الموضوع: شرفوني هووون
عرض مشاركة واحدة
قديم 02-28-2012, 02:09 AM   #2
كـادي
مركز هيبة ملك لتحميل الصور hebat-malek.com
اش الهرجة !


الصورة الرمزية كـادي
كـادي غير متواجد حالياً

بيانات اضافيه [ + ]
 رقم العضوية : 4735
 تاريخ التسجيل :  Aug 2010
 أخر زيارة : 07-29-2017 (07:09 PM)
 المشاركات : 4,453 [ + ]
 التقييم :  5900
 الدولهـ
Saudi Arabia
 الجنس ~
Female
 SMS ~
كـل التضحيـة كذبـة
لوني المفضل : Darkgray

اوسمتي

افتراضي



عليكم السلام والرحمة ,
صراحة الموضوع حلو , وهاليومين كثرت المواضيع الي تذكرني بالجامعة يالله عساه خيرة
ايه طبعا عندي قصة هذي ياستي وحدة من صحبات الجامعة كرسيها جنب كرسيي فين مارحنا
حتى يوم المقابلة كان دورنا مع بعض < أفتكر دكتورا نجلاء تقولها مالك يابت مبوزة خليكِ زي زميلتك فرفوشة
وهناك بدا تعارفنا ,خلصنا الكلية سوى اتمشكلنا كم مرة بسبب
المشاريع الجماعية لاختلاف اراءنا كثير ,بس لازم نتصالح بالأخير ,المهم انو بعد ما اتخرجنا , رسلتلي
مسج انو سامحيني انا مسامحتك على كل شي واتمنالك التوفيق بس احذفي رقمي وايميلي علاقتنا انتهت..
عاد سويت اعادة ارسال لمسجها وكتبت "الله معاك" كانت البنت حامل وانا كنت بفترة كئابة التخرج
والظاهر انو اتصادمت الظروف فسار تبلد وماسألتها عن اسباب ,رغم اني حيل اعزها ,واختلافنا دايما
يخلي وقتنا ممتع , ذحين يذكرني فيها"ساندوتشات أبو حويلة " كانت تحبها وانا أبدًا ما أطيقها
فإذا اتأخرت عالشلة تستغل الفرصة وتطلبها فطور واذا جيت طبعا حاسبيني اقولها خذي حقي لزوجك
ما ابغا الله يذكرها بالخير صحبتها حلوة لكن الدنيا تجمع وتفرق , اذا جيت اعايد صحباتي في
المناسبات اجي برسلها لأنو رقمها مسحتو من الجهاز وبقي بالشريحة الظاهر فيطلعلي واقول
بس يابنت بلا نشابة المخلوقة ماعاد تبغاك والحين ما بهديلها شي يكفي اني اذكرها بالخير وانبسط بذكراها

< الهرج ذا كلو بدون إهداء ,
باتسلف اهدائك ملوكا حكايتك مع قريباتك ترا بالعكس المفروض تزيد ,احنا اذا اتزوجت وحدة
مننا قلبنا بيتها مكان الجمعة نزبط وقتنا مع دوام زوجها يطلع من هنا ندخل من هنا , مرة نساعدها ومرة نحوس بيتها وزي كذا الا لو كنتِ تحبي الخصوصية فالله يعين ويحفظلك قريباتك ,


 

رد مع اقتباس