مسكت جوالها وهي تتصل ع امها اللي وحشتها من جد: هااااي ماما
ام جود بصوت شبه باكي: هلا ياروح امك هلا ببنتي هلا
جود اللي ضحكت بطفوله: والله وحشااااااااااني
ام جود اللي بكت : وانتي بعد ها يمه متى بترجعون
جود تضحك وهي تقاوم دموعها: ههههههه ماما تونا واصلين
ام جود: والله الرياض بدونك مافيها نور
جود اللي نزلت دموعها: فديتك يمه يلا حبيتا قولك اني وصلت
ام جود: انتبهي لنفسك فاهمه ولا تروحين الا مع احد من الرجال موب هتان ولا صقر ولا بنات عمك فاااهمتني
جود : ابشري
سكرت منها وهي تتصل ع الخدم يجبون لها قهوة شوي وبس جتها القهوة وشافت جدتها نازلت من اللفت
جود :هلا والله بام محمد
الجده ببتسامه: هلا بالغاليه وش عندك مانمتي
جود: ماقدر انوم راسي يعورني ويبي له قهوة
الجده: يلا اجل تقهوي معي
جلست تتقهوى مع جدتها شوي وبعدها استاذنت منها ع انها بتروح تستكشف هالفله الكبيرة راحت اول شي لطابق الاول اللي فيه هالصاله وطاوله الطعام ولفت لباب وشافت الحديقه عجبتها مره بس قررت تخليها اخر شي رقت لدور الثاني باللفت لانها متكاسله ترقى الدرج تنهدت وهي تقول : سليمان هنا ولا لا
مشت بهدوء وهي تشوف التصميم اللي يدل ع ذوق المصمم لهذا الدور كان مره حلو سمعت صوت ازعاج صقر وهتان ضحكت وعرفت انها غرفتهم طقت الباب وبعدها دخلت : ههههههه وش هالحوسه
هتان بغضب: كله من هذا الحمار
صقر معصب ويحوس بالملامس ومطلعها كلها: الله ياخذهم من خدامات خليني ارجع الرياض وربي مايشوفن خير
جود ضحكت :ليه وش صاااير
هتان: الا ويبي يلبس بنطلونه الاسود ولا فيه الا هذا كالا بالرياض
جود: ههههههه طيب فيه غيره اكيد
صقر معصب: ما ابي طنت براسي الا وابي اللي بالرياض
طالعته وهي تشوف هالعيون اللي نسخه من عيون سليمان سرحت بعيونه وهو يدور اما هتان يلعببالجوال شوي ولف ع جود :جود وش رايك نطلع
جود: ايه والله انا جايه ادور ابوي ابيه عشان نطلع
هتان: صقر بتطلع
صقر: لا بدور البنطلون الا لابسسه انا متاكذ انها هنا
هتان هز راسه يعرف صقر معاندي مع انه مرح بس بسرعه يعصب طلعت جود وهتان وهم ساكتين قابلت بوجهها فارس اللي ابتسم اول ماشافهم واستغرب وجود جود بس بجد ما خفى اعجابه عنها وخصوصا انها بدون حجاب هالمره كانت كيوته وطفله بملامحه بس انها مع كذا تخقق : هلا جود وهتان وش عندكم
جود ببتسامه هاديه خجوله ماتعودت ع فارس واستحت تطلع عنده بدون شيله او حجاب: ها لا بس ابي ابوي وينه
اشر ع غرفه عمه وهو يقول: هذي غرفته
جتهم ساره وهي تركض :جوووووودي
ضمتها جود وهي تقول: عيونها وقلبها وروحها
ساره تضحك: ابي اطلع اطلعي معاااي ماما تقول لازم احد يروح معك
جود باستها: يلا كلنا بروح انا وانتي وهتان
هتان يعقد حواجبه: يالليل بتروح معنا هذي الدلوعه
سارة مدت بوزها: انا مو دلوعة
جود: ايه سارة مو دلوعه صح سوسو
هزت راسها وهي تضحك وجود راحت تقول لابها وهو اللي كان مستعد طلعوا الا ربع ومعهم فارس اول ماوقفوا عند الباب
فارس: يلا عمي وين تبي تروح
ابو جود: ههههه تراني اعرف إيطاليا اكثر منك
فارس: هههههه اعرف بس عاد تخبر يالقالنا نفزع
هتان: جود تبي مكرونة
جود ابتسمت لهتان وطالعه ابوها: داادي بليز ابي اذوقها هنا
ابوجود : ابششري
سارة: لالا ابي ملاهي
جود: الليل نروح الملاهي
فارس اللي ابتسم ع حركات جود ودلعها وقال: يلا عمي توصي شي
ابو جود: وين ياولدي تغداء معنا
فارس ياشر ع سليمان اللي يكلم بالجوال عند السياره مو منتبه لهم وبعيد عنهم شوي : سليمان يتظرني
وقفت تطالع سليمان وهو يكلم هي حست بنبرطته جمود يوم يكلمها وقد سمعت عنه انها هو كذا اسلوبه مع الكل بارد وجااامد لدرجه كبيره شافته يبتسم وهالابتسامه حركت مشاعرها شافت يبعد الجوال ويبوسه وبعدها يرجعه لاذنه ويصكر وهو يبتسم اول ماشاف فارس ابتسم له وركبوا السياره ومشوا وهي تقف هنا المتفرج العاشق
............
دخلت المطعم الكبير المشهور بالمكرونية وهي مالها خلق لشي من بعد ما شافت سليمان وهي تفكر من كان يكلم حبيبته هو يحب لا لا ما اظن اجل زوجته ايه يمكن تزوج يوم اغترب وو هزت راسها بالنفي لا لا لا أكيد لا ااخ بس لو اعرف . بس لحظه وش دخلني انا لا يكون وقعت بحبه هههههه اتخيل جود الحلوه الدلوعه تحب هالمعتوه الجامد اللي حتى ما قال لي الحمدلله ع السلامه اووووف ياجود خلاص يكفي تفكير فيه ناظرت بالفراغ اللي قدامها وهي سرحانة
.............
قطع عليها التفكير صوت سارة اللي متمسكة بكتفها
سارة: جودي يلا بنمشي
شافت الدنيا غربت اكيد يبي ابوها يرتاح عشان العشاء الليلة
وقفت ومسكت سارة وهي تقول: سوسو قد جيتي هنا
هزت راسها بالاثبات وقالت: ايه مره فروسي وسلومي جابوني هنا
عقدت حوجبها: مين فروسك وسلومك
سارة بعصبيه طفوليه : يووووه جود يعني ماتعرفين فارس اخو جنان و سليمان اخو دينا ولينا
جود اابتسمت وهي تقول: اها طيب وش جلستوا تسون هنا
سارة تاشر بمكان: كنا هنا ونلعب
جود عقدت حواجبه: تلعبين مع سليمان
ابتسمت وهي تقول:ايه وكان يقولي انتي حلوه ويجيب لي حلاوه كبيييييييييييره
ضحكت جود وهي مستغرب من سليممان الجامد يعامل ساره بلطف يمكن لانها صغيره ضحكت وبس سرعان مافاقت من سرحانه: جوود انتي تعبانه
ابتسمت وهي تقول : لا يمكن
...........
وقفت جود و هتان وسارة عند كوشك مجوهرات صغيره قبل لا يوصلون للفلة وهو يبعد عن الفله ربع ساعة يمكن يعني مو بعيد صارت تشوفه كيف يحفر بطريقه حلوه
هتان بطفش: يلا اخلصصوا الغبي اللي يوقف مع بنتين وبزران
جود وهي تتفرج: اقول تراني اكبر منك
هتان يأشر ع سارة اللي مابقى شي وتبيه: اقصد ذي البزر
جود: لا يعني بنتين وصارت ذي لحالها
توه بيتكلم بس: اقول هتاان وش احلى هذا ولا هذا
كان سلسالين واحد ع شكل شمس بطريقه حلوه والثاني قمر بطريقه جذابه
هتان بتفكير: كلهم
جود: ياربي وش اخذ
هتان اشر ع القمر: انا احب القمر اكثر من الشمس
جود ابتسمت: بس انا احب الشمس اكثر
هتان : سليمان يقول القمر احلى مع ان الشمس انفع بس القمر هادي وحلو والشمس حارقه بس الشروق والغروب حلو
ضحكت جود وهي تقول: اوكي باخذهم الانثين
اخذت الاثنين والقمر حفرت فيه حرف سليمان والشمس حرفها خبت القمر بداخل ساحب صغير بالشنطة عشان محد يشوفة
..........
وصلوا الفلة واخذت جود سارة عشان تنام معها اما هتان راح عند صقر
ضغطت رقم غرفة بتشوف غرفه مين
بصوت نااعس رجولي: نعم
مسكت ضحكتها وهي تسمع صوت جواد اللي وااضح انه نااايم ماعد تعرف وش تقول اما سارة المطفوقه صرخت: جوااااااد
صكرته جود وهي تضحك وتقول: يااحماره اللحين بهاوشنا
سارة بوزت: احسن انا ما احب جوادووه
جود تضحك وتجاري سارة: ليه حرام جواد حبوب
سارة تهز راسها بالنفي وبخوف قالت: لالالا مره قد غزني ابره
ضحكت جود وهي تقول: ههههههه يلا بس نامي عشان نصحى مبكر
مسكت سارة يد جود وهي تقول: تدرين الاستاذه تقول كلنا بنموت
جود استغربت بس قالت ببتسامه: ايه كلنا بروح عند ربي إن شاءالله
سارة بهدوء : زي ابو جنان ميت صح
جود ولازلت مبتسمه: ايه توفى من زمان
سارة بحزن: حرام يعني جنان وفارس ماعندهم ابو
جود ابتسمت ولا علقت
كملت سارة: خلاص بقول لبابا يصير ابوها
ضمتها جود بهدوء وهي مستغربه من سارة ومن هالسيره
سارة قالت: اممم لو اموت بتصحين علي
فتحت عيونها بروعه وهي تقول: بسم الله عليك جعل يومي قبل يوم اقول بس سكتي ونااااامي
سكتت سارة الصغنون وهي تغمض عيونها وتقول: قولي لي قصه
ابتسمت جود وهي تبداء تقول قصه سندريلا
...........
دخل وقت صلاة العشاء بتوقيت إيطاليا
الكل صحى بعد نومة مريحه حلوه الكل جالس بالصالة سوالف وبعد شوي بيطلعون
الجد يطالع ويدور اربع افراد بالعايله باقي مو موجودين: وين جود وساره وهتان وصقر
ام جواد: سارة وجود نايمين
ابو جود لف ع البنات: روحوا قوموهم
وقفوا البنات كلهم وكنهم ينتظرون هذا الشي
الجده بحنان: قومها بشويش موب بروعة ولا ياويلكم مني
ابتسموا البنات بشطانة وطلعوا فوق
عند الشباب
جواد يسأل: اقول هتان وسارة طالعين مع مين
احمد: مع عمي محمد وبنته
جواد: سارة وينها
ريان: اشك بعقلك انت ماسمعت امك تقول مع جود
جواد سكت ولا علق
ريان بطفش: ياااخي طفش
احمد طالع ريان وكنه فهم عليه ووقف ريان
الجد: وين يا ريان
ريان برتباك: واحد من اخوياي ينتظرني برا بكلمه واجي
الجد : أيه بس تعرف العشاء ولا نسيت
ريان ببتسامه: لالا ما نسيت
الجد بنظرات تعلوها الشك: اشوفك ما تجي
طلع ريان وهو كل شوي يتصل ع احمد يلحقه وبالنهايه احمد وقف وطلع بدون محد ينتبه غير جواد اللي فاهم حركاتهم وعارفهم
.............
عند البنات دخلوا ولقوها صاحيه وتلبس سارة وتلبس
جود برتباك وخوف: جواد تحت
عقدت دينا حواجبها: كلنا ليه
جود تطالع سارة: ها جد سوووووير شفتي وش سويتي
سارة بخوف: يمه بيغزني ابرة
ربى: ليه وش مسويه سوسو البطلة
جود : حضرتها وقالت لهم السالفة
البنات: ههههههههههه
جنان: جد موب صااحية
ربى : لا تخافين إذا قال شي وما اظن جواد بيسأل بس بقوله عندي كانت
جود بنظره شك: بس فشله كان نااايم
لينا: ههههههه خسارة فاتنا المشهد
دينا تتحجب وتطلع: يلا ترانا بروح اللحين
جنان ترفع جوالها وتقول: ايه امي اتصلت
نزلوا كلهم ومعاهم سوسوا ول ماشافت جواد تخبت ورا جود
جود بهدوء تشيل سارة وتهمس لها باذنها وسارة تهز راسها بالايجاب وتنزل وتروح لامها
الجد: يلا تراني ماشين نتمشى وبعدها بروح للمطعم
الكل وافق وطلعوا كلهم الحريم والبنات اتجهوا لسوق والرجال وجواد طلعوا يتمشون لهم شوي ويسلمون ع معارفهم مع فارس وسليمان
............
بالسوق
ام جواد: سوسو حبيبتي يكفي حلاو
سارة: ماما ابي ثااااني
جود تبتسم: خلها عنك خالتي انا بروح اجيب لها
ام جواد: لا تروحين لحالك يمة اخاف يصير لك شي
العمه نوف: أيه جود اجلسي لين رحنا عند السوبر ماركت جبنا لها كلها موب وحده
سارة وهي شوي وتبكي: ما ابي ابي حلاوه من البقاله اللي هنا
ام سليمان: وينها ما اشوف شي
ربى: الا خالتي مناك هي بعيده شوي
دينا: ماما بروح انا كلنا للبقاله ونجي
لينا بدلع: بليييييييز مماما
جود ابتسمت وهي تقول: يلا بروح عمووه نروح
العمه نوف تطالع جنان : وانتي بتروحين
جنان ببتسامه غبيه: بعد اذنك طبعا
العمه :من متى اقول روحو وإذا خلصتوا اتصلوا علينا
راحت الحريم الثلاث يكملون تسوقهم وجود وباقي البنات ومعاهم سوسو متجهين للبقالة وهم ماشين شافوا ريان اللي خاقين عليه نص بنات العرب واحمد يوزع ابتسامات
دينا تطلع جوالها: مقطع لا يفوووت بنات صوروهم
ربى بنذاله: افكارك خطيره داااايم
دينا: انا دينا مو حي الله
وبداء التصوير وسارة بس تضحك ع ضحك البنات
جنان: ههههههه شوفوا لما قربت الكاميرا عند وجه احمد
ويشفونها ويضحكون لانه من جد شكله غبي <<كني شفته ^_^
جود اللي قالت: يلا بسبقكم انا وسارة
مشت هي وسارة والبنات مازالوا يعلقون ويمشون وراها
جود ببتسامه: سوسو وش تبين من البقاله
سارة: حلاوه وعلك
رفعت حاجب وهي تضحك: لا عاد
سارة بحماس تاشر :شوووفي فااارس وسليمان وجواد
لفت لهم وشافتهم وقلبها يدق بقوه وخدودها متورده من الخجل

سارة وهي تصرخ وتاشر: سليييييماااان
لفوا كلهم لمصدر الصوت وشافوهم
قربوا منهم بس سليمان ماشي بالنهايه وبالبطي وكنه يقول يارب لا اوصل الا واهم مخلصين <<هذا عقل جود يقول كذا
فارس يبتسم : هلا جود
جود: هلا
سارة: فاارس ابي حلاوه
جود تمسك يد سارة: اللحين بروح
جواد يلف ويدور احد: وين الباقي
جود لفت ورا ماشافت البنات: ها البنات كانوا وراي ماعرف وينهم
وصل سليمان وهو مستغرب: وش السالفه
جود اللي نزلت راسها ولا قالت شي
سليمان: لايكون ضعتي
هزت راسها بالنفي
فارس: لا هي رايحه للبقاله
عقد حواجبه سليمان وهو يقول: خير إنشاءالله لا يكون لحالك
طالعت جواد وكنها تستنجد به لانها مو متعوده ع هالاسلوب
جواد: لا البنات كانوا معها بس ضاعوا وهي تمشي للبقاله
رفع حاجب واحد وكنه شاك: اظن اكلمك يا بنت عمي ولا لسانك انبلع
عصبت منه وعيونها امتلت دموع رفعت راسها وعيونها مبين انه بتبكي: مااالك خص مو ولي امري
تركته وسحبت سارة وكملت مشي لطريق ماتعرف وين يودي لها
جواد وفارس مستغربين تصرف سليمان ومتعجبين من دموع جود
سليمان : دموع مره وحده والله دلع
جواد لف عليه بشبه عصبيه: بس كان حاكيتها بهداوه
سليمان رفع حاجب واحد واستحقر جواد ومشى ولحقه فارس فوقه علامه ؟ من تصرفات سليمان يعرف هذا طبعه بس مو زياده
اما جواد اتصل ع ربى: هلا ربى
ربى: هلا جواد
جواد بهتمام واضح: ربى انتي وينك
ربى: بالسوق لسى ماطلعنا وهذانا انا والبنات والحريم يتسوقون
عقد حواجبه وهو يقول: وسارة وينها
ربى: توها جايه هي وجود كانوا ريحين للبقاله بس شكلهم هونو
جواد: اها شفيه عندكم ازعاج
ربى همست بصوت واطي: هذي جود تبكي ماعرف شفيها مو رااضيه تتكلم
جواد : اوكي طيب باي
سكر منها وهو يفور من سليمان
.............
جود اللي مازالت تبكي ووجها انقلب احمر وانفها احمر
دينا: جودي تكلمي عاد ما صارت
لينا تلف ع سارة: شصار يوم تركناكم
سارة بتعجب: مااافي شي
جنان تقرب لساره عشان تففهم: سوسو حبيبي ماجا احد كلمكم وسوا لكم شي او صرخ بوجهم
كنها تذكرت: سليمان وجواد وفارس
لفت دينا وربى: شفيهم
سارة هزت كتفها وهي تقول: ما دري
تنهدوا وهم يعرفون ان سارة ماراح تعرف تتتكلم وجود مستحيل تقول لهم
...........
ساعه بالكثير والكل مجتمع ع الطاوله على طاوله كبيره تشملهم كلهم
ترأس الطاولة الجد جنب محمد وجنب محمد جود وجنب جود العمه وبعدها البنات ومن الجه الثانيه جنب الجد الجده وبعدها عيالها وحريم عيالها والشباب
جود كانت ساكته والكل ملاحظ التغير هذا
ابو جود يهمس لها: جود فيك شي
جود تحاول تبتسم: اشتقت لماما
ابو جود ابتسمت باطمئنان وكمل اكله
الجده بصوتها العالي: يمه جوود وش فيك وجهك موب عاجبني
جود تبتسم بهدوء: فديتك جده بس اشتقت لماما
الجده تضحك: خبري به شي اكبر دامه شوق مايخالف يمه كلنا نشتاق لامهاتنا عاد انتي اول مره تفاارقينها الله يخاليها لك
جود ابتسمت ولا علقت وكملت لعب بالاكل وشوي وقفت وهي تقول: الحمدلله
لفت عليها عمتها: ماكلتي شي يمه
جود ببتسامه تحاول تخفي دموعها: لا شبعت
اتجهت لدوره المياه وهي تسيطر ع دموعها لا تنزل شافت وهو ياكل بجمود ولا كنه تو يصرخ عليها شافته وهو ويرفع جواله ويبتسم ولا كنه مهزئها او معطيها اهتمام صغيير تنهدت وهي تقول ببتسامه ساخره: والله وصرتي تحبين وااحد جامد غبي متخلف
...............
بعد ماتعشوا وانتهوا تجمعوا كلهم بالصاله الداخليه الكبيره الرجال من ع جنب جالسين والحريم بالجه الثانية
العمة نوره تبتسم: ترى امك اتصلت يا جود
جود توقف: يؤ يؤ جوالي فوق من ساعه
ام سليمان تبتسم: اثرها دقت وتصيح تقولين ميت لها احد
العمة نوره تضحك: يا حلييها امك يا جود روحي اتصلي عليها
جود تضحك وهي تاشر ع البنات يالحقونها وقاموا كلهم فوق
.............