مافيه داعي تهين الحب وتشوته
يانور عيني ماللجفا داعي

دونت رقمك مع الارقام في النوته
وإلا انت مبطي مدون بين اضلاعي

جميع امورك معي بالحيل ممقوته
ياقاسي القلب حاول تفهم اوضاعي

الطفل لاضاق يرضونه إبسكوته
وإلا انت ضيقتك تشبه سم الأفاعي

تعال شوف الخفوق وفك كبوته
والله مابلخفوق الا انت وأوجاعي

صورتك وسط الخفوق اليوم منحوته
تعال كب الجفا ياشين الأطباعي

صاحبك كل البشر تسمع صدى صوته
إلا انت وش فيك لاتسمع ولا تاعي

تعال قبل الجسد يسكن بتابوته
والعمر لحظات والدنيا تمتاعي

والناس فالوقت شماته ومشموته
لكن مهما حصل مايرتخي ناعي

خذ كلمه من صميم القلب مثبوته
قدام تبحر هبوب الوقت باشراعي

من شاعر بالشعر تشهد له بيوته
ماطالع للوقت لو الوقت ماطاعي

الذيب ماياكل إلا كل عنتوته
والذيب لاجاع مايلهث ورا الراعي

إن طال صبره ترى ماطول سكوته
وإن ضاع كم واحد من سبتك ضاعي

لكن خله يضيع ووقته إيفوته
والموت واحد لو ان اسبابه أنواعي

وإن مات صاحبك معروف سبب موته
وإن عاش دونك حياته مالها داعي
//
نايف محينيش العتيبي