^^
حلوه .. الاحلام ببلاش *.*
/
وش اللي صار ما ندري .. ولا ندري وش اللي صار
ولا ندري وش اللي بالليال المقبلات يصير
تعلّمنا من اسرار الحياة .. ان الحياة اسرار
وتفسير الحقيقه .. بالحقيقه مالها تفسير
ومن غدر الزمن كلٍ يقول ان الزمن غدار
فكم ممسي على قمة جبل واصبح بقاعة بير
ومن مكر البشر كلٍ يقول ابن البشر مكار
فكم بالناس حامل مسك وكم بالناس نافخ كير
صحيح ان الصحيح اصبح خطا والعار ردّ العار
ولكن مالنا حيله ولانقوى على التغيير
نشوف اللي نشوفه من مصايب واليدين قصار
تحت رحمة رحيم وفي رجا الله والي التدبير
نعايش وقتنا و نسايره و نقول يا ستار
علينا تستر بسترك وبامرك يالله التيسير
نفكر بالليالي والليالي تِفخِت الافكار
ولازلنا نفكر كيف ممكن نترك التفكير
وش اللي صار ماندري .. ولاندري وش اللي صار
ولكن كل شيٍ ممكن انه بالحياة يصير
لخليل الشبرمي
|