البــارت الثــاني
جلسوا بالصاله اللي بالدور الثالث جالسين بملل جود تدور رقم امها والبنات سوالف ممله
دينا: ترى انا طفشت
لينا بطفش: والله ما كننا مسافرين بس سوق وارجعي يااانااس نبي اللحين نطلع
ربى بتفكير: نقول لشباب يطلعونا بعد شوي
جنان: ما اظن امهاتنا يوافقون ع هالطلعه
دينا : لا لا تخافين إذا الموضوع فيه الشباب بنطلع
شوي وسمعوا صوت هتان وصقر
هتان: صقور لا تستهبل
صقر : ياخي انا اتكلم جد محد داري ولا حد قايل شي
رفعت حاجب وهي تقول: خيير وش عندك يا اخ صقر
صقر وهتان انتفضوا ولفوا عليها: ديناااا والبنات
لينا: خير وش ناوين عليه
صقر: مالك دخل
ربى: مالنا دخل ها اصبر بس لين عرف ابوي وعمي
هتان وصقر طالعو بعض بتوتر وبعدين : انا وصقر ناوين نطلع اخر الليل بسيارة جدي الجديدة
جنان : يعني صقر بيسوق
هزوا راسهم بالايجاب وهم يبتسمون بمكر
جود االلي جت ع نهايه الحديث وعرفت السالفه: اييييه من جدكم
صقر لف: بسم الله من وين طلعتي انتي
جود : مو مهم المهم انكم صدق بتسوقون إذا ناموا كلهم
هز هتان راسه بحماس
صقر: ايه ليه عندك مااانع ولف ع هتان يلا هتان قو للغرفه
دينا وهي تمشي وبنذاله: بروح اسولف مع ابوي وعمي شوي ويمكن امر ع جدي عاد هم كلهم مجتمعين تحت ولا بنات
لفوا عليها البنات وهم يبتسمون
لينا: صاادقه ديونه يلا ننزل
صقر: صدق انكم نذاااااله
هتان: اخلصوا وش تبون عششان ماتعلمون
ابتسموا كلهم وقالت ربى: كل وحده بتطلب طلب وتنفذونه اوكي
هتان يجلس: يلا بس بسسرعه
وقف صقر وهو يكتف يده: يلا وش تبون يا انساتي
ابتسمت جنان وهي تقول: انا بس ابي الاب حق فروسي اخوي إذا جبتوه لي والله ما اقول لكم
طالعتها دينا وابتسمت وهي تغمز لها بمعنى تعجبيني ^_^
لينا: وانا ابي الاب حق سليمان
صقر: لالا سليمان يخوف وإذا كشفنا ما عنده لو يقبرنا عادي
ابتسمت جود وهي فرحانه وتمنت جد يجبونه
لينا بنذاله: مااالي دخل بتجبووونه ولا بعلم
هتان بخوف وتردد: خلاص بنجيبه بس مالنا خص فيه
هزت راسها بالايجاب
دينا: وانا ابي اممممم وش ابي ربى وش تبين انتي
ربى: والله انا ما ابي شي محدد بس صقور انت رح تحت بالكوفي وجب لنا وهتان يمر السوبر ماركت ويجيب لنا تشكيله كل شي
هتان: ايه هذا سهل وانتي جود
جود تبتسم: امممممم ابي اروح معكم
صقر فتح عيونه: وششششششو
جود تضحك: هههههه امزح ابي جب لي اممم وش اختار بنات
هتان يطالع صقر: صقر ياخي انت غبي يوم تقولهم
صقر بقهر: من جد حسيت بغبائي اووف بس ذلونا
جود رحمتهم : خلاص ما ابي شي بس جيبوا لي سوسو وانتوا نازلين تجيبون الاغراض
دينا وبنذاله: اوك وانا ولا شي اعفاا عنكم بس إذا فكرت يمكن اعلم
..........
تركوهم هتان وصقر بعد ما انذلوا صدق اتجهوا للماكن المطلوب وراحوا عشان يجبون لهم الاغراض وقالوا لسوسو ترقى لهم
............
سوسو تطل براسها وتقول بدلعها: ممكن ادخل
ضحكت ربى وهي تفتح يدها: ممكن يااااروح ربى انتي
جات بسسرعه وضمتها وهي تقول:تبوني
جود: ايه سوسو بتنامين عندي اليوم صح
هزت راسها بحماس وهي تقول: صح
جنان: لا سوسو نامي عندي اليوم
سارة تطالعها ببراءه وتقول: بس جودي قالت قبلك
دينا: يا حبيلها احس سوسو مسويه جو بالعايله
لينا: من جد بس مرات ارحمها مافي احد قدها
وكملوا البنات سوالف ماعدا جود اللي سرحااانه وهي ماسكه قلم ودقتر عشان يلعبون فجاءه كتبت
فجاءه وبدون سابق انذار احببته
فجاء وبدون أي صرخه همست باسمه
فجاءه وبدون أي تعارف عشقت اسمه
وفجاءه اهيم في حبه المجنون ......
دينا: الله الله وش هالفجاءات
طلعت من سرحانه وهي تطالع اللي كتبته ومستغربه كيف مشى قلبها معها
جود بستغراب: من كتبها
ربى وهي تغمز: علييينا اعترفي يلا مييين هاللي فجاءه حبيتيه بدون أي انذااار
جنان تضحك: هههههههه وش عليكم منها خلوها تحب وهذا انا قد قلت لكم اني احب
جود بستغراب: جد جنان انت تحبين
جنان وردت خدودها وقالت: يب بنات جودي ما تعرف
لينا بستغراب: مادري حسبتها تعرف
جود بحماس: جد جد مييين هاللي حبته الانسة جنان
ربى : عاد حبت واااحد يرفع الضغط وبااارد وما يبتسم ابد
جود بستغراب: الله من ذا اللي ما يبتسم ابد
لينا: مسكين اخوي مايبتسم ابد والله مظلوووم
دينا: طيب ياا جنانوه وانا نااويه ازوجك اياه
جنان ضربتها و قالت بحيا : ديييييييينا
الكل: هههههههه
جود بنفاذ صبر: يلاا ميييين رياااان
ربى: لا سليمان
.................
وقف الوقت عندها وحاولت تستوعب اللاسم الذي يقال امامها احست فجاءه ان المقصود او بالاحرى العشيق الذي هامت به ( ابنة عمتها) هو حبيبها عشيقها هوائها الذي تتنفسه
..........
حاولت ترسم ابتسامه وقالت: اها والله ياحليك ياجنان
جنان اللي قالت: خلاص صكرووو الموضوع
جود توقف وهي تحاول انها تكون طبيعيه وربما نجحت في التمثيل: بروح اكلم ماما
ربى بستغراب: مو توك مكلمتها
جود بهدوء: لا ما ردت ما في اتصال بروح اجرب تحت
لينا: وفي طريقك شوفي صقر وهتان كان جو
جود تطلع: اوكي
.........
حاولت تنزل بطريقه سريعة وتترك كلامهم مع وراها لانها للان مو راضيه تصدق ان جنان تكن مشاعر لـ سليمان ركضت لما
طآآآآآأإأآخ
جود مسكت راسها وهي تبكي : آآآآه
طالعها متعجب لهدرجه تعور وماهي الا ثواني وتجمع الكل ع صوت الطيحه ماعدا البنات اللي ماسمعوها بسبب بعدهم
ابو جود قرب منها وهو خايف عليها: جود بابا وش يعورك
اشرت ع رجلها وهي تبكي بقوه
ام سليمان تطالع سليمان بعصبيه: وانت ما تشوف وانت تمشي
سليمان بعصبيه:هي اللي ماتشوف ماشيه بسرعه
جود اللي تشاهق مع سماع صوته وهي اللي كانت مو ناقصه هالشي
قربت منها جدتها وقالت : قومي يا جود عن الارض لا تعورك وانت يا سليمان شف طريقك زين وش البنت ما تشوف يعني تبرر انت ووجهك
سليمان بعصبيه: يمه انا ... ولا اقول ولا شي
طلع وتركهم هم والبيبي ع قولته
..............
جلست بين ابوها وجدتها وهي مازالت تبكي ورجلها شوي تعورها بس مو كثر عوار قلبها العاشق
العمة بخوف : جود يا ماما لما اللحين يعورك
هزت راسها بالايجاب وهي تبكي
الجده: حسبي الله ع هالولد انا قاايله هالغرب عموله عيونه جعلهم العمى
ام سليمان تبي تطلع ولدها شوي من السالفه الدراسه لان الجده مو راضيه ع هالسفره: لا يا خالتي بس هو ما انتبه
ام جواد بحنان: ها جود شخبارك
مسحت دموعها وهي تقول: يعور شوي
ابو سليمان بعصبيه لانه ما حضر الموقف ولا كان صارت علوم كلش ولا جود يحبها من بد البنات كلهم: حسبي الله عليه كل ذا ما شافك
الجد اللي كان هادي طول الوقت بعصبيه: وييين رااااح
العمه تهدي الوضع: الله يهديكم تراها طيحه وشوله يبا تكبر السالفه
ابو جواد: صادقه ماله داعي هالسوالف
جود اللي وقفت وكلهم لفوا عليها ووقفت الجده وابو جود معها
ابو جود: ها ماما تقدرين تمشين ولا
جود تبتسم: لا بابا اقدر
الجده بتاكيد: متاكده يمه
هزت راسها وهي تقول: ايه يلا بروح للبنات
.........
طلعت وهي متعجبه منهم ليه كبروا السالفه وهاوشوا ما كانت تبيها تبكر وهي بالاصل صاحت عشان سالفه جنان لا اكثر
مشت تبي تتصل ع امها وهي طالع للحديقه بحكم الشبكه ما انتظرت كثير الا هو ماسك الخط معها
جود: هلا ماما كييفك
ام جود: اهلين حبيبتي وينك نسيتي ان عندك ام
جود تضحك: حرام عليك والله ما انسى روحي ماما الغاليه ها شخبار جده
ام جود: تمام وتسلم عليك وتسال بعد مانقصنا غيرك
جود :إنشاءالله ماراح نظول شكله شهر او بـ نجلس اكثر
ام جود بستغراب: عمتك قايله لي انكم بتجلسون شهرين عشان ولد عمك وعمتك
جود تنهدت: ايه بس ما دري المهم ماما اكلمك بعدين سلميني ع جدتي طيب
ام جود: ابشري وها ما وصيك ع نفسك
جود: حاااضر يالغاليه
ام جود: الله يخليك لي مع السلامه
جود: مع السلامه
سكرت من امها ولفت ع ورا شافت هتان وصقر داخلين ومعاهم اغراض البنات جتهم جود وهي ترسم ابتسامه على شفتها : هلا بالحامل والمحمول
هتان ضحك: اقول بس خذي
اخذت منه الكوفي اما الكيس الثاني قالت لهم يحطونه عشان تاخذه الخدامه تركوها وطلعوا وهي تضبط نفسها عشان تشيل الكوفي ولا تطيح رفعت راسها شافته قدامه تجمعت الدموع بعينها ماقدرت تخفي هالشعور وعيونها تلمع بعشق مجنون طالعها بستحقار وحقد وتعداها وهو يقول بهمس مسموع : دلوعه
...........
وقفت تحاول تضبط نفسها قبل تدخل عند البنات وطلبت من الخدامتين يتدخلون الاغراض تنهدت وعدت لما العشره ودخلت
جنان: لا تو النااااس
ناظرت جنان بكره وبعدها جلست وهي تتعور من رجلها استغربوا البنات من تصرفها ونظراتها
دينا بستغراب: شفيك
لينا جلست جنب جود ع الكنبه: جودي وش فيك امك فيها شي
جود تتكلم بجمود: لا بس تعبانه شوي
ربى طالعتها وهي مو عارفه وش فيها اما جنان مستغربه من تصرف ونظرات جود لها
جود وقفت : وين كوبي
مدت لها دينا القهوه وهي ساكتة
جود طلعت من غير لا تتكلم وهي تشرب من قهوتها بهدوء قابلت ساره بطريقها
سارة ببتسامه: جودي
طالعته جود فتره وبعدها قالت: سوسو نامي عند جنان اليوم
تركتها بستغراب واتجهت جود تكمل طريقها لجناحها فتحت الباب وجلست ع سريرها وهي تحتسي من قهوتها المفضله كانت تكلم نفسها وتتندم ع هالجيه
ليتني ماجيت ولا شفته يااليتني جلست مع ماما كان سافرت معها لأحسن مكان ولا قابلت هذا اللي مايتسمى ابو قلب قاسي جامد ما يحس
ماتعرف ليه تحبه بجنون و المشكله حبته بيوم وليله الا هامت في حبه مهما سوى ومهما قال لها تحبه بكل شي فيه حست انها تكن مشاعر الحب لها و تكن مشاعر الكره اللي بدت تنولد لـ جنان البرئيه اللي مو حاسه بشي
تنهدت وهي تبي تنام بس مو قادره تحس بفراغ كبير بدون امها المشكله ماعندها احد تقوله هالسالفه مع ان ربى قريبه منها بس مو لدرجه تصل لانها تقولها مشاعرها حست انها لازم تكبت هالمشاعر لما تحدد مصيرها وين
..........
كان جالس ويكلم بحنان وااضح والحب يشع من عيونه اكييد من حقه يكلم حبيبته ودنيته بمشاعر صادقه واافيه
.......: حبيبتي صدقيني والله اخلص دراسه وع طول خطبه وملكه وزواج باسبوع ولو تبين بيوم
اسيل: ما ابي تلعب علي كل يوم بالكلام والله جوني كثيير خطبوني ورديتهم حتى ولد عمي رديته وانت ما لك نيه تتقدم
......: عمري انتي باقي بس شهر بعد هالشهر يعني شهرين وكم يوم واخذ الشهاده وانتهينا وبعدها طيراااان اجيك
قالت بكبريائها و صوتها اللي تبان الجديه والثقه فيه: سليمان انا بنتظر شهرين بالكثير إذا ماتقدمت لي بعرف انك تكذب علي وانا راح اووافق ع اول واحد يجيني
................
جلس لما طلعت الشمس وهو ماسك راسه ويشرب قهوه من يوم سكر منها مو متحمل مسأله ان حبيبته راح تكون لغيره قرر يفتح الموضوع مع ابوه وامه واكيد الراس الكبيره جده وبيقول لهم كل شي بالصريح تنهد وهو يقوم عشان يرجع للفله وهو بالاصل مايبي يرجع بس اتصالات فارس ازعجته ركب سيارته المكشوفه الصفراء واتجه للفه بهدوء وقف عند الدرج وههو يشوف مكان طيحه جود: والله انها دلوعه
كمل مشيه وتفكيره كله يدور حول حبيبته ( اسيل) دخل جناحه الواسع ورمى نفسه وغط بنوم عميق متعب
...........
اسيل شخصيه جديده بروايتي بنت من عاايله معروفه تحب المظاهر بس بنفس الوقت طيبه شعرها طويل لنهايه ظهرها اسود وغرتها مقصوصها ع عيونها بطريقه جذابه جسمها ملفت بدرجه كبير من جمالها وسمعت عايلتها معروفه وكبيره طبيعي أي رجل يبيها جمال وسمعه كويسه كانت تدرس مع سليمان تقريبا خمس سنوات وسليمان هو اللي حبها من قلب وهام فيها لانها من النوع اللي تعجبه شخصيه قويه ما تحب تتدلع مثل باقي البنات عندها جديه كبيره وهذا اللي يحبه سليمان بمعنى اخر عكس شخصية جود الدلوعه النعوومه برغم من انوثة اسيل الطاغيه بس شخصيتها بالمعنى الصريح قووووية وهي بعد تحب سليمان بس مستعده تترك الحب عشان المال والكرامه
............
صحت جود السـاعه 12 تمام وقفت ع رجولها وتألمت رجعت جلست ع السرير وهي تتآلم رفعت بنطلون بجامتها لقت مكان الطيحه زرقاء تجمعت دموعها وهي تقول : ييعوووور
اتتصلت ع رقم غرفه ابوها مارد ورجعت اتصلت ع جواله رد وهو خايف: جود فيك شي
بكت وهي تقول: بابا
...........
سكر منها ووقف والموجودين يطالعونه بتعجب اللي هم
جواد . ريان . احمد . سليمان. فارس والجده والعمه واما الباقي لسى ما قاموا
الجده: وش فيك يا محمد
وقف ابو جود وهو يهرول في مشي: جود ما عرف وش فيها
وانطلق لدور الثالث حتى بدون ما يستعمل اللفت من الخوف
وقفت العمه وهي تحط يدها ع قلبها: يااعمري يا جود من امس وهي تعبانه ووجها منقلب
لفت الجده وعطت سليمان نظره وهو اللي تنهد وقال بنفسه الله يستر وش هالمصايب اللي تجي من هالدلوعه
جواد اللي طالع بهتمام وخوف: ليه وش فيها امس
الجده تتكلم : ابد بس صقعت في سليمان اللي ماشافها ومن بعدها وهي ماتدري وش فيها
لفوا على سليمان بتعجب
فارس: سليمان صدق
سليمان وهو يشرب قهوه بعصبيه: اووف تراها هي اللي ركضت ماهب انا بس تعرف عاد دلع بنات
ريان: حرام عاد جود ناعمه جسمها ما يتحمل
عطته الجده نظره بمعنى استح ع وجهك ^_^
العمه توقف: بروح اشوف وش فيها
الجده توقف: بروح معك وان صار لها شي يااويلك مني يااسليم
طلعت الجده والعمه من اللفت اسرع لهم
احمد لف ع سليمان: جد سليمان لا يكون عورتها بقوه
سليمان: يالليل اخلص من هالحريم يجونا هالرجاجيل ياااشيخ انا ماشي وهي جايه مسرعه ما امداها تطيح الا دموعها سابقتها
جواد يحاول يبرر الموقف: يمكنها استحت وخافت وبعد تعورت
فارس الل يبرر بعد: ايه يمكن وانت مشاءالله يا سليمان معضل حدك
سليمان طنش وكمل شرب قهوته بس رن جواله اللي عدل له مزاجه وارسمت ابتسامته وعيونه اشعت بحب وحنان استغربوا تغير بـ ستثنى فارس اللي عارف وقف وهو ناسي الدنيا وناس جود وطاريها: عن اذنكم
لفوا ع بعض بستغراب
............
الجده: حسبي الله عليه من ولد
ربى: يااعمري ياا جود كان علمتينا
لينا بقهر من اخوها: ذا الحول مااايشوف
ابو جود: ماما جود تقدرين تنزلين
هزت راسها بدلع وهي تبكي: لا يعووور والله
ربى: عمي جواد خله يكشف عليها ينفع ولا
............
وقف وهو يهرول
ريان: جواد وش سالفه
جواد: شكل بنت عمك تعورت
فارس يضحك: اكششخ اجل تم استعداء الدكتور جواد
ابتسم لهم وتركهم وهو يتجه لها
طق الباب وبالاصل البنات طلعوا عشان لبسهم اللي بالجاما واللي بقميص قصر وو الخ
ربى: ادخل جواد مافي احد
ابو جود: ادخل ياولدي
دخل وهو يقول: شسالفه
جود اللي جالسه ع السرير ومغطيه جسمها كله ومرفوع من تحت شوي عشان رجلها
ابو جواد: ما دري وانا عمك تعال شفها
قرب متوتر شبه ملحوظ وهو يشوف زراق الرجل فتح الادوات حقته ولحسن حضه فيه اللي يبي اخذ قطنه وحط فيها شي زي الدواء لف ع جود: تحملي بيعورك شوي
هي ع طول بكت: لا يعور بليييييز
الجده: جود تحملي وانا امك
ابو جود قرب منها وهو متندم انه مانتبه لبنته ولا شاف رجلها امس تنهد وهو يقول بنفسه لو عرفت امها وش بتسوي انت تجي وتاخذها وتحرم عليها تجي بعدها عندنا
مسك يدها وقال بطريقه كنه يكلم طفله : جودي حبيبتي تحملي
غمضت عيونها وهي تقول: طيب جواد بشويش
ابتسم جواد ع حركتها وقرب عشان يحطه اول محطها تألم وبكت
.............
ابو جواد يمسح ع شعرها: ها طاب
جود: يعني
الجده:تقدرين تنزلين ولا
جود توقف: لا اقدر
مشت بهدوء وربى تساعدها نزلت من اللفت ووراها ابوها خايف تطيح وصلت لصاله وهي شبه تعرج <<ماتجي ^_^
..................
بعد مابدلت ملابسها ببنطلون وتشيرت طويبل وفوقه جاكيت يغطي نص البنطلون كانت كيوته مع عيونها اللي باقي اثر الدموع فيهاوخشمها المحمر
الجد: ها شخبارك يا جود
جود: بخير
جلست وهي مو منتبه ع الي موجودين حطت رجلها ومدت الثانيه اللي تعورها لانها تتعور إذا ثنتها
جواد : عمي حط تحتها مخده
ابو جود حط تحته المخده وجلس سجنب بنته: ها ماما جوعانه
جود: لا بابا بس ابي قهوه
الجده اللي كانت جنبها وسمعت قالت بصوت عالي: سليمااان جب القهوه خل جود تشرب منها
العمه: ااتصلوا ع الخدامه تسوي لكم غيرها
الجده: فيما تخلص قد جود ما شتهت جبها اششوف
سليمان عقد حواجبه وقال بهمس ما سمعه غير فارس: اووف انا ما اعرف وش اللي مخليهم يجون عندنا
تنهد وهو يقول : صقر خذ ودها لجدتك
صقر رفع حاجب: احلف بس ترا جدتي جدتك
سليمان: اقول قم وانت ساكت
صقر اللي حط رجل ع رجل : خدام عندك انا
سليمان صك اسنانه وفارس يضحك: ياا حليله هجدك
لف عليه وقال: ترى اللي فيني كافيني
فراس ابتسم ولا علق
الجده تصرخ: سليييييييمان وصمخ
ام سليمان وقفت واتجهت لولدها وهي تتأفف:الله يهديك ياخالتي رجال وش كبره وتصرخين عليه
وقف سليمان وطلع بعد ما عطا جود نظره ارعبتها بس هالنظره عشقتها <<^_^
دينا قربت عن امها واخذت القهوه وصبت لجود وجود اخذت تشرب وهي سرحانه بالشخص اللي طلع برا
............
طلع الجد هو وعياله بسبب الصفقه اللي متفقين عليها مع واحد هنا بألمانيا وجواد بعد طلع يتمشى شوي اما ريان واحمد طلعوا بعد وهتان وصقر بعد طلعوا بمعنى اصح الشباب كلهم طلعوا
<<كان قلتي من زمان كذا ^_^
..............
سارة دخلت وهي تتأفف : اوووف
الجده: وش فيك
سارة تجلس: ابي ملاهي
ام سليمان: وش رايكم نطلع للحديقه الـ(........) ونغير جو
العمه: ايه يمه وش رايك
الجده: والله ماعندي مانع
ام جواد توقف: اجل بتصل ع الخدم يجهزون لنا الاغراض
دينا: وااااي بنطلع اخييرا من هالكتمه
جنان تبتسم: من جد مابغوا يطلعونا
ربى: ها بنات اليوم لازم نحلل حق امس كله
لينا: صحيح ها جود وش تلبسن
جود : موب رايحيه
ربى: لا عاد
جود: جد مالي خلق لشي
جنان: جودي بلا هبال عاد
جود :...........
دينا: اصلن مستحيل يخلونك لحالك كلهم طالعين مع مين تجلسين
جود: ادري بس ما ابي اروح بتصل ع دادي يجي عندي
لينا وقفت وقالت بجديه: صراحه انتي يا جود ما دري وش فيك من جينا هنا وانتي مو طبيعيه وتبين تروحين او ماتبين ماراح يتغير شي الروحه قايمه بك ولا بدونك ولا وزيااده دلعك الزاااايد
تركت جود ومشت تشوف اغراضها وهي جد معصبه من جود
جود تكلم الباقي: وانتوا يلا ألحقوها بعد
وقفت جنان ولا علقت ولحقت لينا
دينا: جود وش فيك
جود نزل راسها ودموعها تنزل : تعبانه شوي ويمكن مشتاقه لماما
ربى: بس موب لهدرجه مثل امس عطيتي جنان نظره تحكي صراحه<<امـآـآآآ تحكي
جود نزلت راسها وقالت بين سنونها: لا تجيبون سيرتها قدامي
دينا بستغراب: من جدك جود
جود مسكت راسها: مادري خلاص انسسسسي
وقفت وهي تعرج وتتألم وبعدها طـــاحت
................
ركضت دينا وربى لها والحريم بحكم بعدهم عنهم بس ناظروها وهي تطيح وقربوا عندها شافوها تبكي
العمة: شفيك يا جود
جود: ابي بابا
اتصلت الجده ع الجده وهي تبكي وتقولهم: تعال يا ابو محمد جود مب طبيعيه اخاف سليمان يوم طيحها صار لها شي شفها طاحت مره ثانيه وتصيح وتبي ابوها
عصب الجد وسكر منها وهو يطلب من السواق يزيد السرعه بحكم انهم خلصوا الصفقه
..............
وصلوا كلهم وهم متجمعين عندها وهي للحين تبكي اول ماشافت ابوها ضمته وبكت بقوه : بابا ابي ارجع عند ماما الله يخليك ابي ارجع
ابو جود بخوف مسح ع شعرها: طيب حبيبتي هدي شوي
بقت بحضنه وهو يمسح عليها لما هدت ونام واثر الدمع بعيونها
ابو جود : وش صاااير
دينا: ماصار شي هي بس طاحت
ابو جود طالع بنته وباس راسها وهو يقول: يبه تراني بحجز لها
الجد: براحتك يا محمد بنتك وانت ادرى
ما استغربوا تصرف الجد لانه بالاصل يغلي محمد اكثر من عياله الباقين
............
البنات متجمعين في غرفه جنان
جنان: جود مادري شفيها
لينا: دلع والله انها دلوعه بزياده
ربى: حرام عليكم تخيلوا انكم مكانها
لينا: يعني ايش مكانها مثلها قصدك عشانها طاحت كل العالم تطيح مو بس هي
دينا : لا مو قصد ربى كذا يعني هي متعوده ع امها وانتوا تعرفونها ما تختلط مع الناس كثير واول مره تفارق امها هالكثر
جنان: دينا بلا مبالغه ترا ماصار لنا ثلاث ايام من جينا
ربى: بس حتى لو انتوا ماتعرفون جود كثر ما انا اعرفها لو تفارق امها يوم واحد ماتقدر وشلون هالمده ويمكن الطيحه اثرت فيها
دينا بتفكير: طيب يمكن فيها شي ثاني
لينا: مثل ايش يعني مسحوره منضوله الله واكبر عاد
جنان سكتت ولا علقت
ربى: حرام والله انها تو بتموت من الصياح لما نامت وعمي بيحجز لها عشان ترجع وشكله بيرجع معها
لينا فتحت عيونها: من جدك
هزت راسها بالايجاب
جنان : لا خالي صراحه مدلعها زياده فوق دلعها
وبعدهها عم السكوت عليهم
..................
فارس بستغراب: إن شاءالله بس خالي كم مقعد
ابو جود: مقعدين بس خلهم درجه اولى الله يعافيك شف اقرب طياره إذا مافيه علمني اتدخل
فارس : لا انا بدبرها إنشاءالله
ابو جود: الله يوفقك يلا اجل ما اطول عليك مع السلامه
فارس: الله وياك
سكر وهو بقمه الغرابه من تصرف خاله وحول نظره لشباب اللي جالسين معه: اقول بروح للمطار من بيجي معي
ريان: وش عندك
فارس:خالي يبي حجز
احمد بستغراب:أي عم
فارس يوقف: خالي محمد ها من بيمشي معي
سليمان وثق: انا ابي اغير جو
فارس: اوكي يلا
.............
كانوا ع طريق المطار وهم مستغربين ليه يبي حجز
سليمان: اقطع يدي إذا موب عشان بنته هالبيبي
فارس : ايه يمكن بس وش عليك انت حاط راسك براسها قلتاها بيبي
سليمان: والله اني ما ادانيها وش ابي براسها انا بس تعرف كيف دايم اتورط لين شفتها
فارس ابتسم بهدوء: بالعكس احسها هاديه وناعمه
سليمان طالع بطرف عينه: سكر الموضوع بليز
فارس: ههههههه طيب شخبار اسيل
سليمان ابتسم لمجرد ذكرها له : ياحلو هالطاري
فارس ابتسم وقال بجديه: لازم توقف هالمهزله وتعلمهم يتقدمون لها
سليمان اللي نزل المرتبه ع ورا: اليوم في الليل بقول لهم
..................
|