منتديات هيبة ملك منبع إبداع لاينضب - عرض مشاركة واحدة

اوسمتي · 10-15-2011, 06:14 AM

أهلين أليمة & غلا ,منورين ,,
كلامك صح غلا بإنو الدنيا على حسب نظرتنا لها ,
وأنا كمان زيك ,كنت مؤمنة بالبرمجة اللغوية العصبية بشدة ,قرأت كتاب عنها ونفس الكلام عدتو عشان
أرسخ فكرتو ببالي ويدفعني أكمل فكانت أغلب أموري أمشيها رسائل لللعقل الباطن ويكاد يكون مافي يوم يخلا
من تكراري جُمل لنفسي عشان أستمر , لكن حضرت دورة قبل فترة لأستاذه كبيرة وسألتها عن علاقة البرمجة اللغوية العصبية
باللي ندرس عأساس كنت بساعد نفسي بنفس الطريقة اللي دايما , قامت قالت :ان هذي الدراسة أساسًا تفسد العبودية لله !!
ماطوّلت بالشرح لكن قالت بالتحديد قوله تعالى : (إيّاك نعبد* وإيّاكَ نستعين) كافية اننا نعرف انو مانقدر نحقق
شي بدون مايكون باعانة الله لنا,(إياكَ ) الله لوحده ,واحنا بكلامنا (انا أقدر )أو زي مو بالكتاب (l can do it) نفينا مساعدة الله لنا
انو محقق الهدف (إياك نستعين) والله (يهدي للتي أقوَم ) يعني كلو بعون الله يصير فما نقدر احنا نرسم اللي نبغا
ونردده وانكبر الأنا ونقلل (تعالى عن ذلك الله علوا كبيرا ) من قدرة الله .. أثّرت فيا بقوة ,بالذات انو هيا الطريقة
اللي ماشية فيها حياتي وكل مشاعري, فما أدري حبيت اقولها أبرئ ذمتي لو اتفقت مع اللي تشوفو عقولكم ,
شكرا لكِ غلا , أتمنى ما أشكك بشيء وانتِ انسانة واعية مثقفة تقدري تبحثي عن الموضوع وتشوفي
وتتأكدي باللي يطمن بالك