|
قصيدة مدح في الدواسر
بسم الله الرحمن الرحيم
السلام عليكم ورحمة الله وبركاته .
هذه قصيدة مدح في الدواسر بمناسبة مزاين الابل الذي اقيم يوم
الخميس 26/7/1423هـ وقد اختلف هذا المزاين عن غيره من المزاينات .
وذلك بوجود مزاين مرادف للمزاين الرئيسي وجوائز للضيوف من غير الدواسر وبهذه
المناسبه التي لم يسبق لإحد شرعها من القبائل الاخرى قبل قبيلة الدواسر فقد كان
من واجب الشاعر مدح الدواسر لأنهم بفعلهم هذا يستحقون المدح والثناء حيث قال
الشاعر //
يازين فعلا يا الدواسـر فعلتـوه فعلا سبقتـوا فيـه كـل القبائـل
حتى لو ان الناس بعدين سـووه انتم هله من قبل وانتـم لاوائـل
قلتوا كلاما للضيـوف وحميتـوه وعاداتكم بالضيف فعل الجمايـل
يوم المزاين بينكم مـا احتكرتـوه ماعـودوا ضيفانكـم بالفشـايـل
من كان معه مشاركـه مامنعتـوه ماقيل ذا واجـد وذولـي قلايـل
بينتوا العلـم الجميـل ورفعتـوه للـي يحسـب دقهـا والجلايـل
تستاهلون الطيب ياالـي عملتـوه ويفوز بالطالات من كـان طايـل
ماهمكم مال العناء لـو جمعتـوه ماباقي إلا الفعل والمـال زايـل
هذا طريقـا للنشامـى رسمتـوه الا الذي سلمه عن الطيب مايـل
قررتوا الدرب الصحيح وفرضتوه مثل القلايد في رقـاب الأصايـل
الشاعر / دسمان بن مناحي السبيعي
|