منتديات هيبة ملك منبع إبداع لاينضب - عرض مشاركة واحدة

اوسمتي · 05-08-2011, 05:08 PM

•
•
ياحيف يابعض الرجاجيل ياحيف
تاج المروه من ضميره سلبها
من شان دنيا ماعليها تحاسيف
صارت هوى نفسه وغاية طلبها
.
وانا أحسب إنه من رجال ٍ مواليف
رجل ٍ يقدر وقفتي ويحسبها
يوم أبذل المجهود مامن تكاليف
مابي جزى الطيبه ولاابغى تعبها
.
مابي جزاها من يدين ٍ مقاضيف
ولالي من الله كود لقمه كتبها
وش جاه حتى يصنف ّالهرج تصنيف
ويقول حاجة ماعرف وش سببها
.
بالكذب والبهتان والزور والزيف
مس الحبال بغير حق وكربها
والله ماذكر له جميل ومعاريف
وراه نون العين قطعّ عصبها
.
لو راجع أحسابه وفك المضاريف
يبي يشوف الليّ علينا جلبها
وانا أعتبرها ظمن بعض السواليف
والليّ بدون أعقال محد ٍ رغبها
.
كتمتها وسط الظلوع المهاديف
لو إني أوجس في ضميري لهبها
بعض الصداقة ماعليها تحاسيف
لاضيع ّ الجاهل مبادئ أدبها
.
وبعض الصداقة تنشري بالمصاريف
مع الرجال الليّ عريب ٍ نسبها
والناس كل ٍ له طبيعه وتصريف
ماتنكشف يالين تقرع خشبها
.
لاطالت الطرقة وشفت الصواديف
ومشيت في أرض ٍ وساع ٍ خببها
تبي تشوف أهل الرخى والمواقيف
ويبين فرق أنحاسها من ذهبها
.
وبعض اللحا ماهو صبور ٍعلى الحيف
أدنات نفسه مايثورّ غضبها
ماغير توميبه هبوب العواصيف
ومن وين ماهبتّ سعى في طلبها
.
ضايع وتابع له وجية ٍ مكاسيف
والتايهه كد قيل يعدي جربها
الليّ طريقه فيه بعض المحاريف
حق الرفاقة باعها ماكسبها
.
وامى الرفيق اللي يحب العجاريف
الليّ يحل الكايده من نشبها
رفيق ٍ يشرفك بالدرب تشريف
نفسه على العليا سريع ٍ ندبها
.
والطيب مايأتي على الود والكيف
وهبة من الرحمن للّي وهبها
دورات بقعا شكلها شرس ومخيف
والناس كل ٍ له مقاصد قضبها
.
واليوم أبنكف ضمن ناس ٍ مناكيف
مالي ورى الدنيا ولذة ّ طربها
هذا الكلام اللّي على حد توصيف
بإبيات من واقع ضميري كتبها
•