قلّي شسوي إذا انته حيـل توحشنـي
ياللي غيآبك طوآني بكـل مـا فيّـه
عن كل نآسي يا حبّي صرت تشغلني
تتحكـم ابْكِـلِّ حالاتـي المزآجيّـه
إن كنت زعلان جيت بضحك تسعدني
وإن كنت فرحآن زدْتِ فرحتي بيّـه
وإن كنت مهموم صرت ظهر تسندني
وان كنت مظلوم كنت نآصـر ٍ ليّـه
مدري شسوي عشآن بـس تفهمنـي
ما اظن توفيك أي سطـور شعريّـه
بس ودي تفهم تعـال يالله واسمعنـي
للموت احبّك وببقى مخلـص النيّـه
وأعشق فؤآدك وحبّه حيـل شرّفنـي
وأفخر اذا مرّه جآت إيديـك بإيديّـه
ودي أضمّك إليـن الضمـه تذبحنـي
واموت وتدفني عند شفـآه ورديّـه
وأبي حنانك بكـل لحظاتـي يغمرنـي
إلين ما تصيـر أحآسيسـي أموميّـه
وأبيك لا ذبت فيك عشـق تشربنـي
واذا يزيـد الغـرآم تَرْفـق شويّـه
طفلك أنا يـا هنآيـآ يالله احضننـي
مابـي شعـوري يـروح للجنونيّـه
أبي أحـس بدفـآك حيـل يحرقنـي
يشعلنـي وتصيـر أغصآنـي رمآديّـه
وأذبل بأرضك واعيش للأبـد لآنـي
لو مت روحي تصيـر بعالمـك حيّـه
لأنك حبيبي وروحي وقطعـة ٍ منّـي
ولآني بدونك مـا عـاد لـي أهميّـه
|