البــــارت الثالث
جالسة لحالها وتشرب الكوفي بـ حديقه بيتهم مو مهتمه بـكثر الخدم اللي حواليها وحاسه انها فاقد شي كبـيـر ما عندها غير عمها الوحيد اللي متى تشوفه وامها اللي تزوجت وسافرت مع زوجها و ابوها اللي تعبان مايقدر يتحرك من فراشه وقفت وهي تاخذ التلفون : هلا عمي
عمها:هلا اسيل
اسيل: شخبارك
عمها: بخير وانتي وش اخبارك وش مسويه
اسيل تتنهد: بخير عاايشين
عمها: الحمد لله ابي اشوفك بعد ساعه موضوع مهم
اسيل: حياك عمي البيت بيتك
سكرت منه وهي متوتره عارفه عمها وش يبي منها وهي عارف ردها خلاص ملت من وعد كاذب
...........
عند سليمان اللي جالس لحاله بداخل الكوفي نفسه كان تفكيره كلـه عند اسـيل جاه مسج وع طول فتحه كان من اسيل ومضمونه
( عمي اللحين جاي ويبي يشاورني ع الرجال اللي جايني وبعد موافقتي بيتم كل شي رسمي انا اسفه بس انتظاري طال وانت ما تحركت سامحني بس انا موافقه )
ما قدر يرد عليها ما يقدر يعلق البنت ع امل مقطوع او يزرع فيها امل كاذب احتار يرد عليها ويعلمها باللي صار بس لا ما يقدر يجرح حبيبته بنفسه وكـافي اللي هي فيه من حزن و وحده وجروح منه ووعود كــاذبة
...................
جود اللي صحت من زمان وتغدت مع ابوها اللي عرف بموضوع الخطيب السابق وحب يفتح الموضوع لبنته وهي اللي تختار بين سليمان و الرجال الثاني وراح يحترم رايها حتى لو يوقف ضد ابوه
ابو جود: يا بنتي انتي كبرتي والبنت لين كبرت وصارت بنت ناس ولها سمعتها الطيبه يكثرون خطابها وانتي جااينك اثنين ماهب واحد وابيك تختارين منهم مو مسأله هذا تعرفينه وهذا لا توافقين وافقي ع اللي تبينه وامك اكيد تعرف بالسالفة انا كلمت اختي وقلت لها تقولها
جود بتوتر: يبا و النهاية
ابو جود بهدوء: ولد الـ......... و ولد عمك سليمان خطبوك وهم شارينك ولك شهر تفكرين بس اول اختاري واحد منهم وترى يابنتي الزواج ماهب لعبه تبينه اليوم وترفضينه بكره الزواج بيعلقك فيه طول العمر يا بنتي فكري ليومين و شوفي من يناسبك ولد عمك ولا ولد الغريب وانا اقول ولد عمك اولى من الغريب
وقف ومسح ع راس بنته وقال بحنان: والله و كبرتي يا جود
طلع بعد ما قال لها تفكر زين طلع وتركها بدوامه لا تنتهي من التسألات والحيره احبته اليوم وغدا يأتي لخطبتها يا تـرى أي قصه هي قصه حبك يـا جـود .؟!
............
ام جود تصرخ: لا يمه مستحيل اوافق ع ولدها تبيني ازوج بنتي ولدها لالا
الجده: قصري صوتك يا بنتي وش ترفضين بنت عمها وتبدين الغريب
ام جود: ايه والله الغريب اولى من هالولد تبين بنتي ترجع لي مطلقه مثلي لا يا يمه ما أرضها ع بنتي
الجده بصرامه : اسمعيني زين انت ماتصرين لـ بو جود شي بس جود بتاخذ ولد عمها ما به شي وولد عمها اولى طيعيني يا بنتي ووافقي ع ولد عمها ازين من انها تاخذ الغريب
جلست ام جود وهي محتاره وخايفه ع القرار اللي بتتخذه لمصير بنتها: مادري يمه خااايفه ازوجها ولد عمها ويصير زي عمه و يطلقها وخايفه ازوجها الغريب و مايصير كفو لبنتي
تنهدت الجده وهي تقول: القرار يا امل راجع لبنتك خليها هي اللي تختار وهي تعرف ولد عمها اكثر منك واكيد انها قد شافته شاوريها يا يمه وخليها ع راحتها
سكتت أم جود وهي محتـــارة بـ القرار اللي بـ تختاره
...............
جود اللي مازالت في دوامه كبيره وصدمه ( حبيبي الذي احببته بيوم فقط و يأتي هو بعد اسبوع ليقول بكل سهوله اريدك زوجه لي أي شعور يداهمني الان فرح خوف ربما فرح لا ينتهي) تمنت هالحظه تتصل ع ابوها وتقوله انها موافقة ع ولد عمها ما تقدر تصبر يومين تحس انها سنتين عندها ابتسمت ع هالتفكير وهي توقف وابتسامتها مرسومه ع شفتها التوتيه مشت بدلع وهي تغني بصوتها العذب الناعم لما وصلت الصاله : هاااايوووو
طالعوها كلهم بستغراب
الجده ببتسامه: اجلسي بس الله يهديك
جود قربت وباست جدتها: ابي قهوه
صبت لها جدتها وهي تقول: وش عنده ابوك
نزلت راسها بخجل وهي تقول: جده كنك ماتعرفين
ضحكت جدتها وهي تقول: الا بس ها وش رايك ولد عمك ولا الغريب
لفت جود ع امها وهي تقول: ماما شفيك ساكته
ام جود ببتسامه هاديه : افكر ببنتي وهي تكبر قدامي و بتتزوج ولا يبونها اثنين بعد
ضحكت جود بدلع وخجل: شرايك ماما انتي بولد عمي
الجده اللي ضحكت: يعني تبين ولد عمك
نزلت راسها وابتسمت بخجل
ام جود تضم بنتها: والله ما اخترتي الا الخير إنشاء الله
ولفت الجده ع بنتها وابتسمت ووقالت: عاد يا جود لا تقولين لهم الا بعد يومين ولا اسبوع نصير ثقل حتى لو هم اهلك
جود توقف بخجل: بكفيكم يلا بروح فوق
تركتهم بين ضحكاتهم ودعاويهم لها
........
اول ما دخلت جناحها رمت نفسها ع السرير وهي تقول : ياااااااااااه اخيرا انا وسليمان ههههههههه صدق اني مجنونه
وقفت واتجهت لدالوبها مابقى لبس ماطلعته تبي تلبس تبي تفرح وتبي تقول لناس كلها يا ناس تراااااا حبيبي خطبني الفرحه مو ساااايعتها بس فجاءه كذا وقفت وجلست وهي تقول: البنات ما اتصلوا يباركون اكييد جنانوه الغيوره وقفوا معها ههههههه اصلن ماهمني احد هههههه والله وفزت عليك بـ سليمان
ضحكت بضحكتها الجنونيه وهي فرحانه بجد راحت عند التلفون وضغطت زر: ماما ابي اروح السوق بليييييييييز
.................
تم اعــــلان الموافقه من جود وامها لـ ابو جود اللي قال لابوه ووانتشر خبر الموافقه
مــــــر اسبوع كـــامــل والفرحه بعيونها واضحه والبسمه ما تفارقها ابد وامها فرحت لها وجدتها ما سكتت من الدعاوي لها
وعند سليمان عكسها تمام كان كئييييييب لدرجه واضــحــة
عند ام سليمان جالسه وعندها بناتها و ولدها ريان كانوا جالسين عندها لانها متضايقه من ابوهم <<ما تمزح الحرمة
دينا بستغراب: يمه ابي اعرف وش اللي ما عجبك بالبنت
ام سليمان : مو مسأله ما عجبتني بالعكس بنت عمكم تستاهل وطيبه
فتحوا البنات عيونهم : بنت عمناااااااااا
ريان: لا بنت جدكم اجل مين ومن سنه نقول سليمان اخذ جود ويبيها موب قادر يصبر وانتوا تقولون بنت عمنااااا
لينا تجلس زين وتطالع امها: جد جد بنت عمي محمد جود ما غيرها
ام سليمان بستغراب :ايه وش فيكم اجل من تحسبونها
دينا بتوتر :ها لا ولا شي
وقفوا التؤام وطللعوا وسط استغرااب ريان وامهم
..........
فتحوا الباب بقوه وهم يلهثون
دينا: ربى جنان
لينا: ميييين خطيبه سليمان
ربى بستغراب: تستهبلون انتوا ووجهكم هذا وهو اخوكم
دينا: لا جد مين
جنان: هذي اسيل اللي قد قلتي عنها مادري عاد من بنته
جلست لينا بحماس قالت :لا جود بنت عمي محمد
ربى وجنان: ايييييييييش
دينا بحماس تحلف<<اتخيلها هع: وقسم بالله اننا ما نكذب تو امي تسولف والله اسألوا اللي تبون
جنان بقهر: يع من زينها وش شايف فيها سليمان
دينا بتذكير: جنان تراها بنت عمك
جنان: بس لو انها غريبه بقول معليش بس هي تعرف اني احبه وتوافق عليه
ربى: جنان بالعقل يعني بترفض وبيجيك
جنان بقهر واضح: بس انا اكبر منها واحق منها من سليمان
لينا: جنان بسم الله عليك وش فيك انقلبتي
جنان بعصبيه: ايه دااافعوا عنها مرت اخوكم الغالي
وقفت وطلعت وتركتهم بالصدمه
ربى بستغراب: لا ومرت اخوكم حطتها
دينا: جد جنانوه تخوف لين عصبت
لينا بستغراب: بس غريبه وش فيها
................
ام جود: ايه تقول لي ام محمد( جده جود ام ابوها )انهم اول مايرجعون بيصير كلش رسمي بيسون حفل للخطوبه وبعدها بشهر ملكه وعاد الزواج ماحددوه لما بعدين يصير خير
الجده: ايه الله يوفقهم ويتمم ع خير ياا حبيلها ام محمد توها مسكر مني وتسلم علي وتطمن ع جود
ام جود تبتسم :ايه اعرفها من جود صغيره وهي تغليها تعرفين بنت البكر
الجده: الله يعافيها والله اني احبها
ام جود: ايه الله يتمم ع خير
..............
فوق عند جود اللي تحتسي قهوتها المفضلة وهي تطالع فلم بندماج رن جوالها وشافت الاسم عقدت حواجبها بس ماهتمت : الو
ربى: هلا والله ببنت العم اللي راحت وقطعت
جود ببتسامه: يا هلا لا والله ما قطعت بس لو انك تبيني اتصلتي
ربى تضحك: والله انك ع البال
جود : ايه لو اني ع البال فيه جوال اتصلي
ربى تصرف: ههههه والله انشغلنا روجه وجيه تعرفين سفر
جود: اها المهم شخبارك واخبار البنات
ربى: الحمدلله بخير الا مبروك الخطبه الله يتمم ع خير
جود بفرح واضح من نبره صوتها: الله يبارك فيك اميين يارب
ربى : وش مسوويه في الرياض
جود: حلوه مااشي تنتظر رجعتكم
ربى: ايييه جود عندي لك خببر يسوا ملييييون
جود: والله وشو
ربى بهمس: خطييبك المصون بيرجع معنا و بيترك دراسته وكل ذا عششان الخطبه والملكه
جود بفرح: والله من جدك
ربى تعزز: هههههههه ايه والله اكشششخ يااا جود
جود بخجل: ربى
ربى: هههه المهم خذي دينا ولينا بيباركون لك
دينا: هلا والله بمرت اخوي
جود اللي اكتسى وجها باللون الاحمر :ههه وش مرت اخوك تونا
دينا:يا شيخها خلينا نستانس ها شخبارك واخبار امك
جود: الحمدلله كلنا بخير وانتي كيفك وكيف عمي والباقي
دينا تضحك: اعترفي مين تقصدين
جود ابتسمت وهي تقول: المهم عطيني لينا ابي اسلم عليها
دينا: عاااش مصرف خذيها بس
لينا: هلا جود
جود :اهلين كيفك
لينا: تمام ومبروك الله يتمم ع خير
جود: الله يبارك فيك امين
.........
جلست جنب ابوها وهي تقول: ها يبا اوافق
طالعته بحزن وهو ما يقدر يتكلم بس يهز براسه
باست راسه وهي تقول: الله يخليك لي وافقت بس شرطي يسكن عندي
ابتسم ابوها وهي اللي باست يده : الله لا يحرمني منك
حست بعيونه وهي تقول ولا منك يــا اسـيل
...........
مـــــر الشهر بســـرعه عند سليمان من الحزن والقهر
والعكس صحيح عند جود اللي مر عليها كنه دهــر من الفرحه اللي مو سايعتها من كبرها
وهم حددو كلش بيرجعون ويسون كلش رسمي
الجده اتصلت ع جود وحتى ام سليمان وعمتها وام جواد وعمانها وجدها اتصلوا وباركوا لها
وهذا اللي زاد من فرحتها انهوا مهتمين بالسالفه كثير مــر اليـــوم اللي بيرجعون فيه من سفرتهم
...................
وهذا هم في المطار مثل ماجو رجعوا بزياده نفر اللي هو سليمان
موقف مع فارس وهم يطالعون بعض
حط يده ع كتفه وقال :الله الله بنفسك
فارس اللي ابتسم:وانت بعد وسامحني ماقدر اجي حفل الخطوبه حقك
ضحك بستهزاء:لا تكفى لا تعزيني
فارس بجديه:سليمان فكر بجديه اسيل وتزوجت وتركتك وانت الرجال العاقل ما قدرت تتركها ولا وما تبي بنت عمك
سليمان نزل راسه:وش اسوي طيب
فارس:الله يهديك ارفع راسك بس
سليمان رفعه:والله ما اقدر انسى طيف اسيل
فارس بهدوء:اسمع نصيحتي يا سليمان انسى اسيل هنا مثل ما عرفتها واعرف بنت عمك هناك
.........
ضمه بقوه وهو يقول:لا تطول
فارس:اخذ الشهاده واجيييكم ولا تخاف عرسك بحضره
حاول يرسم ابتسامه: إن شاء الله
فارس: يلا رح وارضي العاايله
سليمان: ههههه ابشر يلا مع السسلامه
.......
ركبوا الطياره والكل تعبان وفي نفس الوقت فرحان ومتحمس
البنات كله متحمسين عشان الحفله بتصير بعد اسبوع ماعدا جنان اللي ما شاركتهم السوالف
جنان توقف: بروح دوره المياه
<<<البنات يسولفون
تركتهم وراحت وهي منقهره منهم دخلت دوره المياه فكت نقابها وهي تقول:والله لوريك يا جود
طلعت بعدها و هي تعدل نقابها وقابلها جواد
جواد: شعندك جنان
جنان بطفش: دوره المياه
جواد:اها اوكي طيب شفيك متضايقه
جنان تبتسم : متضاييقه اممم يمكن عشاانا بنرجع
جواد عطاها ظهره: تصدقين مثلي
وتركها ومشى وهي اللي كملت مشيها ومستغربه تصرفه
...............
وصلوا ولقوا بستقبالهم ابو جود اللي ابتسم اول ماشاف سليمان اول ما رجعوا الكل تفرق وراح بيته وعند الجد
الجده: ها يا ابو محمد الحفله بعد اسبوع
سليمان: موب كنه قريبه
الجد عطاها نظره: لا ماهب قريبه خلاص رح ارتاح لك شوي وبعدين اوريك الشركه وتشوف شغلك
وقف سليمان: إنشاءالله
الجده: عاد يا سليمان يا ويلك مني ان ضااايقت جود واللحين رح عندهم وسلم
سليمان: يمه الله يهديك انا اللحين تعبان وبنام وبكره يصير خير
الجده: المهم تروح تسسلم ع امها وجدتها
ودع جده وجدته وهو معصب ومتضايق من هـ اللي يصير
..........
انسـدح السرير وهو يتنفس هوا الرياض اللي من سنين عليه تنهد وهو تعبان من كل الجهات حضه سيئ اسيل اللي ارسلت له كرت زواجها اللي بعد اسبوع و حفله خطوبته بعد اسبوع ولا فارس صديق عمره
آآه مالك حض بالدنيا يا سليمان
..........
دينا ولينا بالغرفة
دينا بفرح: والله جود حبوبه وسليمان يستاهلها
لينا: بس جود دلوعه وبقوه بعد وعاد اخوك المصون يكره ابو الدلع كله
دينا: ايه بس لا تخافين اكيييد يحبها
لينا: يحبها يا دينا وهو يحب اسيل
دينا: لا بس يمكن شافها و اعجب فيها
لينا بتفكير وذكاء: فكري فيها يا دينا و المشكله اننتي تعرفين سالفه اسيل اكثر من غيرنا تشووفين اكييد امك وابوك وبعد جدك لهم دخل
لينا: بس جود فرحانه ومبين من صوتها
دينا: هي يمكن بس اخوك يا لينا
...............
اشرقت الشمس وهي بكامل فرحتها وابتسامتها ما فارقتها ابدا باست خد امها وجدتها وجلست: صبااحكم خير وبركه
الجده ببتسامه: صباحك خير يا بنتي
ام جود: هههه شفيك
جود: بابا اليوم بيجي عشان اروح بيت جدي
ام جود ببتسامه: اها كويس بس إذا بترجعين اتصلي علي وبنرجع البيت
الجده: ليه يا امل اجلسوا زياده والله انكم توسعون لي صدري
ام جود تبتسم لامها: تعرفين يمه جود يبي لها تجهز للحفله والحفله عندي وبروح اجيب لي اغراض وما راح اخلص
الجده: دامه كذا مايخالف وانتي يا جود عاد اثقلي شووي
جود ببتسامه: ابششري يلا سي يو بروح اللبس
.........
الليله مجتمعين كلهم ببيت الجد وجود كالعاده متأخره وتوها داخله دخلت ومرسومه على شفتها ابتسامه خجل سلمت ع الكل وجلست بين البنات واتجهت عيونها لنحايه اخرى تبحث عن عشيقها المجنون اين هو انزلت رائسها بحزن وهي لم تره
دينا: شو تدورين خطيبك
رفعت راسها وهي تبتسم بخجل: وينه
لينا: ههههههه جويد استحي
جود ببتسامه: اسأل بس
جنان بقهر: والله توه يقولون خطيبك موب زووووجك
جود طالعتها بكره وتوها بتتكلم لكن تعلقت عيونها ع اللي داخل لسـى ببتسامه هاديه غريبه بالبسه الـ المعروف ثوبه الابيض و شماغه الابيض وعقاله الاسود <<هع
رسمته بعقلها وعيونها الناعسه تتابعه يسلم على جده وجدته والاهل ويروح عند الشباب ولا يلتفت عليها وهي اللي معجبها اسلوبه وتتعود فيه هو وبروده<<جود ما تمزح
ابتسمت وهي توقف: بنات عن اذنكم
طالعوها وهي تمشي بنعومتها المعتاده ودلعها وتتجه لدوره المياه تشيك ع لبسها اللي عباره عن تنوره ضيقه لتحت ركبتها سودا وتشيرت ســاده لونه اخضر بدرجه حلوه وفوقه مجموعه سلاسل فوشيه وتجوزي فوشي ناعم مره وروجها الفوشي تعطرت وهي تبتسم ع انوثتها الطاغيه وترجع للبنات جلست وكملت سوالف وضحك ونظرات الكره والحقد تتشع من عيون جنان وجود لبعض والكل ملاحظ
جود ببتسامه غريبه: شفيك جنان ساكته
جنان ترفع حاجب: ابدا حاسه بشوي كتمه
جود تضحك: عاد بالعكس الجو حلو ولا بنات
ربى بتوتر تحاول تخفي هالجو المتوتر: ايه شرايكم نطلع نشم هواء بالحديقه
تلقي نظره سريعه عليه وتبتسم برجه وتقول: لا عااجبني الجو هنا
دينا: ههههه قولي عششان اخوي هنا
تحط رجل ع رجل وتقول: لا بس كذا عاجبني
توقف جنان : بطلع للحديقه
.........
بنفس الوقت عند الشباب جواد اللي جالس وهو ساك ولا شاركهم حديثهم اللي يدور حول الشركه وطريقه الشغل وكلن قد يخرج قليلا
سليمان يبتسم: تقدر تقول
ريان: تراك اخوي وامس ما شفتك وينك يالحبيب
سليمان: ياخي تونا جاين من سفر اكيد نمت
رفع حاجب: اييه وااضح قول رحت تسلم ع خطيبتك مافيها شي
سليمان : ههههه ياحبيلك يا احمد لا والله نمت
احمد يبتسم: شد حيلك واكششخ بعد كم يوم حفله خطوبيتك
سليمان: ايه الله يعين
رن جواله ووقف: عن اذنكم
.........
طلع للحديقه يكلم وبنفس الوقت اللي طلعت فيه جنان شافته وهو يكلم وانتظرته يخلص واتجهت له: مبروك يا سليمان
سليمان بستغراب : الله يبارك فيك وعقبالك
جنان : بسالك انت شكلك مغصوب ع هالزواج ماتوقعتك كذا عديم رجوله وتاخذ غير اسسسيل
تيبس بمكانه وهو مستغرب وش عرفها بـ اسيل وانه مغصوب قال وهو يطالعها : ما اظن لك دخل بمستقبلي يا بنت عمتي المصون
جنان اللي طنشت كلامه: لا بعد بياخذ جود ههههههه رافق شن الطبقه
تركته بقهره منها ومن اسلوبها وحب يقهرها قبل لا تروح: اقول يا بنت العمه ترا بنت عمي ابيها وشارينها وازيدك اموت انا فيها
وقفت شوي وبعدها تركته
...........
جلس ع حجر بالحديقه الكبيره وتنهد وهو يقول: ويييين تبيها وشااريها وبعد تموت فيها آآه ع حضك الشيين خلصت حفله الخطوبه وباقي زواجك بعد شهر والملكه بعد اسبوع
نزلت دمعه ومسحها وهو يقول: وييينك يا اسييل يا روح سليمان اكيد عند غيري بين حضنه وتبادله احسن حديث وانا هنا هااايم بالاحزان والقهر
.........
خلصت حفلتها اللي مليانه فرح واتجهت للغرفه تنام وهي مستاانسه اليوم كانت حفله خطبوتها وبعد اسبوع هي ملك لـ سليمان
أي زواج هذا او أي حب هذا بيوم وليه احبته وغدا تزوجته
ضحكت بجنون وهي تدور حول نفسسها برغم من انها ما شافته بس فرحاانه ان خطبوتها انتشرت وصار الكل يحكي فيها رمت نفسها ع السرير: مو مصصصدقه انا وحبيبي بعد اسبووووع ملك لبعض
ابتسمت بجنون وهي تعلي ع الاغنيه وترقص عليها وهي تضضحك
.............
حاول يتصل عليها بس جوالها مغلق وبس انتظر نص ساعه ووصله مسج: نعم بغيت شي
رد لها بمسج: ايه ابييييييييييك
طول الرد بس وصله رد: ريان افهم انا بنت ولي شرفي شو تبيني
ريان: بتصل والله مشتااق اسمع صوتك
دانه: رييييان انا مشغوله
ريان: بليز دانه
دانه: دقايق بس
ماوصلها رد بس اتصل وهو يقول: هلا
دانه: اهلين
ريان: كيفك يا روح ريان
دانه تضحك: هههههه العب علي بالكلمه اعرف اني بعد مليون وحده واعرف انك بعد مليون واحد
انتقهر منها ومن اسلوبها بس قال: شدعوه عاد طايح من عينك
دانه تضحك: هههههههه لا من قال
ريان يبتسم بالغصب: دندن ابي اششوفك بليز روحي
دانه: سوري انا مو لهدرجه رخيصه
ريان: داااانه
دانه: لبيه
ريان: بالمجمع طيب
دانه: اوكي اليوم رايحه المملكه اشوفك هناك بس لا تحلم اكلم كاو اقرب منك راح تشوفني شنطتي خضراء كبيره يلا سسي يو
سكرت منه وهو اللي منقهره منها مليون بنت كلم ولا شاف مثل عنادها واسلوبها اللي يقهره
...............
جنان: ماما طفشت
ام فارس: روحي لبيت خالك او ابوي
جنان بقهر: وع طفش
ام فارس ويه تقلب القناه: يعني توه يصير طفش
جنان: اييه يلا ماما بروح المملكه اتمشى بلييييييز
ام فارس طفشت من بتها ورحمتها: روحي وخذي معاك وحده من الخدم
جنان: اوكي يسسسسسلمو ماما
طلعت تلبس وتجهز عششان تروح للمملكه
..............
ربى: سوسو مالي خلق لك
ساره: تعالي بوريك شي
ربى: روحي لجواد احسسن لك
جواد االلي بيطلع ومستعجل: عندي موعد اللحين يلا باي
طلع وتركهم لوحدهم
ساره: يلا ربى شووفي جواد طلع
ربى وقفت وهي تاافف: اوف وش عندك
سارة تسحبها بقوه: تعااالي بسسسسسرعه
طلعتها برا الحديقه وقالت وهي تاشر لتحت: شوووفي
شافت عصفوره صغنونه ميته وقالت برحمه: يااعمري
ساره: ليه مايطيرر
ربى: لانه مات
ساره: ليه يعني انا بموت بعد
ضمتها ربى: بعد عمر طوويل
ساره: بس يرحم
وصلهم صوته: مين اللي يرحم
ربى: بسسم الله
هتان: شايفه جني انسه ربى
ساره: شوف هتان عفوره ( عصفوره) ميته
هتان:ايه الله يرحمه
ربى: ياا عديم الرحمه ادفنه طيب
هتان: ها سوسو ندفنه
ساره بستغراب: شو يعني ندفنه
هتان: نحفر له قبر يعني
ساره : ليه طيب
هتان : يالليل اقول قولي للخدامه ترميه برا انا طالع صقر ينتظرني
ربى: هتااان لحظه بروح معكم
هتان : اخلصي
ربى: يلا سوسو نروح عند ريان
تاشر ع العصفوره: والعفوره
ربى: بتنفدنه الخدامه يلا نروح
طالعته برحمه وهي تقول: يلا
............
دينا: يا حيا الله من جانا
ساره: انا ولا ربى
لينا: فديت هالسوسو روحي ادخلي ع ريان بالغرفه
ساره: رياااني هنا
ربى : مالت حطته ريانها
دينا: هههههه ايه طسي له
..................
راحت تركض وتفتح باب الغرفه: سوسو جت
يلف ويبتسم: يا هلا بروح ريان
تضمه وتقول: ابي بقاله
ريان يوقف: بس بروح السوق انا
سارة تنط: بروح معك
ريان يعض لسانه: نو نو انتي بيبي
سارة: بليييييز
ريان: ههههههه ونو نو روحي قولي لماما اول
ساره: مماما في البيت
ريان: جيتي ويا مين
سارة: ربى تحت
ريان يشيلها: يلا ننزل
...........
ساره: بلييييييييييييز
ربى: مالي خص
ريان: لا تخافين ربى هي معي
ربى: خلاص بس انتبه لها
ساره: احبك انا
ربى: ايه مو تو واكرهك واللحين احبك
ريان يضحك: احبك عششان نروح يلا باااي
طلعت ساره مع ريان وهي فرحانه
وكملوا البنات سهر وهبالهم
..............
عند جود اللي فرحانه حدها وهي تشتري لبس من هنا ومن هنا هي وامها
جود ترفع فستان ناعم: حلو
ام جود ببتسامه: ايه يمه حلو
جود : شرايك اخذه
ام جود: مادري عنك
جود: اوووف يحير
ام جود تضحك: يلا بروح للكوفي اللي فوق شوفي وش تبين وتعالي
جود: اوكي
تركتها امها وراحت جود تحاسب ع اللبس اللي اخذته وهي بتطلع شافته وهو يمشي مع واحد وهو يبتسم طالعته بعيونها الناعسه الجذابه ابتسمت بداخلها وهي تسحب كيس من عند الخدامه والخدامه مستغربه مشت وهي ترفع الجوال وتكلم وتمشي بسسسرعه وبيدها الكيس وفجآأإآءه
طـأآإأآخ <<<لا كف ولا طيحه هع
طااح الكيس والجوال وتناثر جوالها لانها كانت بتصقع في سليمان وهذا كله تمثيل وخدامتها مستغربه اقوىـآأإأآ شي
الرجال: سلاماتك
سليمان طالعها بستغراب ورفع اجزاء الجوال وهي اللي ارتفع بصرها وشهقت بتمثيل: سليمان
عقد حواجبه : جود
جود وقفت بربكه وهي تنزل عينها الناعسه المكحله: اناا امممم
حس الرجال بان وجوده غلط وقال: سليمان إذا خلصت انا عند الكوفي
ترك سليمان وجود لوحدهم
طالع بعيونها الناعسه وقال: جاايه مع مين
فرحت وقالت بخجل: مع ماما
لف يدور: ما شوف احد
جود: فوق عند الكوفي
مد يده واعطاها الجوال: انتبهي وانتي تمشين وجوالك يودعك
ابتسمت بداخلها وهي تقول بخجل واضح وعيونها تشع بالحب: عادي غيره كثير
ابتسم ابتسامه هاديه وانجذبت زود عليه: يلا بوصلك لخالتي
ابتسمت ونزلت راسها: سوري تعبتك
ابتسم وهو يرفع الكيس ويمشي وهي تمشي وراها والخدامه تلحقهم بستغراب
..........
وصلها عند امها وهي شوي وتطير من الفرحه ودعهم بعد ما سلم عليهم
ام جود: مشاءالله شلون عرفك
جود علمت امها بالسالفه وانها كانت بتطيح وطبعا ماقالت انه تمثيل<<<هع
ام جود: يا بعد الدنيا بسم الله عليك زين انه موجود
جود بفرح: ههههه ايه الحمدلله
|