*
*
الجزء الاخـــــــــــــــيـــــــــــــــــــر
*
*
بعد اسبوعين من ملكة ساره
في بيت الجده
الجده : مبروك يا شوق وعقبال غلا
غلا: لا يمي توني صغيره بدري علي
لبنى تقلد صوت جدتها: يوم كنت كبرك معي عمك وابوك
والكل يضحك
غلا: اقول شوق لا تنسينا مثل ساره تملكت وجحدتنا
ساره: وش جحدتكم فيه؟؟
غلا: دايم في السوق
لبنى: شوي الا تسكنين فيه؟؟
ابرار: قولي الا سكنتي..
ساره: اقول اسكتي انتي وياها يالبايخين بكره تتملكون وتعرفون
ام وليد: متى ملكتك ياشوق
شوق: مابعد حددت
ام فواز: الله يوفقك
الكل: اميييييييييين
غلا: واخيرا بزف تؤم روحي ما بغى يجي هاليوم
شوق: عقبالك يالدبه
غلا: وش فيكم علي كلكم عقبالك عقبالك
سهى: ما تبين هذا اليوم
غلا: الا بس مو الحين
لبنى: هذا جزاهم يدعون مالت عليك اقول
غلا: مالت علي اغصان الجنه
ابرار: عاد اتمنى احد يقولي عقبالك
ويضحكوووووون عليها
الجده: صدق ان وجيهكم مغسوله بمرق ما تستحون
غلا :شوق تعالي ابغاك برا
وطلعوا الخيمه
شوق:امري وش بغيتي
غلا:ما يامر عليك عدو شي سخيف بس بسالك وش شعورك يوم خطبك حبيب القلب
شوق:تدرين عاد انه ما قالي انه بيخطبني
غلا:يمكن مسويها مفاجئه
شوق:مو يمكن الا اكيد.. وانا بعد موضوع الخطبه ما افتح المسن ابد ولا ارد على مكالماته ابد ابد
غلا:مسويه ثقل!!!!
شوق:يعني تقدرين تقولين.. الا تعالي وش سويتي مع فارس؟؟
غلا:وش اخباري؟؟؟ قديمه انتي غبااااااااااار
شوق:ليش وش صار ما قلتي لي
غلا:فيصل ولد خالتي كلمه وقاله انه ولد خالتي واني باخطبها وهي علمتني واحسن لك اتركها قبل ما تطيح من عين صديق عمرك وليد.. ومن هالكلام وعقبها ما شفت منه نص مسج
شوق:احسن راحه...وفواز؟؟
غلا:وش فيه بعد؟؟
شوق:ماصار شي جديد بعد الشرقيه؟؟
غلا:لا مافيه واصلا انا ما شفته بعد الشرقيه ابد
شوق:اقول غلا من وين شريتي خاتمك هذا؟
غلا:هذا؟؟((وتاشر على اصبع السبابه))
شوق:ايه
غلا:هذا هديه التخرج من ولد خالتي فيصل
شوق:حركات وصرنا نعر ف نهدي؟؟
غلا:ترى فيصل زكرت خطير
شوق:اسالك سؤال وتجاوبين بصراحه؟؟
غلا:اسئلي...
شوق:انتي تحبين فيصل؟؟؟
غلا:انا حبيت فواز وفيصل وفهد وفارس
شوق:مو ملاحظه شي
غلا:شنو
شوق:كلهم بحرف الفاء
غلا:خخخخخخخ. تصدقين توني استوعب سبحان الله((فواز فيصل فارس فهد))
شوق:حركات انتي مشخصه
غلا:شفتي وشلون كلهم طقم مالت ولا واحد دخل مزاجي
شوق:لا تضيعين السالفه وقولي لي منهو فهد اول مره اعرفه
غلا:قلبي صاير فندق خمسه نجوم
شوق:اخاف عشره هههههههههههههههه يالله قولي
غلا:طيب طيب.. يا طويله العمر اول واحد حبيته فواز وتعرفين سالفته
شوق:منهو فهد؟؟
غلا:تعرفين المراقب اللي معنى بالمنتدى..؟؟
شوق:ايه وش فيه؟؟
غلا: هذا انا اضفته عندي بالمسن
شوق:يالزفته ولا تقولين..؟؟
غلا:وش اسوي ما جا وقت
شوق:عاش مصرف القبايل؟؟ بس تراه اسلووووووووووب
غلا:شويه عليه اسلوب خطير ما عمري شفت مثله..ما اكذب عليك اذا قلتلك هو سبب الاول اللي خلاني اجلس بهذا المنتدى باسلوبه
شوق:الله كل هذا فيك المهم كملي
غلا:هههههه.. وصرنا دايم نكلم بعض وصرت ادخل المسن في الاوقات اللي يدخل هو فيها وصار يشكي لي .. بس صدمني لما قالي انه يحب وحده من قرايبه وبيتزوجها
شوق:اكيد انقهرتي؟؟
غلا:لا ما انقهرت.. الاني مقتنعه اني انا وياه مستحيل نجتمع الله يوفقه
شوق:ما قلتي لي عنه..
غلا:الاني ما طولت معه ..خليني اكمل لك.. بعدين لما عرفت انه تزوج قلت له يسوي لي بلوك ودليت عشان زوجته
شوق:وحط لك؟؟
غلا:اكيد ولو هو ماسواها انا بسوي له
شوق:هذا فهد ومنهو فارس اللي اعرفه انك تكرهينه
غلا:صديق وليد نفسه..حبيته قبل ما يرسل لي مسجات ويرسل هديه التخرج..كنت احب سوالف مع وليد بس طاح من عيني لما سوا هالحركات
شوق:بالعكس المفروض تحبينه اكثر
غلا:لا بالعكس كرهته وحسيت انه راعي لف ودوران..؟
شوق:وانتي ماشاء الله على طول تحبين وتنسين
غلا:هههههههههههه.. الله ياخذك نسيته الان قدامي فيصل ولد خالتي تعرفين بعد الحفله سافرنا معهم لمكه
شوق:انتي تحبين فيصل؟؟
غلا:اكذب عليك اذا قلت ما احبه مع اني مجننته في السفره مطلعه فيه نخل في راسه
شوق:هههههههههههههههههههه ليش
غلا:بس دايم اعناده واسوي فيها
شوق:ليش طيب تعانديه دام انك تحبينه
غلا:ما ادري..بس خلاص كل شي انتهى بغباء مني
شوق:ليش وش صاير؟؟
غلا:فيصل بيتزوج بنت عمه
شوق:وانتي؟؟
غلا:وش فيني
شوق:هو ما يحبك؟؟!!
غلا:يعتبرني مثل اخته لا اكثر على كلام خالتي امل بس انا الغبيه حبيته
شوق:انتي مو غبيه انتي عاطفيه..بعدين انتي لما انصدمتي من حركة فارس لقيتي فيصل عون لك وانه راح يحميك من أي خطر راح يصير لك..كانت ردة فعل
غلا:جايز ليش لا..
شوق:متى ملكته؟؟
غلا:تملك وخلص ..تصدقين ماعاد يدق علي اول كل يوم والحين حتى مسج ما شافت
شوق:اكيد منشغل فاضي لك بس هو..
غلا:عاد انتي انشغلي عني بزوج المستقبل يا ويلك
وتدخل عليهم ابرار
ابرار:وينكم وانا ادوركم
شوق:ليش ضايعين
غلا:يمكن
ابرار:لا استهبال يالله العشاء
شوق:يالله جينا
غلا:فقدك يالدبه
**
8
8
8
8
8
*8
في يبت ابو راكان
ابو راكان:مافي سفر بدون زواج فاهمني انت..تبي تضيع انت
راكان:يبه مو صغير انا عشان اضيع ..لا تحطم مستقبلي ..الحمد الله انهم وافقو
ابو راكان:بس الزواج يحميك
راكان:ومنهي اللي بتتزوجني وانا توني صغير ما كملت نفسي
ام راكان:الف وحده تتمناك ..لا تحطها حجه
ابو راكان: وليش ندور وبنت عمك موجوده خذها وبدون مهر
راكان:من تقصد حنان
ابو راكان:عندي غيرها انا؟؟
راكان:يمكن ما توافق
ابو راكان:اناديها لك واسئلها
راكان:يبه بلاش احراج انت رح لها في غرفتها
ابو راكان:روحي يا منيره اسئليها
*
8
*
8
8
في الرياض في بيت ابو تركي
مكلة منار على عبدالعزيز
ولد صديق ابوها
تركي: مبروك منار الف الف مبروك منه المال ومنك العيال
ام تركي: عقبالك وانا امك
تركي: امين.من بؤك لباب السماء.. الا اقول وين منال ما اشوفها؟؟
منار: منال فوق..
وراح تركي فوق لغرفه منال ويطق الباب عليها
تركي: منال... منال
منال:ادخل
ويدخل تركي ويلقى عيون منال متفخه من كثر الصياح
تركي:منوووووووله قلبي تصيح ليش؟؟
منال:ما ابي منار تتزوج
تركي:كنك بزر على كلامك كذا..وليش ان شاء الله ما تتزوج..تبي تعنسينها.والا تبين تتزوجين قبلها
منال?ترمي عليه المخده):سخيف ما عندك سالفه
تركي:عندي سالفه بس عطيني بشارتك واعطيك
منال:أي بشاره؟؟
تركي:منهي العروس الجاهزه اللي قلتيلي عنها
منال:جاي تبي مصلحتك
تركي:عطيني مصلحتي واعطيك مصلحتي
منال:اوكي يعني وحده بوحده
تركي:اممممم..تقدرين تقولين
منال:انا ما عندي غلا صديقتي وش رايك؟؟
تركي?يبتسم:احلى واغلى غلا على وجه الارض..انا موافق بس تتوقعين توافق علي
منال:وهي تلقى مثلك..وبعدين امي تحب غلا وتعرف امها ..وصدقني ما راح تلقى احسن منها..ويالله بشارتي سيد تركي
تركي:خالد ولد خالي
منال?متحمسه:وش فيه؟؟
تركي:قالي اسئلك اذا موافقه عليه اذا تقدم لك..احسن من تصير رسميه..الانه يبي يعرف رايك اول
منال:انت وش رايك فيه؟؟
تركي:منال بلا لف ودروان..ادري انك تحبين خالد
منال:وش دراك
تركي:ههههههههههههههههه..زين منك فضحتي عمرك..قلتها صدفه هههههههههههههههه
منال:صدق سخيف يالله برا الغرفه انقلع
تركي:وجهك صار احمر ياربي على اللي يستحون
منال:اطلعععععععععععع
تركي:انا بكلم خالد وبقوله انك موافقه ولا تنسين تكلمين غلاوي حبيبة قلبي سي يووووو
8
*
8
بعد اسبوعين..
والاحداث اللي صارت فيها
منال ما قالت لغلا عن تركي الانها تتنتظر الوقت المناسب
ابرار ووليد احسن ما يكون.عايشين قصة الحب ما عاشها احد قبلهم
فاهمين بعض والله لا يغير عليهم
منال وافقت على خالد حبيب القلب الاول والاخير
فيصل مستانس بحياته الجديده ..ومن كثر ما هو مستانس قرر يقدم موعد الزواج
فواز عايش في حاله محيره..ما يدري وش يسوي بغلا اللي مو عطيته وجه ابد
راكان وحنان تملكوا وموعد سفرهم قريب...وهم مستانسين مع بعض الحيل الانهم مناسبين لبعض
لبنى عايشه حياتها بالطول وبالعرض هي ومشاري وسهى بدري عليهم في الحب
ساره زواجها بعد ملكة شوق بثلاث ايام وهي عايشه حاله رعب وخوف
منار ما بعد حددو يوم الزواج وهي مستانسه بايام الملكه وما ودها تخلص
اكيد بتقولون وين شوق
شوق ملكتها اليوم على ولد عمها
وشوق سوت نفس ساره وما كبرت الملكه خلتها متخصره بس على اهلها واكيد نادت غلا ومنال
شوق: تصدقون اني خايفه
منال:احد يخاف من اللي يحبه
شوق: ما ادري خايفه
غلا: اليوم ملكتك وزواج فيصل ولد خالتي
منال:زواجه اليوم
غلا: ايه بس ما مو كبير
وتدخل عليهم لبنى بالدفتر التوقيع ((ما ادري وش اسمه هع))عشان توقع
شوق: يمممممممممممممممممه بطني
منال: ذكرتيني بمنار اختي ههههههههههههههههه
غلا: نشوف يوم ملكتك عاد انتي وش بتسوين
لبنى: يالله شوق وقعي كنك توقعين على اخر يوم لك بالاختبارات
منال: زين علمتيني عشان اسويها يوم ملكتي
لبنى:هههههههههههه..شفتي اني راس
منال: لا شايفتك بطن خخخخخخ
غلا:قولي بسم الله ووقعي.. وانتي وياها انثبروا
شوق بيد ترتجف:بسم الله ووقعت
كلهم:كلولووووووووووووووووووووووووووووووش الف اصلاة والسلام عليك يا حبيب الله محمد
والكل يبارك لها امها وشوق وغلا ولبنى اللي دمعت عيونها على فراق اختها
منال:يالله افتحي جوالك
غلا:حشى مقفلته اسبوع ..مافي امل اقفله الا اذا جيت انوم وانتي اسبوع مافي حل وسط
وتفتح جوالها وتجيها مسجات من خدمة موجود ومسجات نصيه ووسائط
منال: ماشاء الله وش ذا المسجات كل هذا شوق من حبيب القلب
شوق تناظرها وتبتسم :وش دراك
منال: عندس الحاسه السادسه
غلا: اقري اقري لنا وش يقول وش مشاعره بهاليوم
شوق تناظر الجوال وساكته
لبنى:هييييه شوق وش كاتب
شوق: انتي خاينه
منال: وش قامت تخربط ذي وش تقول
وتاخذ منال منها الجوال
منال: غلا مرسل انتي خاينه
غلا: يمكن مقلب
شوق: انا وش سويت عشان يقول كذا..والله ما سويت شي(وتبدا تصيح))
غلا:بس مرسل هالكلمتين
لبنى:لا يكون بياخذ اختي يعذبها؟؟
غلا: كملي المسج انتي بعد
منال:انتي خاينه تتمصلحين معي عشان اخوي..تبين تاخذين اخباره مني..وانا على بالي تحبيني))
شوق وهي حاسه نفسها في حلم:شنو مو فاهمه شي
تدخل عليهم عبير(ام شوق)
عبير: تغطوا يا بنات ابوها بيسلم عليها
غلا ومنال تغطوا وكل وحده ما تدري وش السالفه بس حسوا ان الموضوع خطير
ابو شوق: مبروك عليك صالح يا بنتي ومنك العيال ومنه المال
شوق: انا..انا .. انا تزوجت صالح..يعني ما تزوجت عبد الله!!
ابو شوق وهو يمسح دموعها:ايه صالح ولد عمك عبد اللطيف وش عبد الله..؟؟
شوق من الصدمه اللي ما توقعت بيوم يصير لها
احست انها في فيلم هندي مو يصير على الحقيقه..تتزوج اخو حبيبها.. طاحت عليهم
عبير:شوق ..شوق
ابو شوق:جيبوا لي مويه والا عطر
وابوها وامها يحاولون انها تصحى
بعد ما صحت بصعوبه حطوها على سريرها
وهي دموعها اربع اربع مو مصدقه اللي يصير لها
ومحتاره ما تدري وش تسوي ترضى بالامر الواقع وتتزوجه والا ترفض وتكنسل الزواج من اصله
افكاراها كثيره وما لقت حل لمشكتها الكبيره
*
*
8
في بيت غلا بعد ما رجعوا من بيت شوق
منال:ياربي ضايق صدري على حاله شوق..
غلا:كسرت خاطري..تخيلي اللي تحبه تتزوج اخوه
منال:ابي افهم وشلون هي ما درت والا كيف ..مو قالوا لها ولد عمها
غلا:لبنى تقول انا احبه بعد عبد الله..الانهم هو قالوا ولد عمي عبد اللطيف ما توقعناه ابد يطلع صالح
منال:يعني امها وابوها ما يدرون
غلا:وش ذا الغباء الا اكيد يدرون انه صالح..بس شوق قالوا ولد عمك على بالها عبد الله..يا عمري واتذكرها ااول تقول مسويها لي مفاجئه..يالله الله يعينها
منال:حرام ما تستاهل..مع ان حبهم يضرب فيه المثل مو احنا الله يخلف علينا
غلا:ههههههههههههه لا يكون احنا اللي صاكينها عين..
منال:هههههههههههههههه..خير ان شاء الله..ما توصل هالدرجه
غلا:الا تعالي الناس وين ناويه تسجلين يالعمه
منال:احم احم؟..كبرتيني لدرجه صرت عمه..شكرا..بس وين ما انتي تبين انا معك واسطتي بيدي
غلا:انا شكلي تربيه خاصه بسجل
منال:اشوفها صايره موضه عسى ماشر
غلا:لا ياقلبي مو موضه..انا افكر من ناحيه المستقبل
منال:ياربي يا مستقبل انتي اهجدي بس..
غلا:ياشين التحطيم
منال:هذا الصدق..الا حنان وش تتوقعين سجلت
غلا:صدق اننا صديقات مو شي من زمان عنها وش رايك ندق
منال:وتشاورين بعد ..دقي
غلا:شفتي وشلون احبك كل شي اقوله لك
وتدق غلا على حنان ويحطون على المايك(الميكرفون))
منال وغلا بصوت واحد:مرحبا حنووووو اشتقنا لك كثير يالبطه
حنان: ياهلا ومرحبا باللي ناسيني
منال:ازيك
غلا:عامله ايه ياست
حنان: الحمد الله عم نشكر الله,,انتو كيفكم
منال: انا بخير
غلا:انا عال العال
حنان:دوووووم يارب
منال: اشتقنا لك وفقدناك
حنان:تشتاق لك العافيه
غلا:حسبي الله على من فرقنا
منال تبي تغير الموضوع الانها حست ان غلا من اليوم ودها تصيح بس ما لقت شي يشجعها عشان كذا غيرت السالفه:حنان وش سجلتي؟؟
حنان:ما سجلت
غلا:اجل وش تسوين في بيت عمك؟؟
حنان: انتم فاضيين اقولكم سالفتي...
منال: لو كنا مو فاضين كان ما دقينا عليك
حنان:منول للحين خبله ما عقلتي
غلا:هذا وهي ببتزوج
حنان:لا لا..عاد هاذي بزعل صدق ليش ما علمتوني
منال:توني يالبطه ما تملكت ..بعدين ازعلي على شوق اليوم ملكتها
حنان: مبروك لها يارب وصولو لها سلامي ..وانتي مبروك مقدما
منال: الله يبارك فيك..ممكن السالفه اخت حنان تحمسنا
حنان:طيب لا تاكليني
وقالت لهم كل شي يوم عمها كسر جوالها ومعاملته القاسيه لها ..وكل شي يهون يوم حرمها من الطب ..وانها الحين تستعد للزواج من ولد عمها راكان
وقالت لهم كل شي بشكل مختصر
منال: حنان والله وكبرتي
حنان:تصدقين صرت عجوز ..اللي يسمعك يقول تعديت الثلاثين وانا توني 18 ..بس تزوجت مبكره
غلا: عمك غاصبك على ولد عمك
حنان:لا والله..بالعكس فرحت لما قالي..الان راكان غير عمي طيب وحنون وكل شي فيه حلو
منال:الحب عامل عمايله
غلا:واسمه راكان مشخص اسمه بعد موب عاقل
حنان: اكيد مو زوجي
غلا:هههههههههههههههه..والله صرتي تقولين زوجي كبرتي من جد
منال: حتى انا زوجي اسمه خالد
غلا:هههههههه غرتي..وانا وش يجلسني مع متزوجات
حنان: وانتي ورا ما تتزوجين
غلا: اللي يسمعك يقولون صافين طوابير عند باب بيتنا وانا اقول لا..جيبي لي معرس
منال:هههههههههههههه..عندي المعرس جاهز بعد
غلا: المهم حنان بتسوين زواج كبير
حنان:لا تملكت قبل اسبوع وطيارتي بكره
منال:شهر عسل
حنان:لا ياقلبي بروح ادرس في بريطانيا
غلا:حركااااااات والله ..
منال: رازن بتروح معك؟؟
حنان:اكيد
غلا: الله يوفقك ياقلبي والله راح نفقدك
منال: حنان لا تنسين تقولين لي التفاصيل عشان اتعلم منك
حنان:ههههههههه ابشري...بس انتي لا تنسين المعرس لغلا
عيب تقعد عزوبيه
غلا:كنكم طبيتوا فيني يالله بس مع السلامه
حنان:مع السلامه
سكروا من حنان وهو يدعون لها بالتوفيق
وان شاء الله الله يعوضها براكان ولد عمها
منال:ما اتخيل حنان عروس
غلا:كلكم تزوجتو الا انا
منال:انا توني لا تقولين تزوجتوا
غلا:ملكتك قريبه
منال:تتذكرين اول ..وش نقول..مافي زواج الا بعد الجامعه
غلا:ههههههههههه.والمشكله ما بعد دخلتوا الجامعه وتزوجتوا
منال:تخيلي ابوي بيزوجني انا ومنار وتركي بيوم واحد
غلا:تركي بيتزوج بعد..
منال:جاري البحث على عروس مناسبه له وحلوه مثلك,,وش رايك نخطبه لك؟
غلا(تمزح):امممممم..فكره مش بطاله
منال:احسن بعد عشان يكون زاوجي وزواجك بيوم واحد
وتطلع جوالها تدق على تركي
منال:اجل بدق على تركي ابشره انك موافقه
غلا:هييييييه انتي يالخبله من قال اني موافقه
منال:مو تو تقولين فكره مش بطاله
غلا:ماخذه الموضوع مزح يالدبه مو جد مثلك
منال:لا حبيبتي زمان الضحك راح..الحين بدينا بالجد...وعلى فكره تركي هو اللي قال ابي غلا يعني مو عندي
غلا:جاده؟؟؟؟؟؟
منال:والله العظيم بس شوفي هو بيسافر برا يكمل دراسته ..والله تركي حبوب لو انا مو اخته كان تزوجته
غلا:احلفي قوه بس انتي وخشتك.اقول بتجين زواج ساره
منال:لا تضيعين السالفه..
غلا:انقلعي بس عني بتجين او لا
منال:ايه بنجي عشان نخبك هناك
غلا:هناك تخطبوني ليش ما عندنا بيت
منال:ههههههههههههههههههه يعني موافقه ياربي فديتك
غلا:افكر
منال:قولي موافقه وخلي زواجنا بيوم واحد
*
*
*
8
شوق رضت بالامر الواقع بس حبها لعبد الله باقي..في قلبها بسبب غبائها مو قادره يلتئم ,,بس مافي اليد حيله..وهي لازم تتئقلم على الوضع الجديد,,اللي هي اختارته بنفسها
*
*
*
بعد ثلاثه شهور
ساره تزوجت وكان زواجها احلى ما يكون الكل فرحان لها الان اول وحده تتزوج في العايله
شوق حطت زاواجها مختصر ما حبت تكبره..مالها داعي الناس يفرحون لها وهي اصلا مو فرحانه.. وهي في قلبها حزن ما يعلمه أي احد
حنان سافرت لبريطانيا مع راكان وحياتها حلوه..والحمد الله راكان عوضها عن كل شي فقدته وحنان كملت دراسة الطب اللي هي حلمها الاول والاخير
*
غلا ومنال ومنار..رايحين جايين للسوق..
وتحضيرات الزواج
وكل وحده فرحانه بزوجها وراضيه عنه
وفرحتهم ما تنوصف
*
*
*
في يوم زواج منار لعبدالعزيز..وغلا لتركي..ومنال لخالد
كلهم في يوم واحد..وعرايس كل وحده احلى من الثانيه..
كلن زواجهم مره خطير الكل يمدحه من كل النواحي الديكور_الطقاقات_التقديم_الاستقبال_مافي شي ينعاب في زواجهم _كامل والكامل الله
على ساعه وحده تنزف منار لحالها
كانت زفتها مره حلوه وهاديه والموسيقى والشعر مخليتها احلى واحلى..
طلعت منار من الكوشه الساعه2
وعلى الثنتين ونص
زفة غلا ومنال مع بعض..
وكان فساتينهم مثل بعض الان هاذي امنيتهم من يوم كانوا صغار..
زفتهم مره رومنسيه..والشاعر ابدع في قصيدته لغلا ومنال
على المنصه
الكل يبارك لهم..
الف الف مبرررررررررررروك تستاهلون يااحلى عرايس
كانت هاذي حنان جايه من بريطانيا خصيصا عشان زواج غلا ومنال
منال:هلا وغلا تو ما نورت القاعه
غلا:احلى مفاجئه بحياتي
حنان:زواج الثنائي المرح ولا اجي مستحيل
شوق: وانا ليش ما جيتي
حنان:هلا وغلا شوق مبروك مع انها متاخره بس تعرفين الظروف اقوا مننا
شوق:لا عادي ياقلبي امزح معك..وش اخبارك وش علومك
حنان والله الحمد الله بخير انتي اخبارك
غلا: انتي وياها خلو السواليف بعدين
منال:ودي ارقص
حنان: يالله قومي نحط شوط خاص
غلا:مو صاحيه تسويها
منال:كل يوم متزوجه انا ابي شوط خاااااااااص فيني وفي غلا
غلا:انا لا
شوق:مو على كيفك
وتروح شوق تطلب شوط خاص لغلا ومنال
الطقاقه:شوووووووووط خاص للعرايس
وقاموا البنات يصفقوووووون ويصفرووووووون
وقامت غلا ومنال
وجت ام غلا وام منال يرقصون معهم
خلصت مراسيم الزواج
والكل كان فرحان ويدعي لهم بالتوفيق
*
*
*
8
8
*
*
8
بعد ثلاث سنوات مرت عليهم كلهم بالمر والحالي بلحظات الحلوه والمره..
بذكريات عاشوها مع بعض مو قادرين ينسونها
غلا رجعت الارض الوطن بعد غربه عشان دارسة تركي
غلا معها بنت اسمها ((غاليه))
ومنال معها ولد اسمه((فيصل))
شوق مرتاحه بحياتها مع صالح وتحمد ربها انها صارت من نصيبه..وشوق معها ولدين فهد وعبدالله
حنان:لازلت تدرس طب ومعها بنت اسمها لينا
وفيصل ولد خالة غلا ما رزقه الله بشي وهم الحين يعالجون
ساره معها بنتين جود ونجود
منار: عندها ولد اسمه ياسر
وابرار ووليد زواجهم قريب
فواز حالته كل مالها للاسوء
لبنى في ثالث ثانوي ودها تجيب نسبه بس تقول دام في واسطه من منال مو لازم
سهى عايشه حياتها ومطنشه الدراسه وحكمتها في الحياة(الدنيا فانيه))
مشاري عقل شوي بس عن ايام المراهقه بس ما زال مصرقع
*
*
*
في يوم زواج وليد وابرار
غلا: الف الف مبررررررررررروك يا وليد واخيرا فرحت فيك.,مبروك يا ابرار تستاهلين كل خير
وليد:الله يبارك فيك
غلا:لايقين على بعض بسم الله كناري
وليد:غلوووووي..حبيبة خالو تعالي سلمي
دخلت ساره عليهم بعد ما سلمت
ساره:غلا ممكن شوي
راحت غلا معها
ساره:هاذي رساله عطانيها فواز في يوم زواجك قال اوصلها لك بس اللاسف ما قدرت ..واتمنى الحين وصلتك الامانه..والله ترى ما فتحتها ولا ادري وش فيها
غلا وهي تاخذ الورقه:فواز وش اخباره
ساره:سافرا برا وتزوج من هناك
غلا:الله يوفقه
ساره:الحين انا بروح اشوف الوضع برا
غلا:وانا جايه معك
غلا ما فتحت الرساله قالت بتقراها على رواق
منال:اقول وين مرت ولدي
غلا:عند خالها
منال:ما راح تنزف ابرار
غلا:لا وليد رافض هالفكره تخاف تنظل
منال:هههههههههه من الحين بدينا
شوق:شفتي الحب عامل عمايله
غلا:الله يوفقهم يارب
الكل :امييييييييين
دق جوال غلا وكان تركي يبيها تطلع
منال: منهو
شوق: وش عليك انتي لا تصيرين ملقوفه
وهي تقوم:علميها يا بنت عمتي الاصول
غلا طاحت الورقه منها وهي رايحه لتركي
خذتها منال
وفتحتها الا نها على بالها ورقه عاديه ما توقعت فيها شي
((السلام عليكم ورحمة الله وبركاته..
يوم حياة جديده
عالم جديد
تعيشينه مع من اخترتي العيش معه..
تمنيتك لي في يوم من الايام
غلا اسمك يمشي في عروق دمي..غلا تتذكري الخاتم اللي اهديتك اياه يوم تخرجك..؟؟
غلا انا حبيتك من كل قلبي..بس انتي ما فهمتيني..
انااحبك والله العظيم احبك
مو قادر اتخيل انك لواحد غيري
وعارف ومتاكد ماعاد ينفع الصوت لافات الفوت
محبك الى الابد
فواز))
منال اول ما قرتها شققتها ورمتها في اقرب زباله((وانتم بكرامه))
بعد العشاء
تذكرت غلا الورقه قامت تدورها ما لقتها
منال:غلا وش فيك
غلا:ما شفتي ورقه طايحه
منال:لا ليش؟؟
غلا:بس ادورها
منال:لهدرجه مهمه..
غلا:اصلا ما قريتها عشان اعرف هي مهمه او لا؟؟
منال:اجل لا تدورينها وانسي الماضي\ تركي يحبك ياغلا
غلا: وانا امووووووووووووووووووووووووت فيه
*
*
8
وكذا خلصت روايتي
قبل كل شي احمد الله انه اعطاني القدره على تكملة روايتي
اتمنى انها عجبتكم..
وقبل كل شي احب اقولكم كلها من وحي الخيال ..مافي شي من الواقع..ولو كان فيه تشابه بالشخصيات ..مافيه تشابه ابد بالاحداث
ومن اعماق قلبي
احب اشكر صديقاتي((حنان؟&ومنال))
الان لهم الفضل بعد الله سبحانه على ان اكمل روايتي
تحياتي لكم
كاتبه الراوايه
((الــــــــــــــــــــــــدره النــــــــــــــادره))
كلمتي الاخيره
هاذي روايتي كامله
وحقوق الطبع محفوظه
وارجع قول ما احلل احد ياخذ روايتي من دون ما ينسبها الاسمي
((للدره النادره))
<<ما تنلام
واتمنى انها نالت على اعجابكم
واشكر كل من رد علي
واقول
مروركم يسعدني ويشجعني
باب النقد مفتوح للكل
لا تنسوني من ردودكم
<<كم مره قالتها هع
دمت بود من تحبون
در در
|