شِرَق هذا الفرآق اللي كِسَرني حزَّة غروبك
بغيتك وإستحَت عيني من الغلطآت صدقني !
كتبتك من قبل لآ تجرح الكلمآت مكتوبك ..
إذآ عندك عذر بآقي على التقصير إعذرني !!
كثير الهَم متعوِّد علي .. وإنت يآ دوبك
وكآفي الحزن لو عنَّه أغيب أيَّآم " يفقدني " !
حبيبي ليه متضآيق وعلي متغيِّر إسلوبك ..؟
يبيِّن لو سِكت قلبك .., بأنْهَآ ضيقتك مني
غيآبي كان مو بيدي خذآني الحظ من صوبك !
وقلبي هذآ هو حظه غريبٍ , من صغر سني ..
أبيك ومآ أبي غيرك .. وتأكد قلب محبوبك
جبرهـ الوقت يتنآسى لأجل بالخير تذكرني
إذآ ردَّت علي أبقى معآك وثوبي من ثوب
ولكن [ الزمن ] .. لمَّا أقرِّب يبعدك عني !
غصب رآيح ولآ برجع لأني أبرز عيوبك
حرآم إنَّه يجي وآحد يلومك من كثر " حزني " !
ترى مآ رحت من كيفي عشآن أتحمَّل ذنوبك
أنآ شفت الزمن نآوي علينا وقلت له : خذني ...!
واذا قالوآ : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لآ تدوِّرني !
لذلك قلت في نفسي أبي أبعد عن دروبك ..
تأكد غيبتي هذي عشانك إنت ... صدّقني !
|