جرح العدو مع طـول الأيـام يبـرا
وجرح الرفيق تموت .ويدفن معك حي
ياشين موقـف تنطعـنٍ فيـه غـدرا
لا تقدر تصافح ولا تصد عـن شـي
طعـن الخناجـر يلتهـب ويتمـدرا
وطعن الغدر باسم الرفاقة يضل كـي
ان قلت أمشي زاد بالجـوف حسـرا
مايبرد بقلبـك وكبـدك تقـل ضـي
حاولت اعـدي بـس مافيـه حـدرا
وحاولت اروض النفس وداهمني القي
لونهـا مـن غيـر واحـد تخطـرا
ولونها زلـه تـرى اهـون شـوي
من صاحب ٍ شروا هل الطيب قـدرا
فهيم عـارف مكتمـل مالـه نـوي
اشلـون مـرت مـادري وهـو ادرا
اشلون عدت صاحبـي هـو يـدري
لاجيت اذكـر مجلـس ٍ فيـه يطـرا
احـس مالـي لاصديـق ٍ ولا خـي
يالعن ابـو وقـتٍ جمعنـا وتحـدرا
وابـو دقيقـة فرقتنـا بـلا فــي
لاهنتـي يارفقـه تموتيـن عــذرا
دام المبـادي عندنـا مالهـا لــي
|