يادمع لذتك لا هطلت لحظة خشوع
يحسها اللي عاش عمره متكدر
العمر واحد .. لو تقضيه موجوع
نفسه لو انك عشت فيه متصبر
احيان صمتك في رجاء الكون مسموع
لي صرت ضايق والفؤاد متعكر
انا لقيت الحب في الناس مشروع
لا هو حرام ... ولا ذنوبه تكفر
لكن قناعة [ كل مرغوب ممنوع ]
على عقول الناس صارت تسيطر
الحب عند البعض .. اهموم ودموع
واشياء كثيره .. فـ الضلوع اتفجر
والحب عند البعض ... اذلال وخضوع
واشياء نسويها .. قبل ما نفكر
والحب عند البعض .. عادات وطبوع
يبدله في اليوم ... مره او اكثر
البارح كملت في ضيقتي اسبوع
عشان اشياء حولي جدا ... تكدر
ماني متيم حب ولا القلب مفجوع
بس اتأمل في حياتي ... وافكر
بس اتأمل في حياتي وافكر ...
بس اتأمل في حياتي وافكر ...
بس اتأمل في حياتي وافكر ...