (اسيل)
.................


 
 توقيع : شيخة السعوديه

ســبــحـان الـلـه وبـحـمـده ~~~ سـبـحـان الـلـه الـعـظـيـم


رد مع اقتباس