منتديات هيبة ملك منبع إبداع لاينضب - عرض مشاركة واحدة - مدمـــــــــــــن ومدمنــــــــــة شات ...

اوسمتي · 02-01-2011, 11:23 AM

عليكم السلام ورحمة الله

أهلا ..وشاح الذكريات

زوجكٍ مدمن شات قبل الزواج وبعد الزواج وهو لم يصرح بانهُ يتحدث معا فتيات وشباب عبر الانترنت

واكتشفتي ذلك يومــــآآ .. كيف راح تكون ردة فعلك ..!! وكيف تتعاملين معا هذهٍ المشكله ؟

قبل الزواج .. (عفى الله عما سلف) مولازم أنبش بشي حصل قبل يعرفني عشان ما أتعب وأتعبو..

لكن لو مازال يدخل شات ومخبي عني (معناتو خايف من ردة فعلي وعارف بجواتو انو شي مو طبيعي)

ماحأواجهو .. أخليه لين هوا يبطل من نفسو ..بنفس الوقت أحاول أفكر من جهتي بأيش أنا مقصره !

يمكن يكون محتاج حوارات ..وبيتنا يخلو منها ..يمكن يكون محتاج ثقافه وانا انشغلت لدرجة ما أتكلم

عن شي إلا عن البيت معاه ..! (لأنو قد حكوني أشخاص يدخلو الشات..انو أغلبهم يبغو يتعرفو ع ثقافات

الناس ..صح في بنات وشباب يدخلو عشان يتعرفو ع بعض ..لكن البعض يدخل عشان يناقش ..يتعارك بالكلام

انا نفسي استغربت لين حكتني بالتفصيل عن بعض الشخصيات اللي فعلاً يكون هذا هدفها من الشات ..وطبعاً

إضافه إلى أنهم يكونون فاضيين يعني يقضو وقت ) لكن اذا كان رجل متزوج وعندو أشياء تشغلو ولسا يدخل

فأنا من ناحيتي أحاول أصلح الأمور من جهتي ..واذا اتبينلي اني مو مقصره لكن هوا رغبتو انو يطقطق ..فأنا

ما بفتح لنفسي مشاكل هوا مع الزمن حيعرف انو تصرفو غبي ويبطل .. لأني لو اتكلمت وهوا مقتنع باللي يسويه

حيروح تقديري عندو ويقوم يقهرني وقدام عيني يدخل بما إني أعرف ..ومو غريبه يقولي سويلي كوب شاي وسيبيني

لوحدي لو سمحتي ..(أسكت ويقدر وجودي ويخبي عني اللي يقهرني أكوس برأيي)

شكرا وشاح ..لروحك ما تتمنى