ماهوب صح الله لسانك يـا جـراح
يكفـي مـن العلـه ثلاثيـن علـه
انت وحكامـك هـل الكـاس لا لاح
ولا سلاطيـن الجزيـره!! لابـلـه
حكام نجد اللي ورا هضبـة رمـاح
ضلالهـم مثـل الجبـال المضلـه
صغيرهم يلعب بكم لعب المسبـاح
ويسد فـاه اهـل القلـوب المغلـه
ان مد كف الطيب ماهـوب شحـاح
والـى تعـزوا دولــة مستقـلـه
مانيب ازكيهم من جـا ومـن راح
يمكن يجي في صفـة القـوم خلـه
وان كان هرجك لي ولا انته بمزاح
يما حلا بعض الحكـي فـي محلـه
ما نشرب الا البن الاشقـر الا فـاح
ولا حليب بكـار فـي وسـط ملـه
رجل وطموحي من ورا النجم لا لاح
اكبر من اني اشتهـر فـي مجلـه
يكفيني مـن المعرفـه والتمـداح
اني الا ضاقت علـي قلـت : يالله!
الوضع مزعجني ولا نيـب مرتـاح
بـروح واخليلـك دبــي كـلـه
اختار الشاعر : خلف بن مشعان
|