منتديات هيبة ملك منبع إبداع لاينضب - عرض مشاركة واحدة - جيتك وانا اداري دموعي ومنهار ~~ وياليتني مااخطيت دربي وجيتك

اوسمتي · 09-23-2009, 03:22 PM

إن كنت ماتدري بعلمك وش صار
البارحة ضاقت علي ونخيتك

جيتك وأنا اداري دموعي ومنهار
وياليتني ما اخطيت دربي وجيتك

صكيت بابك مثل صكات الأقدار
لو ماحداني جورها مانصيتك!!

وشلون هانت قربة أنساب وديار
وشلون تهدمني وانا اللي بنيتك

تذكر قصايد (حس فيني) و (محتار)؟
يومك تناشد بالغلا .. ماجفيتـك

واليوم دارت بيننا .. والزمن جار
وأصبحت تجفيني وانا اللي هويتك

خلاص أبضحك للقدر سر وإجهار
وش عاد تنفع دمعتي لو بكيتك

مثل البحر تخدع قصيرين الأنظار
شربت أبروى منك ، لكن ظميتك

ماعاد أبشقى بك ولا عاد بـَ اغار
غلطة حياتي يوم بعت ، وشريتك

وإن كنت ماتدري .. بعلمك وش صار
إن كنت ماتدري .. تراني نسيتـك

:تحياتي لكم :