صباح الخير أنا عضو جديد<<مااحد قلك عرفي بنفسك
بس حبيت أشارك بالنقاش لأني أشوفو مهم جداً ,, بصراحه موضوع جميل ورأيك جميل
لكن ليش احنا نرضى بهذا الواقع !! هوا صحيح إحنا نحب الكلام الطيب ونحب نسمع المجاملات
ونجامل إذا كان المايك معانا لكن مو لدرجة إنو نمسح جزء من شخصيتنا اللي هوا الصراحه
عشان بس نعجب الناس أو نرضيهم !! ليش مابالعكس نطور من الوضع اللي يتمثل بالزيف وإعجاب
الناس بالشخص المجامل !! بإنو نبقى زي ما إحنا لكن نكون صريحين بأسلوب راقِ يعني
بذوق ولو كمان ماعجب الشخص وخسرتو مو مشكله الشخص الحساس اللي يبغاني ع مزاجو
مو لازم أكسبو لأني ما أحب أغير من شخصيتي بالذات إذا كونت ع حق بسبب رأي شخص واحد !!
وصدوقني الصراحه مهمه ومفيده حتى عند الشخص اللي يحب يجامل ويحب أحد يجاملو إلا تلاقيه
بوقت يبغا يسمع الصراحه يمل من الخداع ..
تقبل مروري أخي"الصرخه" وتسلم عالموضوع القيم
|