بســـم الله الــرحــــمن الرحيـــــــــــم
السلامــ عليكمــ ورحمة اللهــ وبركاتهــ
قصيدهـٌ للشآعر محمد إلسهلي
أتمنى ان تنآل إعجآبكم
---------------------------
لا صرت بايعني اشوفك على خير
مع السلامه دام ما به سلامه
قلت انتهينا قلتلك خير يا طير
ماني بأول شخص يخسر غرامه
محذرك من قبلها ألف تحذير
لا عفتني بيعيف قلبي هيامه
ماني بميت لا ولا احتاج تبرير
صح الله لسانك و وفر كلامه
بسمعك حبكه..وفكره..وتصوير
وأفهم عدل يا مدعي بالفهامه
وجه الشعر أبيض ويحتاج تغير
ودي تزين هالقصيده علامه
ماضيك الاسود بذكره دون تقصير
كذا يكون بخدها الشعر شامه
يصدق معي تعبير ويخون تعبير
يا ضيعت الشاعر بوقت انسجامه
يمكن خطأ أدونك بالشعر مير
لو ما احترمتك للغرام احترامه
ما كان حبك غير بس طعنتك غير
علمتني معنى الندم والندامه
ما جاك مني اي زله وتقصير
كل ما اخطيت اعاتبك ببتسامه
حسبي على الذكرى اذا هبت عصُير
ما عاد تنفع شرهتي والملامه
البال ظامي وقتها والحزن بئير
خسرتك وهمي كسبت اهتمامه
والليل فازعلك كذا جاني مغير
ظلمتني وأكثر ظلمني ظلامه
لا اقبل علي اوحيت صوت المسايير
وفزيت كل ضيف اقوم بمقامه
واليا عزمها الليل ضيقه وتفكير
قلي بربك كيف بقدر انامه
ما فيه داعي للعتب والمعاذير
الغدر خال الجرح واطيب عمامه
أما يجيب الله مطر تاليه خير
والا السلامه ماش ما من سلامه
تحياتي