ياالله ذكرتيني بأول وآخر مسلسل تركي أتابعو سنوات الضياع .. لا صح تابعت بعدو صرخة حجر بس الحمدلله ماطلع طويل زي الأول
وكمان عشانو يصور أحداث ممكن شوفي ممكن انها تسير .. ~>بعض المواضيع غصب تذكرنا بايش كنا نسوي أو نبغى نسوي
المهم نجي للب الحديث . . أنا معاكِ بالدبلجه تخرب الشغله وتضيع تركيز الكلمات والفم والسماع يعني لو ترجمه وتسمعي
النطق الصح والطبيعي للغه مهما كنتِ ما تفهمي فيها بيكون أحلى وأصدق .. >>معليش لازم اقول ذي النوقطه بما اني
دخلت موضوع المسلسلات التركيه وما تسوي ..
طبعاً ما أدافع عنها أبداً لأنو صح هيا توصل أفكار سيئه للمراهقين بالذات وتغذي عقولهم عالحب اللي هوا مو طايلين منو زي
مو الأتراك طايلين ..لكن لو فكرنا ..ترا من زمان التلفزيون يبث أشياء زي كذا .. لا تنسي الأفلام الهنديه ولاتنسي الأمريكيه
اللي خلت البنات ذحين يقولو (عندك بوي فريند)؟ بشكل طبيعي بدون ما تحس انها قاعده تخترق نظام الطبيعه في عقيدتنا
وعاداتنا .. طيب لو قلنا التركيه أسهل مدبلجه للعربيه وأيش كمان للشاميه يعني أقوى شي يشد المتابعين .. فالمكسيكيه
من أيام جدي يعرضوها وبتحرر أكبر من ذحين بعض القنوات اللبنانيه كانت ما تتعب فسها بقص المشاهد زي ذحين ما القنوات
اللي تعرض التركيه تسوي .!
المهم خيتي ملوكه ترا الفساد مو قاصر عالمسلسلات التركيه والتوعيه ماحتوصل لأحد إذا ما كان رب البيت واللي متابع لأولاده
باهتمام مو بجبروت ومراقب أحوالهم ومراعيهم هوا اللي يشوف خلفية المسلسلات واللي تهدف له وبالتالي يتخذ خطوات ترضي
أولاده وبنفس الوقت مقنعه ..
الله يصلحنا أجمعين .. وربي يكتبلك الأجر على غيرتك على ابناء المسلمين وخوفك عليهم
|