سالني عن غلاك الشوق وجاوبه الوله اهواه=واكد خافقي ياشوق انا بالحيل مجنونه

كثر مامرني طيفه وصاح الشوق بي اواه=كثر ماتسهر عيوني تناجي الليل لعيونه

احبه تشهد حروفي وشعرٍ واضحٍ معناه=احبه كيف ما ادري وروحي فيه مفتونه

الا ياشوق لو تدري بحبٍ خافقي أخفاه= عن عيون العرب خايف يوصل سمع مضنونه

تصدق لو ابحكيلك عن احساس الهوى ومعناه=تهزك دمعة عيوني وجرح القلب وطعونه

انا ياشوق يذبحني حنيني والوله وياه=ولو غاب الغلا ياشوق اشوف الموت من دونه

احس النار تحرقني الامن جاب احد طرياه=بصمت اتنهد بسري عن العذال يوحونه

اخاف اليا درى عاذل عن الي بالحشى ارعاه=يبّعد بيني وبينه واموت بنار مغبونه

اضم السر في قلبي ولامن جا يبوح انهاه= وخوفي لا يثور الشوق ويفضي القلب مكنونه


مما راق لي

تقبلواا تحياتي