منتديات هيبة ملك منبع إبداع لاينضب - عرض مشاركة واحدة - { ... رحـــلـة عــضـــو / هــ ... / ضحكه خجـل .. تفضــلي}

اوسمتي · 10-16-2011, 09:18 PM

بسم الله الرحمن الرحيم ,,

يسعد مساء ضْوكَ وهنا جمركَ

مساك شبة نار جمرها يلهب الاشواق

فنجال ومجلَه مستكين البال ساهِر خلاوِي

اعتذر شديد الإعتذار عن التأخير ,,

وان شالله تستمتعون معنا والله يحييكمٌَ ..

فناجيلكم ..

سلمكم الله ,,

1/ أول سفرة كانت..متى؟....إلى؟
السفرات كثير بس اقدم سفره اذكرها كانت ايام حكم الملك فهد الله يرحمه
كانت لمكه بس اذكر انها طفشت وانا في السياره اذكر من العصر مشينا ودخلنا مكه
ع اذان الفجر مااتتخيلون شلون نمت وصحيت ونمت لينا وصلنا طبعا من الرياض

2/ أطول سفرة كانت لمدة....؟
مااذكر بالضبط شهر وعليها كم يوم بس المكان مو ثابت
3/ أحلىبلد زرته؟...ما الذي شدك إليه؟
حائل : تبون الصدق والله أهله والراحه اللي ودي اعرف سرها

4/ لو شاءتالظروف (عمل... مثلا) أي بلد غير بلدكـ كنت تتمنى تعيش فيه؟
بلد خارج بلدنا وإلا شلون لو كان خارج اكيد ايطاليا وفي بطن روما وحَ وإلا داخل بلدنا اكيد الشمال
5/ أحلى أكلة ذقتها كانت من....؟
سميج ( سمك ) من الدمام
6/ طرفة صارت لك في احد أسفارك و لازلت تذكرها؟
الطرف كثيره تحصل بس تحصل لي انا شخصيا الحمد لله فطين << ماتخافوش علي

7/ أجمل تذكار للحين تحتفظ به كان...؟ من؟
تذكار ايام الشتاء تقدر تقولها كان من اخوي اللي اكبر مني جاكيت مخمل من برا بصوف ارنب من سوريا سابقا
الله يكون بعونهم اليوم ,
8/ آخر بلد زرته؟
الاحد اللي طاف طلعت طيران للمدينه المنوره ورديت << مسوي رجل اعمال
9/ شيء لا تستغني عنه في سفرك طبعا بعد القران الكريم؟
الله يحفضنا بحفضه الجوال صار شي ظروري في كل الاحوال بس كل مكان وله حاجته
وصندوق القنص في الجيب مانتركه ,, والقهوه والشاي والحطب خاصه في الشتاء بكثره تجهزوو للبر

10/ أحلىاستضافة كانت في...؟
كانت في الباحه عام 29 هجري زياره شبابيه من العاصمه لحجاز للباحه وردينا للحجاز بعدها
شي ماينسى كان مدرس لنا واهو في مقام الاخ ايام الثنوي رحله ماتنسى واتستضافه خالده لذكراهـ

11/ أكثر مطارشدك..؟
تبون الصدق مافي مثل مطارنا مطار الملك خالد والمطارات الثانيه احسها نايمه طبعا مازرت مطار جدهـ
12/ بلد ودك تزورها إن شاءالله؟
ان شالله دبي وعمان الصيفيه الجايه

13/ كلمة(أو نصيحة) أخيرةللمسافرين؟
بعد كلام الله وكلام رسوله .. الخوهـ في السفر اعرف من تخاوي .. والحمد لله الأمن والأمان موجود
والله يديمه لنا ولكل مسلم ,,

تحياتي لكم ,