|
اعرف صديقك
ّ اعرف صديقك ّ اعرف صديقك واحذره الف مره ***** واحذر عدوك لا يحصل مداخيل
ترى الكلام اللي يسبب مضره ***** يفرح به اللي ينقل القال والقيل
ماكل من تجزيه يكفيك شره ****** بعض الصداقه ما وراها محاصيل
تراه مايسقيك مثقال ذره****** بعض الرجال ازوال ماهم رجاجيل
الحاجه اللي في يد الغير مره *****يا شينها لوهي تجي باالتساهيل
كم واحد ظنه بغيره يغره***** غره حسابه بالليال المقابيل
مافيهم اللي في محله يمره***** يرميه وقته للقلوب المغاليل
غروه ناس بالقسا ماتسره ****يوم النتايج طلعتها التحاليل
جلد ما هو جلده على الشوك جره ****وعزي لمن يرضى على نفسه الميل
الله هو المعبود والنفس حره ****واللي يضيع الصبح لا يسري الليل
: محمد البراهيم
غصن البان
|