احم احم
















اول شي نصيحة لا عاد تكتبون في موضوع وتنسون تنسخونه قبل تسوون اي شي << لي ثلاث اساعات اكتب موضوع يوم ضغطت اعتمد الا ويطير تعب ثلاث ساعات راح هباء منثورا :a2a1144:



بصراحه انت فكار
والله ياني اكله من ذي المواقف لليييييييييييييييييييييل

بس ماقد فكرت اسوي نسخ << مافيها حيل تشغل مخها
















واكيد راعين الزيوت والتنفس الصناعي والطراطيع وراعين الفحم والمواعين يتحرون موقفي بلهفة << ول تدورون الفضحية باي شي



















عاد رمضان المواقف فييييييه كثيييير وما تنعد















بس بصراحة بعضها ما ينسى















واطلق موقف صار لي في رمضان السنة ذي


















طبعا انا عزوبي من اول رمضان اهلي سافروا ربي يرجعهم بالسلآمة << من الحين يتمسكن عشان محد يمسك عليه شي :a2a1286:












المهم قبل تقريبا اسبوع سهرت وما نمت الا بعد الظهر ولا صحيت الا بعد المغرب وصحيت مرتاع افطرت بسرعة









وطقيت ثوبي وشماغي والجزم واهم شي الساعة وكشخت وهووووووبا على الدوام طبعا المكان اللي اداوم فيه لابد اني اكون رسمي










دوامي يلزمني اني اقابل اشخاص المهم بديت الدوام واستغربت كل ما يمر شخص عندي الا واشوفه يضحك أو يبتسم ومدري وش قصتهم











كل من هب ودب جلس عندي جلس يضحك وانا على نياتي واقول اكيد الظرافة ذبحتهم وصاروا يضحكون بس من يشوفوني













جا مديرنا ومر علي ومديرنا ما شفت ناس اردى منه بالاخلاق ودايم مقفلة معه ودايم معصب استغربت اليوم يضحك وبس يطالع فيني ويسولف وانا اقول وش قصته ذا













بعدين جلست اشاور عزيزتي ( نفسي ) واقول وش صاير يا ولد الناس بس تضحك والمدير طاقا ميانة اليوم وما غير فاتح فمه 10 بوصة ضحك












جا عندي شخص ومعه ولده الصغير واشوفه بس يتبسم من يوم جلس وكأنه ماسك الضحكة جلست اتكلم معه الا ويجي ولده الصغير وبنص كلامي خطم غلط وقال
بابا بابا ليش هذا قالب ثوبه << وجلس يأشر علي :a2a1144:
انا بنكرياس الضرس عندي واحشاء روحي انقلب لونها اورنج << بحكم اني صرت اورنجي
ووجهي صار الواااااااااان


المهم ان الابو ما تحمل وفقع ضحك وصار كل اللي حولي يضحكون










أنا بكل ثقة قلت له << عن إذنك المدير يناديني









وهووووووووووب رجلك والارض صرت صاروخ جو جو

واروح اشوف نفسي الا وحالتي حالة


انتم تخيلوا معي


















قدامكم شخص تشوفونه مرسم ومشخص وكاشخ بس إنه قالب ثووبه ولابسه مقلوووب













ياااااااااا الله




جلست شوي غديه يذلف هالزفت ناظرت الا وهو ينتظرني اول ما جيت والقاه هو والمدير جالسين وسوالف واكيد حش فيني وضحك








يوم شافوني ويضحكون ضحك اول مرة اشوف مديرنا يضحك .. لا وعلى مين علي انا












جيت بكل ثقة وجلست عندهم
قال المدير الله يا بروميس مي وش هالموضة بصراحة كشخة << جلست اناظره بنص عين << قهرني والله انا حدي متفشل وهو يزيد الطين بلة





بس بعدها كملت دوامي ومشيت والوضع طبيعي ولا كأنه صار شي << بالله يمديكم على الثقة











وبعدها صرت ما اطلع من البيت الا وانا مشيك اموووري كاملة






اناظر من فوووووق لــ تحت












وو يعني لو صار هالموقف لواحد منكم ترا عاادي يكسب اجر بالناس اللي عمرها ما ضحكت مثل مديرنا مستحيل يضحك وخليته يموت ضحك









ووو ابد ما لكم بالطويلة وبالهناء والعاافية







.....

|| ~ ملآحظة
هذا الموقف برعاية:
سمك النشا << تآكل اصابعك وراه
زيوت الفخآمة << لــلزيت حلاوته
مواعين الرجج << أطباق من فولاذ (( ضد الكسر ))
طراطيع أم عزيز << خذ درزن ودرزن مجاناَ
اكسجين نقي << لكل من يعاني ضيق تنفس لا داعي للتنفس الصناعي
تموينات نواف << اللي ودهم يقطعون صيامهم سيروا علينا
























C , U يا حلوين