تدريـ وش الليـ يذبح القلب...............
تدري وش اللي يذبح القلب
قصيده اعجبتني وحبيت انقلها لكم لانها بصراحة تعور القلب...
ياقلب جيتـك وافهـم العلـم ياقلـب .. اللي تحبه مغـرم بحـب غيـرك !!
كم قلتلك ياقلـب خلـه علـى جنـب .. يمكن مسيره يستـوي مـع مسيـرك
الدرب واضح بس لا تجهـل الـدرب ..اللـي يحبـك دايــمٍ يستشـيـرك
ماهو مثل صاحبك عايش على الكذب .. وان ماكـذب يمـوت الله يجيـرك !!
تبي الصراحه مالك ومـال هالقـرب .. ماهو كفو شـرواه يصبـح عشيـرك
انا ادري انه تـرف وصغيـر وذرب .. لا كن مصيره يختلف عن مصيـرك
لا تحسبـن السالفـه كلـهـا لـعـب .. اصحى معي من شان يصحى ضميرك
اللي تحبـه صعبـه شـوي ينحـب .. قلـه يـروح وكـثـر الله خـيـرك
تدري وش اللي يذبـح القلـب ياقلـب .. انك تحب انسان ويحـب غيـرك؟!!
تحياااتي
صادقة الاحساس
|