منتديات هيبة ملك منبع إبداع لاينضب - عرض مشاركة واحدة

اوسمتي · 09-26-2009, 09:47 AM

قلت المطر قالت من اليوم ديّمه
مابه لا رَعَد .. لا برق .. ما غير هتّان

عشق ٍ جمع ما بين قاع ٍ وغيمه
سيّـل على صدر الثـّرى دمع الامزان

همس النّديم اللّي يعاتب نديمه
صوت المطر كنّه تعاتيب خلاّن

تبسّمت لاجل الليالي القديمه
قالت تذكّــر .. قلت يا بنت نسيـان .. ؟!

نقض الجروح اللي تشافت ظليمه
لا عاد به وصـل ٍ ولا عاد هجـران

ما للرَّجا في بعض الأحوال قيمه
وما للعمى صبح .. لو بات سهـرآن

لو للزمن عن نيّـة الغـدر شيمه
ما فرَّق احبـاب ٍ .. ولا بَّعـد اوطـان .. !

لا شك وينك يالقلوب السَّليمه
.اللي تجازي عن خطا الخـلّ غفـران

كلًّ خصيم وذاق لوعـَـة خصيمه
واللي خصيم الوقت يا بنت خسـران .. !