*
*
الجزء التاسع
بعد 4 ايام
في المستشفى عند حنان
حنان للحين مو مستوعبه اللي صار لها .. تحس انها في حلم
خلص العزاء وهي ما حضرته
محمد(عم حنان):يالله حنان نروح البيت عشان تجهزين اغراضك واغراض اختك؟.
حنان: ليش؟؟؟
محمد:انتي بتعيشين عندي .. تعرفين مالك احد هنا كل عمانك هناك.. من تجلسين عنده؟؟؟
حنان:والجامعه!!!!!!!!!!!
محمد:عندنا جامعات هناك..
حنان:عندكم طب؟؟؟؟؟
محمد:ايه عندنا بس ماراح تدخلين الطب..
حنان:ليش ياعمي هاذي امنيتي وامنيه امي وابوي الله يرحمهم
محمد(بكل جبروت):عندنا بنات يدخلون طب
حنان:بس...
محمد: لا بس ولا شي تراني معطل اشغالي عشانك بالله الحين العصر والعشاء اجي اخذك وتروحين تسكنين عندنا
قامت حنان وهي تحس كل هموم الدنيا فيها
حنان تبكي بس بصمت دموعها مو قادره توقف مو يكفي انحرمت من امي وابوي يبون يحطمون بعد امنيتي
ياربي ساعدني ويارب هون علي
راحت لبيتهم وخذت اغراضهم كلها الانهم راح بيسكنون هناك مؤبد
*
*
*
*
منال تكلم غلا
غلا: قولي قسم....
منال:وربي ما اكذب عليك طيارتنا اليوم وبنجي مكه
غلا: يا سلام.. والله وفلينها صارت دجه.. متى طيارتكم
منال:طيارتنا الساعه 2 الظهر
غلا: حلو يعني تصلين معي المغرب
منال:ان شاء الله على بال ما نجي من جده واخذ عمرتي العصر
غلا: يااااااااااااااي.. مو مصدقه احلى مفاجئه
منال:لا صدقي... يالله انا بروح ارتب اغراضي
غلا: اوكي.. اشوفك اليوم ان شاء الله
سكرت غلا من منال
عهود: منهي اللي بتجي اليوم وفرحانه لها
غلا:منال بتجي لمكه اليوم
فيصل : لا يكون اللي مسميتها صندوق اسراري. اللي دايم انتي معها
غلا ايه عندك مانه اخ فيصل
مشاري: اجل من الفرحه ما راح تنومين
جاسم: الله واكبر من بتشوق كوندليزا رايس على غفله
فيصل:ههههههههههه يمكن اعلن
غلا: هي صديقتي ما اسمح لكم عاد
جاسم: وش رايك تزوجيني اياها
غلا: والله جاد خالي؟؟؟؟
مشاري: عشان ما عاد تشوف زوجتك ابد
كلهم يضحكون
غلا: خالي جاد بالمووضوع تراها سنعه تعجبك
ام وليد: كبير عليها جاسم
امل: لا كبير ولا شي يناسب لها
فيصل: مو متحملين وحده تجينا ثانيه.. فكونا بس
مشاري: عشان يصير بدال العيد عندنا عيدين
غلا: اقول انت واياه اكرمونا بسكوتكم.. كل شي الا منال
فيصل: اسمها منال؟؟
غلا: ايه وراك مستغرب
فيصل: لا ابد ولا شي
*
*
*
*
في الرياض في بيت الجده ساره
الكل مجمع
عبير وعيالها وغدير وعيالها وعبد العزيز وعياله
عبير: اجل متى بيرجعون عيال اخوي؟؟
الجده: مدري عنهم رايحيين مع خوالهم
عبير: كلهم رايحين
ابرار: الا وليد
عبير: انتي وش دراك..
ابرار توقهت:الانه مسافر مع فواز للشرقيه
لبنى: يمه خليني نروح للشرقيه
الجده:وانتي كلش تبينه .. ناس سافروا مكه تبين تروحين لمكه...وناس سافروا للشرقيه قلتي خلونا نروح للشرقيه... وش تبدين عليه..
شوق:عادي يمه تقسم نفسها نصفين
غدير:متى ملكتك يا ساره
ساره: الاسبوع الجاي
لبنى: عندي فكره توافقون عليها
عبير: عاد لبنى وافكارها..
لبنى: تكفون قولوا تم..يمي ساره تكفين وافقي
الجده: وشو ويا كثر حكيك
لبنى: وش رايك نروح للشرقيه مع وليد وفواز
ابرار(واكثر وحده اعجبتها الفكره):تم
شوق: تم
ساره: تم
سهى: تم
لبنى: والباقي تم؟؟؟
عبير: ليش ان شاء الهك ما عندنا رجال نستاذن منهم اصبري نسال ابوك
ام فواز: وانا بسال خالك
ولبنى: وانتي يمي
الجده: والله ودي اشوف البحر من سنين عنه
لبنى: يعني تم... وتلتفت على خالتها غدير: وانتي خالتي غدير
غدير: ودي.. بس عندنا زواج اخت علي(علي زوجها) ما اقدر,, والا روحه معكم ما تنعاف
ام فواز: بعدين يوم انك تخططين من بيوديك ما في احد خوالك مشغولين
سهى: وهم ليش مخترعين الطياره اجل الا هالازمات
ابرار: ووليد وفواز هناك يستقبلونا
لبنى: واذا بغوا سياره زياده نشحن الجمس
شوق: واذا على المحرم فيه محمد
عبير: بنات ما ينسد عليكم
لبنى تتكلم بالسوري: ولو انا لبوووووووون
شوق: امي ساره عشان ساره سميتك وافقي هي ودها تروح بس تستحي
ساره: يالشلاخه
ابرار: حتى انا سمعتها تو تقول ودي اروح عشان اودع العزوبيه
لبنى: وانا شفتها تاشر
ساره: اشوفكم طبيتو فيني وانا ساكته
الجده: عشان ساره نروح .. اما الباقي لا
لبنى: ليش ان شاء الله فوق راسها ريشه
الجده: لا عشانها بتتزوج
لبنى ترفع يدها تدعي:يارب ترزقني برجل عاجل غير اجل
الجده: بني ما عاد يستحن اخر زمن
وهم يضحكون عليها
*
*
*
*
منال وصلت مكه والحين هي تواعد غلا
منال:انتي عند أي باب
غلا:باب الملك عبدالعزيز
منال:وش معك شنطه عشان اعرفك زحمه
غلا:معاي شنطتي السوداء .. انا عند الباب واقفه احتريك
منال:خلاص شفتك جايه الحين
ويسلمون على بعض
غلا:مصير الحي يتلاقى.. عمره مقبوله
منال:منا ومنك.. اخبارك دبدوبه
غلا:الحمد الله يالعصلا
منال:تعالي خلينا نروح بن داود ابي شي اشربه بارد؟؟
غلا:اولا انتي تعبانه ارتاحي
منال:لا مو تعبانه امشي بس,, بعدين ما شكيت لك
غلا:مالت عليك انا خايفه عليك.. يالله ومره وحده اوريك الوالد اللي في بن داو.. خيالي سكبه..
منال:يالله اجل نروح نشوفه عصفورين بحجر هع
غلا:خقيت عليه ,,هو كاشير ,, رايحه احاسب عنده انا وخشتي..
منال:صدق انك وسيعه وجهه
غلا:الصراحه يجنن تعالي بس ندخل
ويدخلون بن داود ويحوسون على شي يشترونه .. يقالهم بيشترون السوبر ماركت كله
غلا: منال وش تشربين..كولا
منال:ايه عادي اهم شي بارد
غلا:طيب وش تاكين معه..
منال:مممممممم... شبس تراني جوعانه
غلا:جوعانه,, فطيره مو شبس..اهمتي بصحتك
منال:شف بس من تكلم اللي يسمعك يقول اكلك فواكه وخضار
غلا:لا ما احب الخضار
منال:اجل اشتري شبس وانتي ساكته
غلا:طيب لا تفشيلن
منال:ما ينفع معك الا العين الحمراء
غلا:انطقي بس خلينا نروح نحاسب عنده
منال:بس هاذي اغراضنا؟؟
غلا:ليه ناويه تشترين السوبر ماركت كله
منال:فشيله عند المحاسب
غلا:كيفه هو الا بيدفع والا احنا
منال:يالله نروح ابغى اشوفه
غلا:وجع يالمطفوقه اصبري.. لا تتعبين نفسك ترى شاروخ خان احلى
وقعدوا يحوسون عليه من كاشير لكاشير
عشان يشوفونه
غلا:منال .. شوفيه شوفيه اللي لابس غتره بيضاء
منال:واااااااااااااااااو يجنن.. ما الومك يوم تخقين
غلا:شوفي لون عيونه رمادي اشك انه سعودي؟؟
منال:لا باين عليه سعودي واصلي بعد على قولتهم سعودي ماركه
الوالد حس فيهم فرفع عيونهم عليهم
غلا: الله ياخذه التفت
منال:شكله شك فينا اننا نتكلم عنه
غلا:امشي بس نحاسب عنده
وراحو طبعا حسابهم بس 7 ريال
ليز كبير و2 كولا
المحاسب:الحاسب 7 ريال
طلعت غلا ميه ريال وعطته اياه
المحاسب: ميه على سبعه ريال
منال:معي ام عزيز تبيها؟؟؟؟؟؟
المحاسببكل براءه:وشي هاذي
غلا:يعني 500ميه.. تبي ..دامك ما تبي 100
وطلعتها له..
المحاسب:لا ما ابيها معكم غيرها
غلا(اعجبها الموضوع الاستهبال:معي الف ريال تبيها..
منال:اخاف ما تكفي
المحاسب:لاتكفي هاتوها
غلا ومنال توهقوا .. وجالسوا يناظرون بعض
المحاسب:امزح معكم تكفي الميه
منال:يا حليلك تعرف تستهبل
المحاسب اكتفى بابتسامه وعطاهم الباقي
وطلعوا من السوبر الماركت
غلا:شفتي وشلون يستهبل
منال:باين عليه ملكع.. بس حلو
غلا:لا يجنن......
وتسحبها ..تعالي...
منال:وين انتي رايحه
غلا:بروح اشتري ايس كريم من باسكن روبنز
منال:ما اشتهيت
غلا:عاد انا اللي حالفه عليك ..تشتهين
منال:طيحتي وجهي
غلا:طيب لقطيه..هههههههههههههههههههههههههههههه
منال:سخيفه
غلا:محمد(كل راعي محل اسم محمد ..سبحان الله)
جيب واحد ايس كريم بالتوفي والقهوه
منال:وانا
غلا:هماك ما تبين
منال: لا هونت ابي
غلا:وش رايك نشتري ايس كريم جالكسي من ابن دواد
ونحاسب عند ابو عيون
منال:عادي بس وش نسوي بهذا ...
غلا:بعد صلاة العشاء
ممكن شوي
كان هذا صوت ولد من وراهم
منال وغلا يناظرون بعض مو عارفين وشو يسوون(الانه صار محاسب))
راعي المحل:خلاص ما مدام حساب 14 ريال
عطته غلا 50 ريال
راعي المحل:مافي عشرين
منالحبت تكمل الاستهبال:لا فيه 500 ريال تبي
راعي المحل:لا ما يبي هذا يكفي
الولد:لا معهم الف تبيها صديق
راعي المحل يناظرهم وما يدري وش السالفه
منال ماسكه يدي غلا وضاغطه عليها معناها يا ويلنا
وعطاهم راعي المحل الباقي
وراحوا
غلا:وقح على الحركه
منال:حقير ما توقعته كذا
غلا:تعالي بس نروح توسعه الملك عبدالعزيز ناكل وراحوا
*
*
*
*
*
*
في مدينه اخرى من مدن المملكه العربيه السعوديه(في الشرقيه)
فواز وفارس ووليد
يدورون بالسياره
فواز:اووووووووووووووف حتى هنا للعوايل طفش
فارس:كل مكان للعوايل..حتى امريكا
وليد:هههههههههههههه...قويه حتى اميريكا
فواز:متى بيجون اهلك فارس..
فارس:ما ادري يمكن اليوم الليل او بكره..الصبح
وليد:عاد أي مكان تروح احنا معكم
فارس:ابشر ما طلبت غالي
فواز:عز الله الجحده جتنا
فارس:وش رايكم تخلون اهلكم يجون
وليد:انا اهلي في مكه
فواز:وانا ما ادري عنهم
فواز:وش رايك تدق على اهلك وتشوف رايهم
فواز:هههههههههههه..طيب عند ذكره ..دقوا اهلي..
وليد:طيب رد
فواز:وانا قلت لا..يالمطفوق
ويرد فواز
فواز:هلا ومرحبا براعيه الصوت..
ساره:هلا بك يا اخوي الغالي.. ازيك عامل ايه..
فواز:الحمد الله بخير وانتي وش اخبارك وش اخبار اهلك؟؟؟؟؟
سارهه:الحمد الله بخير يسلمون عليك
فواز: الله يسلمهم ..وينكم فيه
ساره:عند امي ساره لا وش اخبار الجو عندكم في الشرقيه
فواز:حلو ما عليه؟؟ومافيه رطوبه
ساره:يعني تنصحنا فيه
فوازوهو يناظر وليد:تجون عندنا بالشرقيه
ساره:كن ما ودك
فواز:الا ودي تجون اليوم بعد...كل ما رحنا مكان قالوا عوايل طفشنا
ساره:هههههههههههه...يعني مو لله تبينا نجي
فواز:لا وش دعوه...طيب من يجيبكم
ساره:اول شي معك..وش معك سياره
فواز:سيارتي الكامري تستهبلين
ساره:ثاني لو جينا احنا وعمتي عبير تكفينا
فواز:اكيد ما تكفي بس نستاجر سياره عادي يسوق وليد..بس وشلون تجون؟؟؟
ساره:نجي مشي..وشلون نجي يعني..اكيد طياره
فواز:حلو طيب كم عددكم انتم,,
ساره:اصبر اعد..عددنا عشره..مع الشغاله
فواز:عادي نستاجر سياره..
ساره:وترى معنا امي ساره
فواز:اذا ما كفتم الشرقيه تشيلكم عيونا
ساره: تسلم عيونك اخوي
فواز: بس انتم علموني متى تجون عشان استقبلكم في المطار
ساره: ابوي راح يحجز بس ما ادري متى
فواز: اوكي عطيني خبر..وسلميلي على اللي عندك
سكر فواز من ساره
وليد:هاه وش يقولون
فواز:وش فهمت يالذكي من المكالمه
وليد:فهمت انهم بيجون
فواز:خلاص وهذا الصدق
فارس:شكلهم غارو من اهلي
فواز:ههههههههههههههه اتوقع كذا
وليد:خلاص ما نبيك ..رح مع اهلك
فارس:صدق من قال من لقى احبابه نسى اصحابه
فواز:المهم وين تبون نروح؟؟؟؟
وليد:وانا عندنا غير البحر
فواز:والله انك صادق
وليد:مل البحر منا من كثر ما يشوفنا
فواز وفارس:ههههههههههههههههههههههههههههه
*
*
*
*
*
نرجع لمكه وبعد صلاة العشاء
منال:هاه وين تبين نروح؟؟
غلا:خير ما تبين ترتاحين؟؟
منال:لا ما فيني راحه كل يوم احنا بمكه؟؟
غلا:طيب وين ودك نروح؟؟
منال:وش رايك بمشروع الملك عبدالعزيز شكله حلوه
غلا:مره يجنن وفيه ستار بكس بعد
منال:بالله!! خلينا اجل نروح تراني اسمع فيه وما ادري وش السالفه
وهم في الطريق للمشروع الملك عبد العزيز
كله ضحك ما في احد مر من عندهم والا جاه تعليق محترم من غلا ومنال
غلا:وش رايك بهالثنين اشكالهم كيوت
منال:شكلهم من عيال الرياض
غلا:سبحان الله شكال عيال الرياض معروفه
منال:بلاهم يتكلفون في الكشخه..احس بعض الايام من زود الكشخه اللي في جاي سيده من الزواج لمكه
غلا:هههههههههههههه صادقه
ودخلوا المشروع وعلى طول على الدور الثاني ودخلو ستار بكس وطلبوا لهم
وجلسوا على الطاوله وجت لغلا رساله
غلا:من تتوقعين مرسل؟؟
منال:لا تقولين فارس؟؟
غلا:وانا عندي غيره ذا القلق.. شوفي وش مر سل بس..((مهما غبت تاكد منت معي.. منت جنبي...منت عندي..لكنك وسد قلبي))
منال:يا جعل قلبه ما عاد ينبض
غلا:حرام عليك وش هالدعوه؟؟
منال:ابي افهم هاللحجي وش يبي يرسل؟؟؟
غلا:تدرين وش اللي قاهرني..انه مسافر مع وليد وفواز للشرقيه وهو ساكن معهم
منال:شين وقوي عين..
ويدق جوال غلا
منال: من اللي داق بعد.. لا يكون فارس
غلا:لا هذا فيصل ولد خالتي
وترد
غلا:هلا فيصل
فيصل هلا غلا وينك
غلا:مع منال صديقتي
فيصل:وانا اقول ليش جاحدتني اول دايم معي والحين لحالي تاركتني
: غلا:ههههههههههههههه وش اسوي اذا حضر الماء بطل التيمم
فيصل:صدق انك وسيعه وجه وهذا وهو قدامي
غلا:عادي ولد خالتي وامون
فيصل:وينكم فيه بجي
غلا متفاجئه:تجي!!!!!!!!!
ومنال تاشر لها يعني عادي
غلا: بس شوف ترى معي منال
فيصل:واذا صار منال..على غفله كوندليزا رايس
غلا:ههههههه.. بس عادي تجي وهي فيه
فيصل:ايه عادي وينكم فيه بس
غلا:في مشروع الملك عبدالعزيز فوق الدور الثاني عند ستار بكس
فيصل:اوكي يالله جاي لكم
وسكرت غلا من فيصل
غلا:شكله طفش لحاله
منال:مسكين ما ينلام..
اقول غلا تبين تفتكين من فارس
غلا:بالله هذا سؤال اكيد ابي الفكه
منال:طيب انا عندي فكره بس وافقي عليها من غير ما تسالين وشي
غلا:اوكي مع اني خايفه منك ومن افكارك بس يالله وافقت بس اهم شي ارتاح
منال:اوكي بس اصبري علي شوي
غلا:فيصل جا بدق عليه اعلمه مكانا
ودقت عليه
منال وغلا جلسوا جنب بعض وفيصل قدامهم
منال:قبل لا تجلس رح اطلب لك شي تشربه
فيصل:انتي منال؟؟
غلا: ايه هاذي ست الحسن والدلال منال
فيصل:باين عليها مطفوقه .. وافق شنن طبقه
وراح فيصل يطلب له
منال:وش ملحه ولد خالتك؟؟
غلا: ايه مزيون ما شفتيه قبل ما يقص شعره خيالي
منال:هههههههههههه.. صح انتي اللي قصيتيه وخربتيه
غلا:اسكتي لا تفضحينا ,,ما صدقت ينسى
وجاء فيصل وجلس معهم عادي كانه يعرف منال من زمان
فيصل:متى بتسجلين في الجامعه انتي وياها
منال:ما ادري اذا رجعنا للرياض شفنا متى يفتح التسجيل!!!
غلا: صح انتم متى بترجعون للرياض؟؟
منال: ما ادري ابوي يقول خمسه ايام اربعه.. وانتم؟؟؟
غلا: ما ادري
فيصل: ليش غلا ما تدرين
غلا: عن
فيصل: بترحون الشرقيه
غلا: متى؟؟؟؟؟
فيصل: خالي جاسم راح يدور لكم حجز من جده للشرقيه..الانه دق اخوك وليد يقول عماني بيجون وقال تعالو
غل:ياااااااااااااي وناسه من زمان عن البحر
منال:وخليني لحالي عاد
فيصل:وانا بعد خليني
غلا:الله هالدرجه انا غاليه عندكم..تسلمون..بس تتوقعون شوق فيه؟؟
فيصل:فيه عمتك عبير مدري غدير
منال:يعني اكيد شوق فيه
غلا: ياليت
منال: ايه اجحديني
فيصل:وش رايك منال تصيرين معي بدال غلا
منال(تستهبل):عاااااادي
غلا: اشوفكم قلبتوا علي
منال: انتي اللي بديتي
فيصل:صح
منال:فيصل ممكن سؤال؟؟؟؟؟
فيصل:تفضلي
منال:غلا ممكن تسكتين ولا كلمه لين اخلص كلامي الان هذا الكلام بيني وبين فيصل
وفيصل في نفسه الله يستر من كلامك
وغلا..في نفسها.. والله ما ادري وش يدور براسك يامنال..الله يستر منك
غلا: اوكي تفضلي..
منال:فيصل انت ما عندك خوات صح!!!!!!!
فيصل:ايه صح؟؟؟
منال:طيب تخيل عندك اخت وفيه واحد من اخواياك يحب اختك.. ويرسل لها.. بدون ما تدري انت.. وبعد فتره دريت عنه.. وش راح تكون ردة فعلك؟؟؟؟؟؟؟؟
فيصل:اكيد بروح الاختي واسالها واقولها اذا مسويه للولد شي .. الان مستحيل الولد يتجراء ويرسل لها
وغلا في قلبها تتحسب على منال ودها تقوم تذبحها على اللي سوته وما تدري وش نهايته
منال:يعني اللي فهمته بتحط الغلط من اختك.؟؟؟
فيصل:لا بس انا راح اروح الاختي واسال بعد خويي ليش هو مرسل؟؟ وش اللي جرءاه على كذا
منال:حلو.طيب ابي منك مساعده بس بشرط
فيصل:امري وش هالشرط
منال:ما يطلع من عندنا احنا الثلاثه..وعد
فيصل:اوكي وعد
وغلا خلاص بتقوم على منال الا حبتين وتناظرها بس منال ما عبرتها
منال:شوف فيه واحد من اخوايا وليد ولد خالتك يرسل لغلا مسجات ويقول انه يحبها وهو مزعجها وابيك تدق على اساس انك خالها وتفهمه الموضوع ..ان اللي يسويه غلط بحقه وبحق وليد صديق عمره لو عرف...
فيصل منصدم يناظر غلا بس غلامنزله عيونها
ما تبي تحط نفسها بموقف محرج سببه منال
فيصل:وانا اقول وش سالفه المسجات اللي كل شوي تجي لغلا
طيب غلا هو من وين جاب رقمك
غلا : اخته تعرفني واتوقع خذ رقمي من جوالها
فيصل:طيب ممكن رقمه عشان احل المشكله
غلا: لا
منال:غلا عطيه رقمه
غلا:لا
فيصل:ليش
غلا: بس
منال:غلا فيصل بيساعدك
غلا: مشكلتي وانا احلها بنفسي.. وتوقع ما طلبت منك هالطلب.. بس حسابي معك بعيد
وقامت غلا بتروح
منال: وين رايحه
غلامعصبه:موشغلك
وطلعت وتركتهم
منال:يالله انا بروح
فيصل:وتخلوني لحالي
منال:ما راح ياكلك الذيب .. بشوف بنت خالتك العله
وطلعت منال ورا غلا تلحقها
منال(بصوت شوي عالي)غلا اصبري اصبري
ويمر ولد يقول: يا حلو اسمها وانتي وش اسمك
وتلتفت عليه : عيب عليك ترانا في مكه..احترم المكان اللي انت فيه على الاقل
وتروح لغلا واخير قربت منها وتمسك يدها
منال: يا ختي اصبري..
غلا:منال.. انتي وش سويتي
منال:سويت اللي ينفعك
غلا:ما لقيتي الا فيصل ولد خالتي
منال:ليش وش فيه
غلا:ما فيه شي بس
منال:لا بس ولا شي تعالي معي
غلا:وين؟؟؟؟؟؟؟؟؟؟
منال:لشقتنا
غلا:وش نسوي فيها
منال:لا تسوي شي انا بروح اغير ملابسي .. انكب على كباتشيو بسبتك تو
غلا:هههههههههههههههه .. احسن.. بس انا وش دخلني اروح معك
منال:عشان نطلع مره ثانيه..
ودخلت منال شقتهم بعد ما تهاوشت مع الهندي عشان يفتح لهم الشقه الان ما معها مفتاح
غلا:عليكم هندي محقق .. بس ما قصرتي فيه
منال:ههههههههه.. وش اسوي فيه.. قلق.. شوفي اجلسي هنا بغير ملابسي واجي
غلا:يمكن يجي احد من اهلك؟؟
منال: لا خذي راحتك ما في احد
دخلت منال الغرفه تغير ملابسها وغلا جالسه تلعب بجوالها على ما تخلص منال
وداخله جو باللعب ومتحمسه
ويدخل تركي اخو منال يغني ولا على باله
غلا توهقت الانها جالسه بالصاله وموسعه صدرها وفاسخه العبايه وتوها بتقوم تاخذ عبايتها
والا وهو يدخل هو شافها سكت ووقف مكانه
وغلا وقفت ما عرفت وين تروح
تركي بعد نص دقيقه ساكت: اووووووه.. شكلي غلطان بالشقه..
وراح
وغلا على طول راحت تاخذ عبايتها وتلبسها
تركي وهو يفتح الباب بيطلع:ياربي وشلون غلطان وانا داخل بالمفتاح الي معي ..شكلها ذي جنيه,,حتى في مكه جن بسم الله علينا
ورجع مره ثانيه ولقى منال وغلا
منال: وش جابك
تركي: جاي اصور معك
وغلا خايفه ومرتبكه من الموقف ومعطيه تركي ظهرها
تركي ياشر لمنال يعني من هاذي
منال: وهي تلبس عبايتها : هاذي غلا صديقتي .. يالله غلا
تركي:وين انتي رايحه بعد.. ما شفتك اليوم ابد
منال:ليش اشتقت لي؟
تركي:ايه بالحيل بعد
منال:تتطنز.. لا تطلع بس فضايحنا عند غلا
تركيبكل جراءه: غلا مبروك التخرج
غلا بصوت اقرب للهمس: الله يبارك فيك
تركي: وش تقول ما سمعت زين؟؟؟
منال:تقول يا ملحك ساكت.. يعني وش بتقول,, ترد على واحد يقولها مبروك التخرج.. اكيد الله يبارك فيك وش هالذكاء الخارق
تركي:طالع عليك اخت منال
منال:شكر.. يالله غلا سيرنا
وطلعت غلا مع منال وهم في اللفت
غلاوهي تزين نقابها: والله لو اسوي فيك جريمه اليوم عادي.. يحق لي
منال:ليش وش سويت؟؟
غلا:ابد ما سويتي شي.. تستهبلين.. ما كفاك موقف فيصل زديتها بموقف اخوك.. وش بيقول عني.. حاط في مكه ملاحقتنا ولا في شقتنا بعد
منال:بيقول قمر نازل على الارض
غلا: اقول اطلعي بس احسن لك
منال:الا تعالي وش اخبار ابو حنان؟؟
غلا:ما ادري.. صدق اننا صديقات جاحدات
منال:ما عندنا خاتمه وش رايك ندق عليها؟؟
وتطلع جوالها
غلا:يالله دقي وش ورانا نسلم
وتدق منال
حنان:هلا
منال:هلا وغلا وش اخبارك .. وش اخبار ابوم
حنانتغير صوتها:تسالين عن ابوي؟؟؟؟؟
منال:ايه.. ليه وش فيه؟؟
حنانبدت تبكي: ابوي رااح
منال:بكل غباء: وين راح؟؟؟؟؟؟؟؟؟؟؟؟
حنان: راح لقبره يا منال ابوي راااااااح.. ولا عاد هو براجع
منال تشهق..: ابوك ماااااااااااااااااااااااااااااااات
وتسحب غلا الجوال
غلا: اهلين حنان وش اخبارك
حنان: عقب موت ابوي مالي اخبار
غلا: عظم الله اجرك والله توني ادري.. وليش ما قلتي لنا نقوم بالواجب
وقالت لهم حنان كل السالفه من جو عمانها للبيت ..... الى ما راحت بيت عمها*
*
*
*
*
*
*
في الرياض الساعه 1 الليل.. في بيت الجده
ابو فواز: ترى خلاص موعد الطياره بكره الساعه 3 العصر يعني 1 الظهر الكل جاهز.. تراني قلت
لبنى: من بيودينا خالي للمطار؟؟؟؟
ابو فواز: انا والا السواق ما تفرق
سهى: ومن يستقبلنا؟
لبنى: الجيران.. اكيد فواز ووليد
ابرار من سمعت اسمه قام قلبها ينبض بسرعه.. ما تدرس من يجيبون طاريه يتغير شكلها
عبير: حجزت الامي
ابو فواز: حجزت لكم كلكم الا غدير.. محد قالي عنها
الجده: غدير ما راح تروح.. عندها زواج اخت رجلها
ابو فواز:: الله يعين.. يالله انا الحين استاذن بنروح البيت
الجده: وراكم مبكرين
ام فواز: عشان يمديني يا خاله ويمدي البنات يرتبون اغراضهم وانتي بعد ارتاحي
الكل طلع من بيت الجد وهو مستانس من سالفه السفره*
*
*
*
*
*
*
في مكه وتحديدا في شقه غلا
غلا: يمه عزمتي تروحين
ام وليد: ايه عزمت.ليش؟؟؟؟
مشاري: ايه يمه خلينا نروح على اقرب طياره عيال عمتي عبير فيه
غلا:كلن على همه سرا وانا على همي سريت
عهود: وانتي وش هامك
غلا: الحمد الله ما عندي.. بس ابي مكه الشرقيه حر
امل تغمز لها: مكه.. والا اللي في مكه
غلا ابتسمت: ايه ابي منال
جاسم: قلت زوجيني اياها بس ما تسمعين
غلا: عندك في مكه الحين ابوها واخوها وش تبي بعد
فيصل: زواج في مكه يا سلام
جاسم: تتطنز حضرتك
فيصل: اتتطنز على خالي افا بس
غلا: طيب لقيتو طياره؟؟
ام وليد: خالك جاسم راح ولقى طياره بكره الساعه 9 الليل
غلا: يمه تكفين ما ابي اروح
مشاري: يعني بتجلسين هنا
غلا: اوووووووف.. ما ادري احترت بشوف
وتوها بتطلع جوالها تدق على منال الا يجيها مسج
على طول ناظرت فيصل وفيصل ناظرها
دقت على منال وقالت لها انها تبي تشوفها في الحرم الساعه 2 الليل
غلا: يمه ترى بروح مع منال للحرم
جاسم: وانتي وياها ما تملون من بعض؟؟
غلا: قل ماشاء الله بس لا تنظلنا
*
*
*
في مكان ثاني بمكه وتحديدا شقه منال
منال:منار تروحين معي اليوم للحرم
منار:ليش ؟؟ ومتى؟؟
منال: ليش.. عشان غلا هناك.. وبتجى.. الساعه 2الليل
منار:لا دايخه فيني النوم
منال:يوووووووووووووه .. وتلفت وتلقى تركي
منال: تركي وش عندك الساعه2 الليل
تركي:ما عندي وش تبين
منال: ابيك تروح معي للحرم عشان غلا صديقتي
منال من طرت اسم غلا لتركي وهو سرحان يتذكر شكلها اللي ما راح عن باله
صدق البنت حلوه كل ما حاول يطرد صورتها ترجع لخياله مره ثانيه ويتذكر شكلها وهي مرتبكه
منال:ياهوووووووو نحن هنا وين سرحت
تركي: نحن معك.. خلاص طيب بوديك
منال: فديتك يا غالى اخو
8
*
*
8
8
*
في الشرقيه عند وليد وفواز
فواز:يقولون استاجر شاليه احسن
وليد:تبي الصراحه احسنين بعد.. عشان ما يزعجونا ودنا للبحر رجعنا من البحر,, يصير البحر قدامهم احسن
فواز:تفكيرك شي.. وزين جت منهم مو منا
وليد:طيب هم متى طيارتهم؟؟تو كلمت امي تقول طيارتهم بكره الساعه 9 الليل
فواز:وهم بكره ساعه 3 العصر الله يعين يبغى لنا نروح مرتين للمطار
*
*
*
*
*
*
في الحرم عند منال وغلا
غلا:خلاص اكدو الحجز
منال:قههههههههههههههههههر. ما امدنا نفرح في بعض
غلا:وش نسوي.. عاد,وهذا القدر...نسيت اقولك فارس ارسل
منال:بعد!! وش مرسل تكفين ثقيل الدم
غلا:ههههههههههههههههههههه
منال:خير وش تضحكين عليه قلت نكته...
غلا:شوفي وش مرسل((لو بطاوع قلبي ارسلك بالثواني.. لكن اخاف من قولة ثقيل الدم وش عنده))
منال:يخاف بعد ما درا انه ثقيل دم
غلا:صح قبل لا انسى ,, وشو اللي صار معك مع خالد؟؟؟
منال:ايه ماقلت لك.. يوم كنت في بيتهم اخر مره رحنا لهم.. كنا جالسين انا وفاء في الخيمه .جاء وقال ابي شاهي وراحت وفاء تصلح له.. وجلست انا وياه لحالي.. وقال بدون مقدمات ... منال انتي وش شايفه علي .. وش سويت انا ؟؟ انتي سامعه شي؟؟ قلت لا..
قال اجل وش فيني.. سكت ما رديت.. قال هو انا شاريك يابنت عمتي ولو اني مو واثق من نفسي كان من جيت وسالتك .. وش شايفه علي.. وليش متغيره.. وترى كلامك لي في اخر مكالمه طعون في قلبي
ومن هالكلام
غلا:حرام حسيت صدق انه شاريك
منال:ياختي مدري اكذب عيوني والا اصدق لسانه محتااااااااااااااره
غلا:كذبي عيونك احسن لك.. تعالي بس نوتر بدال السواليف الفاضيه
*
*
*
*
وش راح يصير جديد بالسفره للشرقيه؟؟؟
تركي هل بيكون ضيف جديد على حياة غلا
وش غلا وش قررت تسوي بفارس لما رفضت تعطي فيصل رقمه
وبيصير جديد مع وليد وابرار
ومنال وخالد تتوقعون يتغير شي بحياتهم؟؟
كل هذا نعرفه بالجزء العااااااااااااااشر
|