منتديات هيبة ملك منبع إبداع لاينضب - عرض مشاركة واحدة

اوسمتي · 08-27-2010, 05:12 PM

بسم الله الرحمن الرحيم ..

بداية يا أعزائي .. أنا أشوف هذا شيء عادي ..

وكل شخص يخاف على أهله لازم يحسسهم أنه متابعهم

يعني لا تسمونها شك أو شيء من كذا .. بالعكس .. هذا واجب على كل رجل يتابع شؤون أهله

ولكن خطأ كبير .. لو فتشت بدون إذن صاحب الجوال ..

يعني .. أجي بكل ثقة وأطلب منها الجوال .. وهي جالسه معي ..

وعادي جداً وبدون نية شك .. أبدأ أشوف وش فيه .. وهو من أبسط حقوق رب الأسره

سواء .. كان أب / أخ / زوج ,,

ويمكن لا سمح الله .. يكون فعلآ يحصل أشياء .. ويصير يبدأ يعالج الموضوع في وقت مبكر بدون ما يكبر

وبرضوا .. لما أجي وأطلب من أختي جوالها .. بالتأكيد أحسسها إنه فيه ناس وراها .. وتخاف عليها

حتى لو كانت تقول أنا واثقه من نفسي ..

ما يهم كل هالكلام .. والله لو البنت تحس إن أهلها مهتمه فيها .. وخايفه عليها .. وتطلب جوالها كل فتره

أكيد بيكون سبب في وعيها وإداركها .. لخطورة ما نواجهه في هالأيام

,,,

أطلب من حواء .. إنها ما تفكر تفكير سلبي لما اخوها يغار عليها .. ويطلب جوالها .. ويفتش فيه

وبالنسبة لي .. أنا وجوالي فداء لـ أخواتي وزوجتي

دام إني واثق .. عادي لو يأخذون جوالي ..

وأصلآ .. تحصل دائم بين الرجل وزوجته .. كل واحد يغار على الثاني ..

عشان كذا يفتشون جوالات بعض .. ^_^ يعني الوضع عادي من باب الغيره

والواثق من نفسه .. يمشي ملك

ولكن المشكله من بعض الشباب .. يأتي بطريقة غير مناسبه

وحواء معها حق في زعلها وتضايقها من هالأسلوب

وهو أنه يفتش بدون علمها .. وهذي تراها خطيره وممكن تسبب في خراب البيوت

أنا أقول .. يخلي الوضع جداً طبيعي .. ويطلب ويستأذن بكل أدب .. وبالتأكيد ,,

راح تعطيه كل اللي يبيه ..

ودائماً نقول .. الأحترام في المعاملات .. هو أصل كل شيء

والمحترم يلقى إحترام

مثل ما قلت لكم .. الوضع ما يزعل لهالدرجه إلا إذا كان طريقة تفتيش الجوال بدون إذن

,,,

همسه للجميع /

تعلمون إن هالأيام تكثر المشاكل .. وكل شخص من غيرته .. يخاف على أهله وأخواته

فـ لا تلومونه إذا طلب إنه يفتش الجوال .. بالعكس خذوها على إنه من حبه لكم سوا كذا

ومو كل من طلب جوال أهله بيفتش فيه .. يعني هو مسوي مشاكل مع بنات الناس !!!!

لا تظلمون الشباب .. ولا تعمون الكلام !

بالعكس .. يمكن يكون الرجل .. من كثر ما يسمع في المشاكل .. يخاف علي أهله

وصدقوني ..

اللي علاقته مع ربه سليمه .. لا يخاف ..

لأنه بيكون واثق بكل اللي موجود في جواله .. سواء شاب أو فتاة

ولو أي أحد طلب الجوال .. بيعطيه عادي .. لأنه واثق إن اموره تمام

ولكن بعضهم يرفض .. وما أبي أظلم أحد .. ربما يكون سبب شخصي .. و الله أعلم بالنوايا

الكلام يطول .. ونترك المجال لـ الآخرين

شكرآ شـهـد .. على روعة طرحك لمثل هالموضوع ..

,,,

أسأل الله في هذه الساعه المباركه .. التي يرجى إنها ساعة استجابه

أن يحفظ شبابنا وشباب المسلمين .. ويحفظ بناتنا وبنات المسلمين

وأن يحفظ عليهم عقولهم من الأفكار الهدامه ..

أسأل الله أن يرحم أموات المسلمين .. ويجعل قبورهم روضة من رياض الجنة

وأسأله سبحانه أن يمن علينا بالصحة والعافيه لإكمال صيام رمضان وقيامه ..

وأن يبلغنا ليلة القدر .. ويجيب دعائنا .. ويشفي مرضانا ومرضى المسلمين

ويزيل همومنا وهموم المسلمين

سبحانه .. قادر على كل شيء ..

اللهم صلي على محمد وعلى آله وصحبه الطيبين الطاهرين