(11)
- طنِّش ..
- تعش ..
- تنتعش ..
لا تنقهر
ما على قلبك أمر
ولا تنصدم إن لقيت
أقرب أصحابك يحش !
سافِر " مصر "
وتالي إرجع للـ كويت
..
طنِّش , تعش , تنتعش
لا تناقش من يذمِّك
واللي حاصل - لا يهمِّك
لو يهمِّك شفت قلبك
من [ همومك ] ينفرش !
..
طنِّش , تعش , تنتعش
وقبل كل هذا نسيت
تدري لو تعطي جروحك " وجه "
والله تبتلش !
الغضب باين على إيدك
تكلِّمني وترتعش !
..
طنِّش , تعش , تنتعش
شوف يا قلبي وتعلَّم
دام هـ الدنيا تجارب
هذا كل عمره مسالم
وذاك كل لحظه يحارب !
ربِّي حسن الخاتمه ..
كل هذا صار في يوم ( 11 )
..
طنِّش , تعش , تنتعش
:
|