الاكلة اللي بحطها لكم غير شكل وطعمها فنان
ندخل بالمقادير :
صحن صدور دياي مقطع قطع صغيره
علبة لبن زبادي
فص الى فصين ثوم
ملح وفلفل وليمون




عقب نخلط مكونات اللبن والملح والفلفل واليمون والثوم ونصبها على الدياي




عقب تغلفه بغلاف سانيتا الشفاف وتدخله الثلاجه لمده ساعة الى ساعتين







اخباركم ياحلوين .>>> بعد مرور ساعتين نجي نكمل
نقطع خس والافضل نقطع بقدونس وكزبرة واللي ماعندها بقدونس وكزبره تقطع خس وممكن تحط اي خضار ورقية تحبها
عقب نطبخ الدياي تشويح على الصاج طبعا تسخني الصاج او قلاية البيض على حسب ماتسمونها عقب تحطي قليل زيت وتحطي الدياي اللي تبلتيه وتطبخيه حتى تجف ماء الدياي واللبن ويتشوح شوي ثمن تضيفين ربع اصبع زبده
وتحطي الخس او الخضار الورقية اللي قطعتيها في اسفل الصحن وتحطي الدياي فوقها شرات هالشكل

عقب تاخذي بصل وتقطعيه شرايح رفيعه جدا على شكل انصاف مو دواير وتفركيها بالسماق على حسب الرغبة وتحطيها على وجة الدياي شرات هالشكل

عقب تسوين خلطة او صوص للسلطه وهو مكون من
1م ك مايونيز
1م ك حطينه سايله
ملح + فلفل
لبن زبادي 1 علبه

وتصير بهالشكل

عقب تقلين بطاطس وتحطينها على جانب الطبق او تقطعين بطاطس اعواد رفيعه او تشترين البطاطا العلبة الامريكية الاعواد وتحطيها على الدياي او على الجنب اللي تحبينه انتي واخيرا تحطي الصوص اللي تو سويناه عقب تحطي خبز مقطع مربعات ومحمر وبالعافيه هذي صورة الطبق النهائية






,
وبث

منقول للامانه,
,
,