عرض مشاركة واحدة
قديم 10-28-2011, 04:39 AM   #1
شيخة السعوديه
:+:هيبة ذهبي:+:


الصورة الرمزية شيخة السعوديه
شيخة السعوديه غير متواجد حالياً

بيانات اضافيه [ + ]
 رقم العضوية : 5776
 تاريخ التسجيل :  Oct 2011
 أخر زيارة : 02-28-2014 (03:18 AM)
 المشاركات : 1,042 [ + ]
 التقييم :  482
 الجنس ~
Female
 MMS ~
MMS ~
 اوسمتي
:: الحضور المميز :: :: حضور ملكي مميز :: :: تميز ذهبي :: 
لوني المفضل : Dimgray

اوسمتي

Manqool رواية : يمه احب واحدٍ لو دق كتفه بكتفي ما حس فيني



بـسم الله الرحمن الرحيم
السلام عليكم ورحمه الله و بركاته
الرواية : يمه أحب واحد(ن) لو دق كتفي بكتفه ما حس فيني
للكاتبة: جنى( jana)
تحكي عن الحب بـ شتى أحواله
................
بعد كتابتي لـرواية ( ادفن العبرات بتراب السكوت) أحسست بشعور كبير لخوض تجربه أخرى عنيفة أكثر من سابقها روايتي ( يمه أحب واحد(ن) لو دق كتفي بكتفه ما حس فيني ) سوف اجعلها عنيفة عجيبة تتخالط بالجراءة
و أوريـــد التمـيــز بـها....
تحكي عن حب(ن) عصف به التاريخ حب(ن) لـأمراءه مجنونة أحبت شخص بطريقتها المجنون وبجنون اكبر سارت في طريق الحب بغير راشد أو نصح أو حتى صوت صغير يخبرها عن مدى خطورة التجربة تحكي عن صخب وضجيج الحب بداخلها وغليان الغيرة بدمائها وعيونها العاشقه الناعسة .....


كُل(ن) للحب يعيش
يعيش بأوقاته الصعبة المرة
ويعيش بلحظاته الجميلة
التي ترسم على طول الزمن
الحب ..؟!
يسقط دمعة العشاق
لكنه ايضا ..؟!
يضمد الجراح ويشفيها
انه كالبحر كبير و بعطاءه الغير محدود
وهـو كـالماء ترتوي في حاله العطش
(جود) بطلتي التي سوف أعيش معها أحلام شاسعة غريبة مجنونه حزني فرحي دموعي آلامي و بتأكيد جنوني

سوف تجدونها بداخل بطلتي ( جود)
هـي جـوهرة عاشت حزينة وابتلعها اليوم حــوت
عاشت الماضي حزين وحزنها الحاضر سنين
طبعها مثل الملاك وطعمها سكر و تـــــــوت
فقط لو تمشي يسار فحظها يمشي يمــــــين
عكس ما تريد ما تتمنى يأتيتها
.............
البــــارت الاول
صحت من نومها ع صوت التلفون تثاوبت بدلعها المعتاد ظغطت ع الزر: ههممم
وصلها صوتها الكبير اللي يبين فيه مقامها المخملي: صباح الخير
جود ولسى باقي فيها النوم: صباحك نور ماما
ام جود: يلا اصحي الساعه 7 تمام
جود بدلع وصات ناعس من النوم: مااااااماااا بدري
ام جود: جود يلا الفطور جاهز
......
صحت بعد ما خربت امها عليها احلـى نوم حركت عيونها بيدها بطريقه طفولي وبدلع طفولي اتجهت لدوره المياه اللي بجناحها الواسع واخذت لها شور دافي لبست بنطلون برمودا ماسك مره وتيشرت توب لونه احمر دمي ومشطت شعرها رفعته فرس بطريقه مجنونة وهي تلبس التشوزي االاحمر الناعم وحطت لها فقط روج احمر باست مرايتها وهي تقول: فدييت جودي محد قدها
ضحكت بغنجها وهي تطلع وتغني بصوتها الناعم بطريقه ملفته نزلت من الدرج برغم من وجود اللفت الا انها حبت تستعمل الدرج نزلت بنعومه ووصلت لغرفه وااااسعه اللي هي غرفه الطعام كبيره تتسع لاكثر من عشرين شخص او اكثر بزياده ابتسمت وهي تقول صباااح الخير مامي
ام جود: صباح النور
جلست جنب امها وهي تطالع الخدامة: وين قهوتي
ام جود: انتي لازم كل صباح قهوه راح تزيد سمارك
جود بدلع: مااااامي انا احبببب القهوه ولو يوم ماشربتها ماعرف وش يصير فيني
ام جود وهي تشرب الكافي بهدوء: بكيفك بس انا حذرتك
اخذت تحتسي قهوتها المفضلة وهي تقول: ماما وين رايحين اليوم
ام جود: عمانك مسوين عزيمه كبييره
جود عقدت حواجبها: وش عندهم
ام جود: مادري عنهم اسأليهم بس بتروحين ولا كيف
جود : امممم انتي وين بتروحين
ام جود: عندي حفله ببيت صديقتي وابوك اتصل وقال لازم تجين
جود وقفت بعد ما شربت قدر كبير من القهوه: اوك بروح لداااادي من زمان ماشفته
ام جود: بكيفك
جود بتطلع: اوك مام بروح اشوف شو بلبس
ام جود: خذي راحتك
باست امها وهي تعاود الصعود لجناحها
.........
ام جود امل( انسانه تحب بنتها جمالها يحكي برغم من كبر سنها الا انها مازالت جميله بما تعنيه الكلمة مدلعه جود لابعد حد لو تبي عيونها اعطتها ايها منفصله عن ابو جود والسبب ان حياتهم ما مشت صح من الاول جابت منه جود ومن بعدها انفصلوا )
جود( ع 19 تحب امها وهي دلوعتها لانها الوحيده لها و جود اخذت من امها الجمال المغري شعرها لونه ككاوي مقصص بطريقه غريبه ملفته درجات كثير وناعم ع تموج كانت بشرتها برنزيه بشكل ملفت و جميل ذات جسم غزالي جميل جدا عيونها رصاصيه وناعسه بشكل واضح ومعطيها حلاوه زياده رموشها كثيفه خشمها طويله كـ السيف وشفتها التوتيه الصغنون زادتها نعومه وطفولة جود انسانه همها نفسها وامها وابوها ما تحب تختلط كثير مع الناس مشكلتها انح بت حبت بجنون وتحب الشي ملكها لوحدها غيرتها ع ممتلكتها غيره غير طبيعيه تصرفاتها تقريبا جنونيه )


...........
بعد ما اعلن المؤذن اذان العشاء في جناح جود
جود بصراخ: وييييييييييينه يعني
الخدامه: ما عرف والله
جود طلعت معصبه لجناح امها اللي يبعد عنها كم خطوه فتحت الباب شافت امها تتبخر وتستعد
جود بدلع وعصبيه: مااااما شوفي خدااماتك الحميير ضيعوا لي فساااني الاورنج
ام جود: طيب البسي لك غيره الله واكبر عاد
جود بعناد: ما ابي ابي الللبسسسه بليييز مامي خلوهم يدووورونه
ام جود اتصل ع الخدامات اللي جو منهم 5 فقط والثنين ماجوا
ام جود: انا قلت كلكم مو نصكم
الخدامه 1: بس هم في مطبخ سوي شغل
ام جود: الله ياخذكم من خدم واللحين تدورون لي فستان جود الاورنج بسرعه اششوف
هزو روسهم بخوف وانتشروا في غرفه الملابس الوااسعة وجود ابتسمت وباست امها: تسسسسلمين قلبو ويلا بطلع اجهز
ام جود ضحكت ع هبال بنتها وكملت مكياجها
.........
جالسه تحط لمساتها الاخيره بعد ما لقوا الخدم لبسها بطقاق اللي عباره عن فستان اورنج مرسوم ع جسمها لين تحت الركبه بشوي كمه كت وعليه حزام جلد لونه احمر صارخ وكان شكله بجد روعه لبست كعب صغنون احمر صارخ بنفس الدرجه ومانست روجها الاحمر الصارخ وحطت كحل اسود فقط هذا هي بطبيعتها ماتحب كثر المكياج شعرها تركته ع طبيعته مفتوح لانه يوصل لتحت كتفها وصاير حلو طوله ابتسمت وهي تشيل شنطتها الحمراء وتقول: ويااي جد انني اخقق
ضحكت بغنج وهي تروح لأمها
..........
جود بفرح تدور: ها مامي نااااااايس
ام جود بثقه: اكيييد ع امك يااروح امك انتي
باستها جود وطبع ع خد امها احمر
ام جود: ههههههه وش سويتي
جود تضحك بطفوله ودلع: فدااااني
ام جود بفرح وابتسامه: صدقتي فداك كلي لو تبين يلا عششان اوصلك
جود ابتسمت وهي فرحانه وطلعت مع امها عشان توصلها لـ جدها
.............
وصلت بعد ما ودعت امها وقالت لها إذا خلصت تتصل عليها دخلت القصر اللي اكبر من قصرهم بكثير قصر الجد شافت الخدامه واعطتها عبايتها واتجهت للمرايه تعدل نفسها ابتسمت برضاء ع شكلها ومسكت العطر وتعطرت ومشت تكمل طريقها وصلت لغرفه الجلوس الكبيرة مره
ابتسمت برقه ونعومه وهي تشوف عمانها وعماتها وبناتهم وعيالهم وابوها وجدها وجدتها
وقف ابوها وهو يقول: حيا الله هالزين
توجهت االانظار كلها لها والشباب شوي وياكلونها من نظراتهم ماهتمت سوت لهم طااف وركضت لحضن ابوها: داااااادي اشتقتلك موووت
باسها ابوها وهو مشتاق لبنته: والله انا اكثر
واتجهت تسلم ع عمانها وعمتها الوحيده وجدتها وجدها وبعدها القت نظره ع الشباب وقالت بنعومتها: هلا
الكل باصوات المتفواته: هلا اهلين مرحبا ووالخ
تركتهم واتجهت للبنات اللي بالغرفه الثانيه بحكم انهم بنات وسوالفهم خاااصه<<اخ منهم بس ^_^ طالعه منها انا ^_^
ابتسمت وهي تقول بصوت عالي: هااااي صبايا
كلهم ابتسموا وتبادلوا السلام والسوالف والفله
............
الجد( ابو محمد ) (رجل هيبته باقيه يحب عياله واحفادهم بس ماعنده الا جد كلش جد عنده وكلمته ان انطويت ياويلك منه وعنده قانون ان البنت لولد عمها ولا عمتها والعكس برضو صحيح وبرغم من هذا كله يحب ولده البكر محمد لدرجه انه ما يقدر يقوله لا او يدخل بخصوصياته مثل الباقي<<ما يمزح هالشايب هع )
الجده( برغم من كبرها الا انها باقي لها هيبه وباين طبقتها المخمليه تحب عيالها واحفادهم وبنتها وتتمنى لهم الخير بس تخاف من ابو محمد كثير حبوبه وتحب جود وترحمها لان ابوها منفصل عن امها<<لبها هالعجيز حبيتها ^_^)
محمد "ابو جود"( انسان غني بسبب ابوه طبعا انفصل عن ام جود ولا تزوج بعدها وابوه مخليه ع راحته يحب بنته ومدلعها واللي تبيه تحصله لا من امها ولا من ابوها )
فهد( ابو سليمان) ( انسان حبوب ويحب العايله كلها بس وقت الجد جد ويعصب بسرعه(مايلعب نفس الشايب هع)
ام سليمان( انسانه صارمه مع عيالها تبي تتطلع عيالها عبااقره او بمعنى اصح شهادات تبيهم كلهم معهم شاده تحكي <<كيف تحكي لا اعلم <^_^
سليمان اكبر ولد بالعايلة كلها ع 29 مسافر بالخارج يدرس الماجستير بحكم انه أمه تبي شهادة والكل أيدها بالكلمة هذي ومن تقريبا 10 سنين وهو يدرس برا و يجي قليل للسعودية ما راح أقول عنه شي خلوه لما يجي له دور بس بقول فقط انه اكبر مزاجي بالدنيا
بعد سليمان ريان ع 22 يدرس بالرياض مع أن أمه رافضه هالشي بس هو قال انا بشتغل مع الوالد ولا أبي دراسة وباالاصل وجه مو وجه دراسه حبوب مرح وضحوكي
التؤام لينا ودينا ع 18 تخصصهم علمي نسخه من بعض اللهم ان لينا ابيض من دينا بشوي مشاكسات ومره مسوين جو بالعايله
اصغرهم ودلوع امه وابوه ودلوع الجد لانه ع اسمه صقر ع 16 توه اولى ثانوي طبعه مثل اخوه ريان يحب الهبال وعششششششششششقه وجنونه سياره تشوفه كل يوم كاشخ بسياره جديده
العم الاخير اللي هو بندر( ابو جواد) ( انسان هادي ما يحب المشاكل ولا يدخل عصه بشي ما يخصه بس تقدر أنه عصبي شوي)
ام جواد: انسانه حبوبه وتحب الكل وخصوصا ام زوجها وعيالها وبناتها
جواد ع 25 انسان تقريبا انطوائي كتوم يشتغل دكتور اطفال ماحب يشتغل بالشركه مثل ما الاكل مسوي اول ماتتخرج يصير في شركه الجد لا عنده طموح كبيره من يومه صغير وهذا هو حققها وصار دكتور اطفال
بعده احمد ع 24 مرح ويحب المزح صديقه وروحه ريان برغم الفرق اللي بينهم مثل ريان بس يحب ريان بدرجه واضحه تقدر تقول روحين بجسد واحد وطبع مرح مثل ريان ^_^
ربى ع 20 تحب جود وتفهمها برغم ان علاقتهم حلوه بس جود كتومه في بعض الاحيان و ربى بعد نفس الشي تقدرون تقولون ان ربى صديقه لـ جود
بعدها يجي هتان ع 16 مع صقر دايم مسنتر عندهم ع الدوام واغلب وقته نايم عندهم هادئ بس لين اجتمع ويا صقر نسى شي اسسمه هدوء
اصغر العنقود الدلوعه سارة ع 6 سنوات وهي محبوبة الكل خصوصا ريان و ربى و جود
اخر شي العمه( نوف) ( انسانه هاديه ملامحها تدل ع الليونه والمسالمه قلبها طيب زوجها متوفي وتعيش في فله ملاصق لـ ابوها عندها بس ولد وبنت)
فارس ع 27 مسافر مع سليمان يدرس برا وهو وسليمان مع بعض دايم واسرارهم عند بعض
جنان ع 21 انسانه هاديه حالمه برغم من تصرفتها اللي تقهر بس حبوبه جالسه بالبيت ولا تبي تكمل دارستها
.................
عند البنات
دينا تهز خصرها : بناااات ابي ارقص
لينا توقف مع اختها: تعييييييش دينا تعيش
جود: الله يخلف ع هالعقل
لينا بطرف عينها: وش قصدقك انا ولا ديون
دينا: وش ديونه الله ياخذك احلى دنوووو
جود: ياارب رحمتك تلف ع جنان وتقول: وشلون عااايشه كل يوم بمقابل وجهم
جنان تضحك: انا ارحمهم وارحم اهبالهم واجلس معهم لا يصير فيهم شي
تلف جود ع ربى:وانتي ياربى كيف مقابلتهم كل يوم
ربى: لا انا وش اقابل مجناين اشوفهم مثلك بالاسبوع مره
دينا تتخصر: اقول دينا موب كنهم سبونا
لينا تهاوش اختها: ثوره انتي توك تلاحظين
جود: ههههههه الله يرجكم بس
جلست دينا وهي تتربع وتقول بملل: اعنبوكم اللي يعرفنا يقول هذولا اكيد اللحين في شاليه ولا مدينه غريبه ولا حتى جزيره
لينا تجلس جنب اختها: من جد ليه ما نقول لجدنا يمشينا دام بدينا بنص الاجازه حرام بنجلس كذا طفش بالاجازه
جنان: انا سمعت اننا مخططين ع إيطاليا
جود بستغراب لانها ما تسافر معهم : ليه طيب
ربى: كالعاده إيطاليا بنجلس فيها شهرين عشان سليمان وفارس هناك
جود: ماقدر سافرت معكم انا دايم مع امي
دينا: ايه صح
لينا: يعني ماقد شفتي سليمان صووح
تحاول تعصر مخها عشان تتذكره: لا اخبره من عشر سنين يعني يوم عمري 10 سنوات ما نيب ذاكره
جنان: هههههههه عاد انتي يلا تذكرين وش صار قبل دقيقه
جود تضحك: هههههههه لا شدعوى عاد
ربى: اجل روحي معنا هالسنه بليييييييييز جودي
جود تفكر: والله مادري ما ظن ماما توافق ولو وافقت ماقدر اتركها لحالها
دينا: جود اللي يشوف يقول امك تعبانه ماتقدر تمشي
جود تضحك: حتى لو ماااقدرش
شوي ودخل عليهم صقر وهتان وهم شاقين الضحكه من ذا لين ذا
جود تضحك وتقول بثقل : هلا والله بالغالين وينكم
صقر يضحك: انتي اللي وينك اجازه مفروض نشوفك كل يوم مو كل اسبوع
هتان: من جد ليه ما تجين ياخي
جود تتخصر: ياخي شايفني واحد من ربعك
صقر يطالعها وبستهبال: ايه صادقه هالقمر تقول عنه ياخي
ضربته ربى وهي تقول: بلا هبال وش عندكم جايين بالعاده مانشوفكم الا اللليل ولا بكره الصباح
هتان رفع حواجبه بهبال: سبرااايز ياخي
صقر: هتان وش فيك معلق ع ياخي
هتان يطالع بتعجب: مادري ياخي
الكل: هههههههههه
صقر: اقول يلا بس اطلعوا شوفو المفاجاءه عند الباب
طلعوا كلهم من زود اللقافه وشويات حماااس شافوا الكل عند الباب متجمع
الجد يضحك: صقر من له هالسيارة
صقر وهو يعلي صوته: لي يااا يبا لا يكون ماعجبتك بس
ابوجود يضحك وهو يكلم ابو سليمان ( ابو صقر) : والله ولدك موب سهل بانوراما مره وحده
ام سليمان تطالع ولدها: مشاااء الله وانت ماتخذ شوري ع طول تشتري اللي تبي لا وبعد توه بزر
صقر مد بوزه وقال بدلع: ماااامي
ام سليمان تحذره: بكيفك هالمره بس لا تسوقها لا انت ولا هتان خل السواق يسوقها تفهمون
طالعوا هتان وصقر ببعض وهم يقولون ببتسامه: إنشاءالله
دخلوا الحريم والرجال والجد
الجده تكلم صقر: صقر ياااويلك لو شفتك تسوقها اصبر سنه وزياده وسق
صقر بطفش: ابشري يمه
دخلت الجده بعد ما حذرته هو وهتان تعرفهم يسوونها
........
ريان يضرب صقر ع كتفه: والله انك موب سهل
صقر رفع حاجب: اجل وش تحسب اخوك
ريان : المهم باخذها يوم بكشخ فيها
صقر رفع خشته عليهم: ايه تحلم انت
جواد يبتسم بجاذبيه: والله انك شي ياصقر بانوراما مره وحده انا اللي هو جواد ماشريتها تجي انت النتفه تشتريها اجل بكره بطلع لي سياره
هتان: هههههه قلت له اشتر همر مارضى
جود تحمست معهم : ايه صقور كان اخذت همر اسود اكشخ معك فيه
لف عليها ريان وهو يقول: ليه تحبين الهمر
جود بحماس طفولي وبدلع قالت: ماما مواعدتني بـ همر وااااااااي
ربى: جد جود
جود هزت راسها بحماس: اييييه تخيلي تقولي إذا نزلت النتايج وجبتي اوكي لك مني همر واسود بعد
دينا: يااااي فله بقول لدااادي يجيبلي
طالعهم ريان: اقول اهجدوا اللي يشوفكم يقول بتسوقون
جواد اللي ابتسم ودخل
احمد : هههههه من جد صادق ريان اللي يشوفكم يقول بتسوقونها
جنان بهدوء: مو نسوق بس يعني نفرح فيها
ربى: صح كلام جنان
صقر طالعهم: اقول بطلع انا وهتان تبون شي
لينا بتوسل: دووووره بالسيااره بلييييييييز صقوري
هتان: يلا امششوا
صقر يطالعه: شف السياره لي مولك تتحكم
هتان يضحك: ياخي انا وانت وااحد
صقر والبنات ضحكوا ع يا خي: هههههههههههه
جود: شفيك ماسكه معك ياخي ذي
ريان:يلا انا بسوقها ياا اخي العزيز
ركبوا البنات ولف بهم ريان لفه مع احمد وجاب لهم ايس كريم ورجعهم <<يعرف يلعب ع البنات ^_^
.........
بعد ماكلوا الايس كريم جلسوا كلهم بهدوء يسمعون نقاش الاكبار
العمه نوره: انا اقول نروح لإيطاليا لاني ابي اشوف فارس ومنها نستانس
الجده: صادقه نوره
ابو سليمان طالع ابوه: ها يبه وش قلت
الجد: والله انا لي شغل بإطاليا ومن هالناحيه موافق
ابوجواد: بس اني موب ماشي معكم
ام جواد: ليه يا ابو جواد نروح معهم احسن لنا
ابو جواد عطها نظرها وسكتت
الجد: وليه يا بندر
ابو جواد: بروح لصين اجيب البضاعه وعندي اشغال ماخلصتها
ربى طالعة بالبنات يعني هي موب رايحه : وانا ابي اروح معهم
ابو جواد: يصير خير
ابو جود: خلاص اجل بروح كلنا
الجده تلف ع جود ببتسامه: وجود هالسنه بتروح معنا
جود قالت بحزن: ودي بس ماما
الجده بعصبيه: لا يكوون تمنعك <<تعرف تعصب اكششخ
جود تبرر: لا لا بس ما ابي اخليها لحالها
طالع بعيونها الناعسه وهو يبتسم بهدوء لتفكيرها
الجد: فيك الخير يابنت محمد خلاص قولي لها
جود ببتسامه : انشاءالله
...........
ع الساعه 1:00
ام جود: يلا جود يمه انا عند الباب
جود: اوكي مام انا جاايه
وقفت جود وسلمت ع الكل وع ابوها
ابوجود: إن شاءالله بتسافرين معنا هالسنه
جود: إنشاءالله
باست ابوها وهي تودعه وتتجه للبنات ضمت ربى وهي تهمس لها: بتوحشييييييني
ربى: ههههههه اقول طسي الاسبوع الجاي بشوفك
جود بدلع: واااي طسي
دينا: هههههه ربيه خلي جود حساسه البنت
جود بدلع : يس سي يو قيرز
..........
وصلت لباب وهي تلبس عبايتها قابلت ساره الصغنونه باستها وهي تقول: وين كنتي كنت ادورك سوسو
سارة بدلع: ريااان جاب لي حلاوه
دخل ريان هالوقت ومعه احمد وجواد
ريان: بتطلعين
جود: ايه يلا سي يو
جواد: لحظه
لفت بتعجب: هلا
جواد: بتسافرين معنا
جود تفكر: مادري يمكن مو اكيد
ريان ببتسامه: سافري تراها مره فله
جود حطت يدها عند فمها وبكذا زاد شكلها طفوله : ماعرف يلا سي يو
طلعت وخلته يصارع جنونه فيها
............
بجناح امها
جود : ماما إذا انتي موافقه بروح
ام جود: بكيفك ياماما انا بروح عند امي وانتي براحتك اللي تبينه سويه
جود بحيره: اوكي يلا تصبحين ع خير
باست امها وراحت تكلم ربى وتبشرها انها بتروح معهم
.............
باليوم الثاني جود وامها طلعوا السوق يتمشون شوي ومعاهم خدامتين وراهم
ام جود تجلس ع الكرسي اللي بالكوفي: خلاص يا جود تعبت
جود: ماما وش تقولين باقي ماخلصت تعرفين إيطاليا اللحين برد موووت
ام جود بحنان: طيب يلا نكمل يابعد الدنيا انتي
ابتسمت جود وراحت تكمل تسوقها هي وامها جود ما تتغطى بس حجاب ولا تحط بوجها مكياج بس مازال الجمال طاغي عليها امها بعد ما تتغطاء
.... : جوود
لفت ع صاحب الصوت هي وامها
جود ببتسامه هاديه: هلا ريان هلا احمد
ابتسم لها ولامها وهو يقول: اهلين كيفك
جود: بخير الحمدلله
ريان ابتسم لامها: هلا خالتو كيفك
ام جود بهدوء: الحمدلله بخير وانت كيفك
ريان : بخير الحمدلله
احمد اللي توه يتكلم: وش عندكم بالسوق هالوقت
ام جود تطالع جود : والله جود الا وتشترين لها ملابس عشان السفر ومن الظهر وانا هنا
جود بدلع: مااااااااامي
ريان واحمد: ههههههههههه
ريان: اجل نفس اللي معنا من الظهر وكله عشان السفر
جود بفرح: جد البنات هنا
احمد بنذاله: لا توهم طالعين مو مثلك مابقى شي ماشريتيه
ريان طالع الخدامتين اللي ايدهم مليانه ملي ملي : ايه والله
ام جود تتنهد: وش اسوي لها مابقى شي ماتبيه
جود تضحك: ماااااما حرام والله انا كل شي ابيه
هزت ام جود راسها بالاثبات
ريا بنذاله: لا لا يا ام جود لازم تعاملينها بصرامه شوي اللينه موب في كل شي لو خليتيها كذا خطر تاخذ السوق بكبره
جود اللي مدت بوزها ولفت للجه الثانية
ام جود تضحك: مشكلتي مايهون علي بنتي تناظر شي وما اجيبه ولو تاشر انا اجيبه لها
جود ضمت امها : ويلمووني بالغالية
ريان واحمد ودعوهم ع امل اللقاء بهم بعد ثلاث ايام عشان السفر وام جود اللي جلست توصيهم ع بنتها لما يسافرون ويعلمون ابوها ينتبه لها وياكلها وجود تقول انها مو بيبي وريان واحمد ميتين ضحك ع جانب جود الطفولي
........


 
 توقيع : شيخة السعوديه

ســبــحـان الـلـه وبـحـمـده ~~~ سـبـحـان الـلـه الـعـظـيـم


رد مع اقتباس