شافت الدبله في يدي وازعـــلت
شافـت الدبــلـه في يـدّي وازعلـت .. والملامـح فـي محيّـــاهـا غضــوبـه
وسكتت لحظه.. وجتنـي وسألـت .. يــا غلا..لا يكون ملكـه..أو خطوبـه
ما قدرت اتكلـم وعينـي اخجلـت .. قمت اطالع خاتمي..وانظاري صوبه
حلّفتنـي حيـل.. حيـل اتوسلّـت .. قلت آسف..وادري ما همّــــــــــها توبـه
قلت كلمه..الدنيـا فيهـا اتزلزلـت .. قلت روحي ابـــروح غيرك امغصوبه
شفت دمعه اتحجرت.بس انزلت .. من عيــــونٍ ناعسـه كـــلهـا عذوبه
طالعتنـي وطالـعـت واتــأمـلـت .. كنّــــها تلعـن زمانـي وكـل عيوبــــه
وابصعوبه حروف من فاها اوصلت .. والسكون اصبح كما الريح وهبوبـه
اكرهك قالتهـا ..بـس مااتحملـت .. والله مسكينه مـن قلــيبـي وذنوبـه
قالت الدنيا مـن افراحـي خلـت .. انــحكم ابـكي من ظـروف مــكتوبـه
قمت انا اتبسم وضحكاتـي علـت .. وقــلت آسف قصتـي كلهـا اكذوبـه
كنت اجرب دبله ..يدي ابها ابتلـت .. واعــلقت ما تطلع الا بكـلْ صعوبـه
وسلامتكم .....اعجبتني ونقلتها لكم
|