منتديات هيبة ملك منبع إبداع لاينضب - عرض مشاركة واحدة

اوسمتي · 11-01-2009, 05:28 PM

اولا شكــرا لصاحبــة الموضوعـ .. وشكــرا لمجددة المــوضوع ـعبيــرووو ..
وبأرضــه شكـر خااااص لجاســي على اختيارهــا لــي ..
طبعــا من حســن الصـدف .. لمـا عرفت باختياري هنــا .. كان اخوي يلعب بجنبــي .. يعني ماتعبت معه ابدا . الحمدللهـ .
طبعــا اخوي اسمــه احمــد .. بالصف الاولـ ابتدائــي ..
والى الحــوار ..
انــا //هـلا حمودي تعالـ ابيك بسألك كم سؤالـ ..
احمـد //وشو لعبــه والا ايش
انـا // اي لعبــه انت وجبهتك

تعال بس تعالـ ..
احمد //يالله بسوورعـه مانيب فاضي >>>>دنيـا حتى البزارين مشغووله

انـا // اناظـره بطرف عين واقول وشو منت فاضين لي . وش عندك

؟
احمـد // ابرووحـ تحـت اخاف (رنـا ) تلعب بقيم بوي حقي

>>>اختي
انا //طيب ياللهـ ياللهـ ..
انا //وش تسوي اذا صرت فاضي ؟
احمد //العب قيم بوي..
انـا // لو فزت بألف ريال ايش تسوي فيها ؟
احمــد // على طوووول وقبل انهي السؤالـ //اشتري به سوني و دباب وادعس اي واحد مايطيعني >>>>عااد اقول بقلبي انا والله ان تبطي اذا ذا تفكيرك

انــا // وين ودك تسافر بالاجازه ؟
يرد هو يقول داخل السعوديه او بـرا .. >>>يوم قالي هالسؤال قلت ياعزي لوخــيي .شكل حر السعوديه ذابحه

.. عاد انا ببراءه قلت له
قلت له عادي الي تبي ؟
يقولـ داخل السعوديـه // حايــل >>>>مدري وش المسكــه الله يصلحــه
وبــرا السعوديــه // الرياض

>>>>الحمدلله ع العقــل .. واخرتهــا الرياض على بالي بيقول سويسرا..بس هو صادق الرياض برا المنطقـه الي حنا فيهــا>>>>يرقع لاخوه

انـا // لو صرت مدير مدرسه وش بتسوي ؟
احمد //اهاوش الطلاب الي يزعجني .. وبس اجلس ع الكرسي
انــا // طبعــا بهاللحظه وقبل السؤالـ الجاي .. قلت له شرايك حمودي نرووح اليوم نجيب لك شريط قيم بووي ماصدق بغا يطييييييييير من الفـرح .. وانا مو لله بس عشان السؤال الي الحين .. بعده سألته
تحبني ياحمودي ؟؟ << يافشيلتك لو طلع مايحبك صدمه ,,,طيب ليش؟
احمد// الا .. انــا //وشو الا .. احمد // يعني ايــه ..
انـــا //وش تعرف عن :
,,الفيفادول
احمـد //وشو الفاتيدول

>>>>المشكله له اسبوع طايحن مريض . بس شكل الحراره لاحقتن على عقله الله يصلحه
انــا // طيب الانترنت
احمــد // أي شي تبــيه فيه
//انــا // وشو يعني اي شي تبيه فيه

؟
احمد // يعنــي العب فيه ..>>>>بديت اشـك بتفكـير الـولد

انــا // طيب والايتكيت
احمـــد //وشو الايتيكيت ...اتوقع انه اسم باب او شاهي >>>ودي ادري وش جاب الشاهي للباب

انـا //والكشخه
احمـد //ان الواحد يحط عطر ويجلس عند التسريحه >>>شكلي دابلن تسبده بهالحركـه
بعدهــا ماشفـت الا غبرة الــولــد .. لان (رنــا اختي )تناديــه .. احمممد تمطـر تمطــر .. قسم بغيت اطلع لرنـا واكفخهــا .. انا ماصدقت امسك الولد .. وانه جاين بدون تعب .. المهم الحمدلله .. رجــع الولد .. بعد ماناديتــه
انا // وطيب والحوسه
احمد // وشو الحوســه . وش تقوول انت ..>>>>جحدنــي هالخبيــث .

اقول هذي تكميل للاسئـله .. يقول ايه صووحـ ..
انــا // يالله جاوب
احمـد // وشو عنــه >>>مسوي عبيط الولد

انــا // عن الحوســه
احمد //اذا صار فيه اغراض طايحه
انـا // طيب و الصيآح
ههههههههه مهبول ذا الولــد// يقولـ الصياح يعني الصياحـ //اقوله طيب متى الواحد يصيح ..يقول كل و قت الا المغرب مايصلح الواحـد يصيحـ ..

>>>>حكيم اخوي بسم الله عليه

انــا // اعطيـه شلوتـي يالله انقلــع خلاص قضيت

..
احمد / طيب شريط القيم بوي
انا // مسوي عبيط ..وشو ماواعدتك بشي
// احمد // يصيــح ويقول والله مااخليك تلعب باالقيم بووي

وبــس .. اخوي ذا الله يصلحــه .. مدري من وين اخــذ العباطـه .. ياررربي مدري من طالعن عليــه .. والا كلنــا مؤدبيـن

..