..
انتي .. لو انك دموع ٍ في عيون اليتيـم
يشّـح فيـهـا لــو يـشـوف الغـبـن والقـهـر
وشلـون بالله فـي عيـون العزيـز الحشيـم
اللـي لـو يـمـوت ســرّه للـعـرب ماظـهـر
ياغايبه من غيابك .. ضاق صدر الحليم
ضيـقـه وونّــه وتنهيـتـه ووجــد وسـهـر
غبتـي ولاعـاد لـه غـيـر الرسـايـل نـديـم
باقي اسبوعين ويكمل ( 12 شهر ) .. !
موادعك نار .. وضلوعه يبـاس وهشيـم
نار ٍ لو تشب في صلب الحديد انصهر
ياغايبـه .. كــل ماهـبـت هـبـوب النسـيـم
عرّض خيالـه هبـوب الذكريـات وشهـر
كتب بك الشعر واغراء به قلوب الحريم
اما غرف من بحر والا قطف مـن زهـر
وينـك وويـن السعـاده .. والزمـان القديـم
الحزن .. شوفيه في حـال الغريـب ادّهـر
ينسى ويذكر وطعنات القدر في الصميـم
ويرفـع يدينـه لـرب البيـت ســر وجـهـر
يشتـاق ويحّـن ل.. ايـام الوصـال ويهـيـم
ويـدفـع حيـاتـه لتحقـيـق الامـانــي مـهــر
فـي عيونـه الحلـم واقـع والحقيـقـه سـديـم
تـغـيّـرت عـنــده الايـــام بـطــن وظـهــر
لــو ان للـقـرب حــق وللـمـفـارق غـريــم
ماكـان صـارت مرابـع مـن يحبـك دهـر
|