لا تحسب اني يوم صديت بلشان= لا و الله الا حاشم(ن) لحيتي عنك

و اخاف عقب الهرج من زلة لسان= تجيك مني غصب و الا تجي منك

مير ابتعد و بنفسك اكسب لك احسان= هذا ان قدرت تقاوم اشينك بازينك

خل الحصان يقابله غيرك حصان= والا انت دور من يطابق لمعدنك

وشلون امس بطانك و لا لك بطان= يا عملة عيا على ضمها البنك

انا بجبين المجد سجلت عنوان= والا انت لك عيب عن المجد مفتنك

كيف الرفيق اللي تحطه بالاعيان= لو واجروه اعداك يطعنك يطعنك

يا كم بهالدنيا من انسان و انسان= لو تخطي بحقه بعقله يثمنك

و ياكم بهالدنيا من الناس شيطان= يضحك لك بوجهك و لا غبت يلعنك

اثر اللحى تنبت على و جيه نسوان= وبعض الشوارب ما تساوي و لا فرنك
//
الشاعر :زيـــــاد بن نحيت