منتديات هيبة ملك منبع إبداع لاينضب - عرض مشاركة واحدة

04-30-2008, 05:32 PM

مـسآآء الورد .. جميعاً
اسمحوا لي بهذه الكلمات اتمنى انها ما تكون طويله وممله

.
.
حالتنا بقصه لحالها لكن.. كذا الدنيا حالها.. تجمعنا وتفرقنا
ماهو شي بيدينا وبين اصابعنا الخمس، من يقوى يغير وش حصله امس؟؟
تحب اليوم، تكره بكرى وكلشي انتهى وانتهينا بسواد الطمس ...
كنك ما سهرت الليل ولا نمت بعد مصافح خيوط الشمس ..
.
.
وكذا حال الدنيا ...................................

.
.
عيا الزمن يوافق بينا .. عيا يجمع القلوب المحبه .. عيا يرسم فرحه ع وجوه الأحبه ..
بس كذا ،، بكل بساطه .. نادر تلقى شي مضبوط 100% .. حتى حلو القماش يحتاج خياطه .. حتى رزين الرجال يحتاج حنيه
.
.
حبينا بعض .. سنين وشهور .. يابني اتعض من واحد مقهور ..
واحد لقى الحبيبه .. وبدينا السالفه بطيبه .. ضحكه ومزحه و"يالدب" و"ياعنزه" ..
مرت شهور ع الطيبه وصرنا حبيب وحبيبه .. ماحسبنا حساب ولا استاذن منا الحب، ولا طق علينا الباب..
صرنا نوله وصرنا نفقد اذا الثاني طار .. من كثر الخوف نفر ع قناة الاخبار، ، نتطمن ع الغالين .. نشوف شلي صار ؟؟!
.
لا تتعجب ولا تتعجبين .. اكيد الحلوين على الاخبار ..
مو هم اهم من أسهم كيان و أسهم إعمار؟؟ مو فراقنا أخطر من تسونامي وكاترينا وكل زلزال وكل اعصار؟؟
بحبنا عقلها مستآصل وانا الثاني عقلي فاصل لكن مهما صار ومهما يصير كلن للثاني واصل ....

.
.
وبانت الأمور تظهر بحقيقه .. مو كلن يحصلّه ما كان يريده ..
المشكله !! ... انا بتكساس وهي ببريد !!
وين تبي الزمن يجمعنا وبيننا كيلوات أس كيلوات عديده ..
.
وقلت باختصار .. يالغاليه .. ياعيوني ... يالفقيده ..!! ، عيا الزمن يوافق بيننا .. عيا وعسى ربي يخلي للحب عضيده..
صحيح احبك و"مستحيل انساك" .. لكن هذي دنيتي ومابالدنيا قصه احكيها جديده ..
.
.
والبنت قامت تبكي واسمع تناهيده ..
..أقول يابنت، قدر! وتقول ياولد، مصيبه ..!
انت بعت الحب ، انت مافيك احساس ، انت اساس وجع الراس .. انت اكبر خيانه وانت من باع الحب وانت من يبيده ..
يابنت !! تعوذي من شر الثقلين ومريده .. وين الحيله ؟؟ هاتي اي حل وأنا أجيده !!
.
قالت تجيني وتقطع البر والبحر .. مو روميو مات عشان حبيبه ؟؟ بس باقي حبه ما اندثر !!
يا بنت ،، انا على قد حالي .. ولد امه تصلح غداه وامه تصلح ثريده .. و لو جاه من البلا ما جاه،، من رحمة امه تفداه بوريده
ووش بقول للغاليه لامني قلت لقيت الفتاه ؟؟
ماعليك منها !! ووش لك فيها ؟؟ وبلياه !!
أقوول؟ مهبوله انتي؟؟ تبين ربي يخسف بي الارض أو يوريني سود الليالي العصيبه ؟؟
انت خنتني وبس!! واللي ما سمع الي قلته مره ثانيه بعيده !!
.
.
!!أنت خنتني!!
.
.
.
.
آآآلله على دمع ذرفته وعلى هم حملته وعلى حب حفظته وعلى حبيب وفيته .. وآخرتها .. نسى حال الدنيا وقال اني ما وفيته