عرض مشاركة واحدة
قديم 12-01-2010, 07:46 PM   #13
الناس أجناس

وهذي أخرتها !

مآزلت على قيد الحيــآة


الصورة الرمزية الناس أجناس
الناس أجناس غير متواجد حالياً

بيانات اضافيه [ + ]
 رقم العضوية : 3688
 تاريخ التسجيل :  Oct 2009
 أخر زيارة : 01-23-2016 (03:19 AM)
 المشاركات : 4,694 [ + ]
 التقييم :  1350
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Chocolate

اوسمتي

افتراضي مساعد ربيع الرشيدي ,, [ في سطور ]





السَلآم عليكُم ورحمةُ الله وبركآتُه..
.
.
•.♥.•
.

مدخل ][
عَ ـلمني أكــرَهـ,..\ ذكريآتِـك وطَريـاَك
وآنسَىآ من الليله صُدوُق الـودآدي ,’

ولآني بقايل عقبها وين أبــ آلقـــآك
رآضي لو أن جـ..ــروح ~ قَلبي جدآدي ..}

مساعد ربيع الرشيدي ,, [ في سطور ]


شاعر غني عن التعريف ولد في مدينة خيبر قضى اول فترات طفولته في الكويت ودرس في خميس مشيط حين كان والده يعمل في الجيش تخرج من احدى ثانويات خميس مشيط .وفي فترة المراهقه لاحظ والده ميول مساعد للشعر فنصحه بعدم قراءة الشعر . الا ان الفطره الشعريه لديه كانت قويه . له كثير من القصائد القديمه التي لم ترى الشمس . انتهى من المرحله الثانويه بتفوق والتحق بكلية الحرس الوطني والتي تخرج منها بجداره عمل في مدينة الرياض
.
وفي لقاء صحفي سأل الامير بدر بن عبد المحسن عن افضل شاعر فذكر مساعر الرشيدي ومن هذا المنطلق بدأ نجم مساعد الرشيدي يظهر
.
مساعد الرشيدي نشأ في عائله معروفه بميولها الشعريه .فأمه كانت شاعره وعمه ووالده ايضا

ابتعث مساعد لمدة سنه الى أمريكا وهناك تذكر الوطن والاهل فكتب قصيدته المشهوره :


حزين من الشتاء والا حزين من الضماء ياطير ... دخيل الريشتين اللي تضفك حل عن عيني
.
.
•.♥.•
.
ثم عاد الى الوطن ليكتب قصيدته [الكنه]


عذب السجــــــايا وعوده باول الكنه .. متى تزين السوالف واخذ علومه
وأسامحه عن خطاة الجرح والونه .. وأعاتبه لو يصد شوي وألومـــه

بلوغ القمه \

عقدت لمساعد الكثير من الامسيات سواء داخل الوطن او خارجه

ففي داخل المملكه كانت له امسيات في بريده وحائل المجمعه وابها وغيرها من المدن
وخارج المملكه كثيراحداها كانت الامسيه في الكويت
كما تم استضافته في اكثر من برنامج احداها كان برنامج( دانات) مع نجاح المساعيد . اجريت له لقاءات صحفيه
من بينها كان في مجلة المختلف
وله ديوان شعري يحمل اسم ( سيف العشق ) .


.
.
•.♥.•
.
نبذه عن قصائد مساعد /


مساعد الرشيدي عُرف بعزة النفس


ينجرح قلب لكن ترتفع هـــــامه ..... والله اني لموت ولا انحنى راسي
لو رماني زماني وسط دوامه ...... العواصف شديده والجبل راسي


ورغم وجوده حاليا في مدينة الرياض الا انه لم ينسى معشوقته (الجنوب) :

تذكرين الغلا والصيف والسوده ..... لمة البرق والخلان والرعد
تذكرين القصيد وسلهمة سوده ..... واحد كان ما مثله ولا واحد
إلى ان قال :
يكفي انك على ثنتين محسوده ..... بنت عم السحاب وشاعرك خالد

وقد تغزل بعروس الشمال مدينة ( حائل ) :


سلام ياحايل حبيبة طي..بنـت الخيـال
الليله انتي سيدة حرفي وانـا شاعـرك

قالوا انك ماكبرتـي ياعـروس الشمـال
باقي عروس..ويلمع البـرّاق بآسـاورك


لا..لاتقولي شّي عن سر البها والـدلال
إنتي خطاك الغيم حيّـي وانـا عـاذرك

الله عليك ليا تواضعتـي وقلتـي تعـال
والله على هيبة غرورك نوب ومكابـرك

كتب مساعد قصيده رائع عن والده :
.

يا أبوي لا يلحقك شـــــــك ولا ريب .... أنفض هجوسك وارفع الراس عالي
أنا شبابك لا غـــــزا راســك الشيب .....وأنا عضـــيدك لو تجور الليالـــــي

أي والله أبشر يا رع الطيب بالطيب .....والله لـ..أسدّك لو يضيق المجالي
آمر وتحت أمرك تهون المطــاليب .... إنخــــــىآ وتلقاني قريبٍ مــــوالي
أجيك كلّي ما خشيت المصـــــــاعيب ..... لي طلبت تكفىا يــــايبه طاب فالي
إن عاش راسي يا عزيز المجاذيب ..... لـ..أشيل حملك لو يفوق احتمالي
واطفي ظماك إن حَثْرَبنَّ المشاريب ...... وأسقيك من زندي قـــــراحٍ زلالي
ولا يهمك ياكـــريم المـــــــواجيب ...... يفداك حـــــالي يا يبه والحــــــلالي
أبشر وذيبك يا رفيع الشرف ذيب ...... يا أبــــــــوي دام تشوفنــي لا تبالي

كما انه تغزل في والدته :


يمه كبرتي وصرتي احلى من العام .... يا حلو ضحكات التجاعيد بيدينك

.
.
•.♥.•
.
شآعرية مسآعد :


شاعر متألق و مرهف الحس -
شاعر آسر ، يجيد توظيف المفردة في تناغم حسي موزون

شاعر بلغ ذروة مجدة في كتابته لأوبريت الجنادرية

شاعر من الشعراء الذين يغلب على شعرهم بساطه الكلمة وقوة المعنى

شاعر تجد في قصائده الحزن العميق والكبرياء والشموخ في آن واحد
شاعر مبدع حتى الثماله يجبرك على متابعة قلمه والاستمتاع بما يكتب .

.
.
•.♥.•
.

- من قصائدهـ
:


.
.
•.♥.•
.
[ سَيف العِشق ]


كيف أطفي الريح بثيابك وكيف اشعلك

كيف اتنثر على جمـرك وكيـف احتويك
نقضت ليل الحرير وجيت ماانت لهلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى .. واهتديك
شوقـي مسافـة وهمساتـك مـدار وفلك
ان ماظميتك غلى .. ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت .. واتهيّلك
واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك
ماتشوفني حي قدامك وانا امـوت فيك

اشتقت لك قبل اجيك وجيت واشتقت لك
البارحة طول ليلي بين هذي .. وذيـك
مليت جمـر انتظارك واستحيت أسألـك
واحسبني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك ..}

.
.
•.♥.•
.

[ سَمهآ ]


سمها ذكرى مزوح اللي تسمي
انت ابو خضر الطعون وسمــــها
انت ياشيخ البها سيدي وعمـــي
تنثر ايامي عبث وتلمــــــــــها
انت همي ول يامحلاك همـــــي..!
مع ياملح السنين وهمـــــــــــها
قبل اقول لسود الحلوين سمـــي
من غلا سودك غرقت فـ يمـــــــــها
ان ندهتك تنبت نواويرك بفمــي
المحك شمس نهاري يمــــــــــها
جيت لك من جمر الشوق متحمي
كل ماتبرد طعوني ضمـــــــــــها
جيت لك واقصى معاليقي تومــي
هم يخطيها وهم يخمــــــــــــها
ان ضميت اشرب سواليفك بدمـــي
وان تثاقلت الدروب ازمـــــــــــها
وان خذتك مني عين ماتســــمي
العن الدنيا وابوها وامـــــــــــــها ..}


.
.
•.♥.•
.
[ الحُب الجَدَيد ]


حب جديد .. وقصيدة عشق مجنونه
الله يحييــــك ياحـــــــب لفا تــوه
حــب لكله .. وحبٍ بس لعيــــــونه

حبين باقصي خفوقي بس له هوه

ايه انصتي ياشجون الروح ممنونه
جاني رقيق المشاعر ناوي الخوه
جاني حبيبي وعمري فرحة غصونه

ربيعها يوم سال السيل من نوه
يوم انهمر لي حنانه باعذب لحونه

قلت الله الله صفا جوي على جوه

والله لـ..احبه ولو حظي وقف دونه

مافيه قوه تصد الحب بالقــــــوه
بس انتظر يازمن لين اعلن المونه

ومن بعدها اللي تسوي يازمن سوه ..}



.
.
•.♥.•
.
[ كِـلك..غَلآ ]

كلك تعالي غلا ... والا إرجعي كلك
بعض الغلا منك مايستاهل الجيه

طالت وانا في رجا ليتك..وياعلك
أوراق بالذاكره ..واوراق منسيه
مابل ثوبك مطر شوقي ولابلك

لوعلتك من سحاب الروح وسميه

ليه امشي الدرب دامه مايوصل لك

تخاف رمضا الضياع اقدام رجليه
يابنت تو الهوى ماصرت انا خلك
للحين .. مازالت الصوره رماديه
ومازال بغض الغموض الشره يحتلك
وشلون انا اعشقك واحبك على النيه
اشوفك هناك قدامي .. ولاادلك
صعب الكتابه ليا صار الورق ميه
إن كان شمسك تساومني على ضلك

ماعاد ابي منك لا شمس .. ولافيه
اما تعالي لقلبٍ .. فز لك كلك

والا اتركيني ما ابي لك بالهوى جيه ..}

.
.
•.♥.•
.


[ كِثر الكَلآم ]


على كثر الكلام ... وكثر ماقبل الكلام جــــــروح

سكت ... ومالقيت الكلمتين الي علي بالي
أخاف إن قلتها ... ماقلتها ... وان قلتها بوضـــوح
توسدني ملامات الرفيق وشرهة الغالي

كذوبه يالهوجس اللي على الخاطر تجي ... وتروح
بغيت أزبن ذراها ... واستريح وماتهيالي

ورحت أتلي شتاتي ... واترجي صوتي المبحــــوح

تموج بي الدروب ومسندٍ كفي على ظلالي

عسي مانتي رجايه يابروقٍ في سماي تلــــــــوح
يشرهبني رعدها والضما بالصدر همالي
نقلت جروح ماعرفها بقلبٍ مرهف مجــــــــــروح

تنطحت البياض ... وسود الله وجه عذالي ..}

.
.
•.♥.•
.
[ عِــزَةَ النَفَس ]
ينجرح قلب.. لكن ترتفع هامه

والله اني لاموت ولاانحنى راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاســـي
واسمع الحلم يصرخ لحظه اعدامه

رابط الجاش ... ماهز الخبر باسي

عزتي غاليه ..والناس سوامه
قلت ماابيع حتى تقطع انفاســــي
زانت ايام عمري .. شانت ايامه

مارجيت العزى من رحمة الناسي
من عجز لايدوس الهم باقدامه
لازم انه مع الايــــام يندآســــي
يندمل جرح القلب ..ماتت احلامه
بس ما اظن يبرى جرح الاحساسي
يوم صارت مابين القلب والهامه

وش ابي بالحياة اليا انحنى راســــي ..}



.
.
•.♥.•
.
[ حُمرَة الشَمَس ]

هذا انت وإلا حمرة الشمس واليم

ريح المطر والا نسايم حنينك ..
يومك ضحكت وبش باوجانك الدم
قبل الغياب وكلهم حاسدينـك ..

كن النهار اللي رسم للشفق فـــم

ضحكة ثغرك اللي سماها جبينك ..
هذا انت وإلا من يــضم الحشا ضم

هذي يــدين البــرد وإلا يدينك ..

ثلجي نحرك ... أدفي من غفاية الهم

عن خاطر ٍ صحوات همه تدينك ..

بأعانق حدود الضما والغلآ جــــم

وأبقي معك سيد هواك ورهينــك ..}



.
.
•.♥.•
.
[ الطريق المَهجُور ]


تخوفني مشاوير الطريق المظلم المهجور

واليا مني ذكرتك قلت طولي يامشاويري
عزاي انك رجاي العذب لو كل الدروب عثور

وصلت اوماوصلت اعرفك ما انته منتظر غيري

حبيبي ..وكل الله لاتحسب إني بليد شعور
لو انت المستحيل الصعب .. ماابدي لك معاذيري

احبك ..رغم تجريح الليال لقلبي المقهور

اشوف الجرح يكبر وانت تكبر وسط تفكيري

احبك .. لو يموت الحب وتصير القلوب قبور

احبك كلمة لو حرموها .. حل تفكيري

احبك من هنا حتى طلوع الفجر ..حد النور

صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور

لأنك تنهمر حلو القصيده في تعابيري

احد ربي يحطك له حبيب ..ومايجيه غرور ؟
وانا مهما بغيت استوعبك ياقل تقديري

هلا بك من قدمك ... لغرتك لي شعرك المنثور
هلا في كل شيٍ فيك وانت اغلي مساييري
أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري
ولو طالت مشاوير الطريق المظلم المهجور
انا لامن ذكرتك قلت..احبك يا مشاويري ..}



.
.
•.♥.•
.
.

[ تبَدين مثل المُستَحيل ]


آخر عباراتي وداع ..وآخر مشـــاويري رحيــــل

جيتك وبي لفحة ضما واقفيت كبدي ناشفه
اصعب كلام أصعب خبر صرخه عقب صمت طويل

مثل الهدوء اللي سبق لحظة هبوب العاصفه

وأنتي بمتنــــاول يدي ... تبـــدين مثل المستـــــحيل
في عشرتك صوت العقل يقتل طموح العاطفه

الحب ماهــو كل شي إليــا وقـــف حـــظٍ بخــــــيل
قلوبنا مثل العسل بس الظروف مصالفه

لا للندم ..لا للعتب .. أوشــــي من هـــذا القـــبيل
وانتي ماجا منك خطا حتى تقولي اسفه

من غير ليه . استسلمي.واستلهمي صبرٍ جميل
ولاتسأليني وش جرى مالك بطول السالفه

قولي لهم ياعزوتي ماعابنا مـــوت النــــــخيل
{ اللي يوآفيها الأجل وتمُوت لكِن وآقفه }
آخر عبارآتي ودآع وآخر مشـــآويري رحــــيل
جيتك وكبدي ناشفه واقفيت كبدي ناشفه ..}


.
.
•.♥.•
.
[ رَمَآد الشُوق ]


ولع رماد الشوق يامعذبي نار
!!
من كان يحلم باشتعال الرمادي ؟

ماكنت احسب انه يكون اللقا حار

لين التقينا واشبكتنا الايادي
وقامت لنا الذكرى تغني على الطار

تنساب باسماعي نغم حب هادي

حسيت شي لفني مثل الاعصار
واستيقظت نشوة غلاك بفؤادي
اخذت لي سجه وانا شبه منهار

بين الخيال وبين علمٍ وكادي
وفزيت يوم انى تنبهت وش صار
مثل الذى توه صحي من رقادي
تغير الموقف بلا سابق انذار

وغير المشاعر جت مشاعر جدادي
رديت لك عقب التجافي والانكار

وطويت صفحات الزعل والعنادي
وتبددت ذيك المبادي والافكار

ايه جنون افكار وايه مبادي
تراي انا مليتها لعبه النار
ما احد لعبها قبلنا واستفادي
من رد للجنه عقب صالى النار
حتى السموم يصير عنده برادي ..}


.
.
•.♥.•
.
[ مَسَرح وجمهُور ]


البارحة كل رمش ... سل شلفاه
وانا على نيتي ساهي وشارد

مسرح وجمهور متبلد وملهاه
يوم انت تطعن حشاي بدم بارد

ياسيدي من يقول الموت مأساه
والموت بغضايتك خيل تطارد

ماعندك الا حلالك وحلا لاه
لي اركيت قلبي على سود المبارد

الرمش طاغي وانا ماني بوياه
صدرت ضامي غلاك وجيت وارد

شبيك لبيك قلب العبد لله
بين اصبعينك غدا خادم ومارد

اطلب وتدلل فداك اللي تمناهـ
لو تطلب الشمس وسهيل وعطارد ..}

.
.
•.♥.•
.


[ يـَـــآطَـير ]



حزين من الشتا والاحزين من الظما ياطير

دخيل الريشتين اللي تضفك حل عن عيني
دخيل الما ..وملح الما..وحزن الما قبل ماتطير
تهيا للهبوب اللي تصافق في شراييني

دخيل الغصن والظل والهزيل وهفهفات إعصير

دخيلك لاتشح بنجمتي والليل ممسيني
ترفرف يافقير الريش ضيقه والنهار قصير

علامك كل ماليل جناحك جيت ساريني

انا ماني بخير وجيت يمي وانت مانت بخير
وانا ياطير في من الهجاد اللي مكفيني

ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني ..}


.
.
•.♥.•
.
[



][ مخرج


آخَِرِ عَِبَآرَآتَيَ {ودَآعَ} ..\ وَآخَِرَِ ِمَِشَِآِوَيرَِي رَِحَيلَ
جَيَتَڪ وَبيَ َلَفَحَةَ ضَمَآ ’’., وَآقَفَيَتَ كَبَدَيَ نَآشَفَہ
آصَـ عَ ـبَ كَلآمَ,,

..!
.
•.♥.•
.
وإلىآ هطولٍ آخــر..!
[
[/COLOR][/SIZE]


 
 توقيع : الناس أجناس

وإنتهينا إنتهينا وإنتهينا
وإنتهينا بجرحك


التعديل الأخير تم بواسطة الناس أجناس ; 12-01-2010 الساعة 08:06 PM

رد مع اقتباس